'Hann hittir alveg klárlega í lærið á mér'
'Það er klárlega margt sem við getum byggt á upp á framhaldið'
'Ég skil þetta ekki'
„Ég er ábyggilega búinn að horfa á þetta atvik 30-40 sinnum," sagði Sigurður Bjartur Hallsson, framherji FH, þegar Fótbolti.net hafði samband við hann í dag.
Atvikið sem er mikið á milli tannanna á fólki átti sér stað í seinni hálfleik í leik Breiðabliks og FH í gærkvöldi þegar Sigurður gerði tilkall til vítaspyrnu eftir viðskipti við Damir Muminovic. Ívar Orri Kristjánsson, dómari leiksins, dæmdi hins vegar ekkert.
Atvikið sem er mikið á milli tannanna á fólki átti sér stað í seinni hálfleik í leik Breiðabliks og FH í gærkvöldi þegar Sigurður gerði tilkall til vítaspyrnu eftir viðskipti við Damir Muminovic. Ívar Orri Kristjánsson, dómari leiksins, dæmdi hins vegar ekkert.
Lestu um leikinn: Breiðablik 2 - 0 FH
„Þetta er alltaf jafn mikið víti, ég skil þetta ekki. Þegar þetta gerist í leiknum sé ég Damir sveifla löppinni, ég næ að teygja mig í boltann í gegnum klofið á honum, og svo klárar hann (sveifluna). Hann reynir að draga úr sparkinu þannig hann sparkar ekkert sérlega fast í mig, en hann hittir alveg klárlega í lærið á mér. Í augnablikinu leið mér eins og Damir hefði gert risastór mistök. Ég hélt þetta yrði 100% víti og í raun steinhissa þegar það kom ekkert flaut," sagði framherjinn.
Á þessum tímapunkti í leiknum var Breiðablik 1-0 yfir en FH að þjarma vel að heimamönnum.
„Seinni hálfleikurinn, allavega fram að seinna markinu þeirra, var mjög góður. Markið þeirra slökkti aðeins í okkur. Við héldum samt alveg áfram, hættum ekkert, en það slokknaði aðeins í okkur."
Þjálfarinn Heimir Guðjónsson ákvað að breyta um leikkerfi í seinni hálfleik, fór úr því að vera með þrjá miðverði í að fjölga inn á miðsvæðinu.
„Við náðum að pressa þá miklu betur eftir að við fjölguðum inn á miðjunni. Mér fannst þeir lenda í meiri erfiðleikum að leysa pressuna í seinni hálfleiknum. Þeir voru að leysa hana nokkuð auðveldlega í fyrri hálfleik og við vorum ekki að ná að pressa þá af neinu viti. Heimir hefur greinilega séð það og breytti bara í hálfleik - góð breyting."
Hvernig líður þér með leikinn núna þegar þú horfir til baka?
„Bara svekkjandi að fá ekkert út úr honum. Við spiluðum seinni hálfleikinn sérstaklega mjög vel. Fyrri hálfleikurinn var ekkert afhroð þó að við höfum ekkert verið frábærir. Það er klárlega margt sem við getum byggt á upp á framhaldið," sagði Siggi.
Í spilaranum efst má sjá röð ljósmynda af atvikinu. Í spilaranum hér fyrir neðan má hlusta á viðtal við Heimi Guðjónsson og einnig má nálgast Innkastið þar sem farið var yfir leiki fyrstu umferðar.
Athugasemdir
