SKÝRSLAN: Og þegar allt lék í lyndi mætti Fram til leiks
Hvað réði úrslitum?
FH voru með yfirburði fyrstu 60 mínútur leiksins. Framarar voru bitlausir fram á við en laglegt mark Alex Freys kom þeim á bragðið. Það sem fylgdi í kjölfar var lyginni líkast.
Bestu leikmenn
1. Kjartan Kári Halldórsson
Var gífurlega öflugur í dag á vinstri kantinum og ógnaði sífellt. Uppskar tvær stoðsendingar og Framarar réðu varla við hann bróðurpart leiksins
2. Haraldur Einar Ásgrímsson
Var með laglegt mark úr aukaspyrnu og tók aukaspyrnuna í jöfnunarmarki Fram. Frábær frammistaða síðasta hálftímann hjá Halla.
Atvikið
Markið hjá Alexi Freyr var atvik leiksins. Ég hélt upprunalega að mark Sigurðs Bjarts væri smiðshöggið í kistu Fram hér í kvöld, svo reyndist ekki. Eftir markið hjá Alexi sóttu Framarar í sig veðrið. Líka hægt að nefna hér seinna gula spjaldið sem Böddi fékk.
Hvað þýða úrslitin?
FH fer upp í 4. sæti deildarinnar með 14 stig en Fram heldur sér í 6. sæti með 13 stig.
Vondur dagur
FH liðið síðasta hálftímann. Þeir voru að sigla þægilegum 3-0 sigri í höfn en síðan leið manni smá eins og maður var að horfa á Space Jam eftir að Alex Freyr minnkar muninn og rauða spjaldið hjá Bödda. Þeir voru óþekkjanlegir frá því sem maður sá í fyrri hálfleik.
Dómarinn - 9
Vel dæmdur leikur hjá Pétri og hans teymi. Fannst vítaspyrnudómurinn og rauða spjaldið réttur dómur