SKÝRSLAN: Fimm stjörnu frammistaða hjá Njarðvík
Hvað réði úrslitum?
Njarðvíkingar skoruðu snemma og settu tóninn. Leiddu nokkuð sanngjarnt inn í hálfleik. Þór komu grimmari út í seinni hálfleikinn og náðu inn verðskulduðu marki. Njarðvík hinsvegar refsaði Þórsurum og náðu að snúa mómentinu sér í hag og á endanum fara með stórsigur.
Bestu leikmenn
1. Oumar Diouck
Var frábær í liði Njarðvíkinga í dag. Skoraði tvö og lagði upp að auki. Var eins og oft áður drifkraftur Njarðvíkinga á síðasta þriðjung.
2. Sigurjón Már Markússon
Fulltrúi varnarlínu Njarðvíkur í dag. Njarðvíkingar vörðust vel og í einu atviki var það Sigurjón Már sem henti sér fyrir bolta sem hefði annars sennilega endaði í netinu en hann fórnaði sér fyrir málstaðin. Dominik Radic fær líka shout fyrir sinn leik og þá sérstaklega í fyrri hálfleik.
Atvikið
Þriðja mark Njarðvíkinga. Það mark kýldi Þórsarana niður sem höfðu verið að hóta endurkomu.
Hvað þýða úrslitin?
Njarðvíkingar halda í toppsætið með 13 stig á meðan Þór tapar sínum fyrsta leik í deildinni í sumar en halda í 4.sætið um stundarsakir áfram hið minnsta.
Vondur dagur
Erfitt að fara pinna einhvern niður í þennan dálk sérstaklega eftir það sem á undan er gengið. Þór spilar við meira krefjandi aðstæður en marga grunaði svo með það fyrir augum skila ég auðu hérna...
Dómarinn - 5
Það eru alveg þó nokkur atriði sem hægt er að pikka út og dómar sem maður skildi minna í. Línan var oft á flakki fannst mér en þó enginn dómur sem hafði bein áhrif á niðurstöðu leiksins.