Kristinn Pálsson reyndist sannspár um úrslit hér.

Niðurstaðan 2-2 jafntefli.

Við þökkum fyrir okkur í kvöld.

Dagur Ingi reynir skot frá vinstra vítateigshorni. Ætlar að snúa hann í fjærhornið en setur hann hálfa leið upp í Hvassaleyti.

Keflvíkingar fá hornspyrnu.

Er dramatík í vændum?

Fær boltann einn og yfirgefinn hægra megin í teignum og reynir skotið. Boltinn beint á Ásgeir sem slær boltann frá aftur fyrir fætur Turkus sem reynir fyrirgjöf en aftur beint á Ásgeir.

Skyndisókn Keflavíkur upp hægri vænginn. Kári fær boltann í teignum frá Degi en Eric Vales nær að henda sér fyrir skot hans

Mamadou í algjöru dauðafæri eftir virkilega góða sókn en setur boltann framhjá markinu einn gegn Ingólfi

Mamadou reynir skot úr teignum fyrir Keflavík en varnarmenn komast fyrir. Keflvíkingar dæmdir brotlegir í kjölfarið.

Verið rólegt yfir þessu síðustu mínútur. Heimamenn að reyna bæta í sóknarleikinn en hefur orðið lítt ágengt í þeim efnum til þessa. Vörn Keflavíkur þétt og Ásgeir öruggur þar fyrir aftan.

Kraftabarátta á milli Gunnlaugs Fannars og Turkus við teig Grindavíkur.

Turkus fer í grasið og fær dæmda aukaspyrnu við litla hrifningu Gunnlaugs.

Kemst einn gegn Ásgeiri og ætlar að leika á hann með því að lyfta boltanum yfir hann. Ásgeir sér við honum og nær fingri á bolta og færið rennur út í sandinn.

Líklegara til árangurs eflaust fyrir Dag að skjóta á markið.

Grindvíkingar átt sín augnablik en gengur illa að skapa sér færi.

Vinna boltann við teig Grindavíkur, boltinn berst fyrir fætur Dags Inga sem mundar skotfótinn en varnarmenn pota boltanum frá á síðustu stundu.

Úr mjög þröngu færi en fær horn. Ágeir Orri lokar vel en hornspyrna niðurstaðan.

Í afbragðsfæri á markteig eftir fína sókn Grindavíkur en skóflar boltanum yfir markið.

Þarf að gera mun betur í svona stöðu.

Frans Elvarsson með ágætis skot. Nær fínum krafti í skotið sem Ingólfur missir frá sér en handsamar svo að lokum í annari tilraun.

Þröngt en gott færi í teignum eftir skyndisókn. Setur boltann yfir markið.

Heimamenn sparka okkur af stað á ný.

Ekki sjáanlegar breytingar á liðunum.

Gestirnir verið heilt yfir sprækari hér í fyrri hálfleik og átt fleiri skot að marki. Grindvíkingar átt sín upphlaup en lítið ógnað marki Keflavíkur fyrir utan markið.

Títtnefndur Kwame tekur boltann niður í eigin vítateig og leikur til baka á samherja. Mamadou kemst á milli í markteignum en nær ekki að gera sér mat úr því.

K

Kwame lítið verið að fylgjast með línunni í kvöld til þessa. Verið flaggaður rangstæður í þrígang í þessum fyrri hálfleik.

Ágæt sóknarlota Keflavíkur endar með skoti frá Stefáni úr D-boganum. Í litlu jafnvægi en skotið þó þokkalegt. Framhjá markinu fer boltinn þó.

Ásgeir Páll fer niður í teignum eftir ágætt spila Keflavíkur.

Turkus bara sterkari og lítið í þessu.

Ari Steinn í þetta sinn en beint á Ingólf í markinu.

Eru fljótir að láta vaða fyrir utan teig og spurning hvort skipunin sé að láta reyna á hinn 19 ára Ingólf.

Tveir Dagur Ingi á vellinum og spila fyrir sitthvort lið. Til að fyrirbyggja misskilning mun Dagur Ingi Grindavíkur megin verða nefndur Dagur Hammer héðan af í lýsingunni.

Fær boltann inn á teig Grindavíkur og nær að snúa í átt að marki.

Nær ekki nægilegum krafti í skotið sem fer nokkuð beint á Ingólf sem á ekki í teljandi vandræðum.

Josip Krznaric skallar yfir markið úr ágætis færi eftir góða fyrirgjöf Kwame frá hægri.

Grindvíkingar fá sína fyrstu hornspyrnu.

Og aðra til strax í kjölfarið.

Á í baráttu við Nacho um boltann og endar í grasinu. Vonast eftir víti en fær ekki neitt. Spot on hjá Helga Mikael.

Ásgeir Páll lætur vaða á markið af talsverður færi fyrir Keflavík. Skotið gott og þvingar Ingólf í að slá boltann frá marki sínu.

Grindvíkingar hreinsa á endanum.

Valur Þór reynir skotið fyrir Keflavík en boltinn talsvert yfir markið.

Gestirnir verið líflegri hér í upphafi.

Ari Steinn með skotið fyrir utan teig sem hrekkur af varnarmanni og svífur rétt fram hjá stönginni.

Þeirra lykilmaður Sami Kamel ekki á vellinum í kvöld og munar um minna fyrir Keflavík

Talsvert er um meiðsli í herbúðum Grindavíkur og telst mér til að einir 7-8 leikmenn séu frá vegna meiðsla eða rétt nýstignir upp úr meiðslum.

Nacho Heras vinnur boltann á miðjum vellinum og Keflavík sækir hratt. Boltinn á Mamdou við teig Grindavíkur sem leikur inn völlinn frá vinstri og á skotið en framhjá fer boltinn.

Þetta er farið af stað í Safamýri. Það eru gestirnir sem hefja hér leik.

Kristinn Pálsson varð Íslandsmeistari á miðvikudagskvöld þegar lið hans, Valur, lagði Grindavík í oddaleik í körfuboltanum. Njarðvíkingurinn Kristinn er spámaður umferðarinnar.

Njarðvíkingurinn var ekkert að eyða of mörgum orðum í þennan slag og spáir jafntefli.

Grindavik 2 - 2 Keflavik
Kamelinn skorar bæði fyrir Keflavík.

Helgi Mikael Jónasson dæmir leik kvöldins. Honum til aðstoðar eru þeir Guðni Freyr Ingvason og Sveinn Ingi Sigurjónsson Waage. Jón Sigurjónsson er svo eftirlitsmaður KSÍ.

Talandi um áætlanir og toppbarátttu. Miklu var kostað til í Grindavík fyrir tímabilið og margir nýir og frambærilegir leikmenn sóttir til að styrkja liðið. Stigasöfnun hefur þó gengið treglega til þessa og uppskeran aðeins þrjú stig úr fyrstu fjórum leikjunum. Liðið hefur þó ekki tapað frá því í fyrstu umferð en á enn eftir að sækja sinn fyrsta sigur en í síðustu umferð gerði liðið 1-1 jafntefli gegn liði Aftureldingar í Mosfellsbæ.

Gestirnir úr Keflavík hafa verið að rétta úr kútnum í undanförnum leikjum eftir töp í fyrstu tveimur umferðum mótsins. Heimasigur á Aftureldingu og jafntefli við Þór á Akureyri eru úrslit síðustu leikja. Betur má þó ef duga skal fyrir lið Keflavíkur sem flestir reiknuðu með í toppbaráttu deildarinnar þetta sumarið. Fjögur stig eftir fjóra leiki og áttunda sæti var í það minnsta ekki í áætlunum Keflvíkinga.

Heil og sæl kæru lesendur og verið hjartanlega velkomin í þessa beinu textalýsingu frá Suðurnesjaslag Grindavíkur og Keflavíkur sem fram fer á Stakkavíkurvelli í Safamýri.

Flautað verður til leiks klukkan 19:15