Þjóðsöngvarnir eru að baki og þá er komið að aðalréttinum Íslendingar alhvítir í þessum leik í kvöld.

Furðar sig á því að Valgeir sé valinn frekar en Brynjar Kári Árnason sérfræðingur á Stöð 2 Sport furðar sig á liðsvalinu í kvöld, og því að Valgeir Lunddal sé látinn spila miðvörð.

„Ég var að lofsyngja Valgeir Lunddal í síðasta leik en mér finnst rosalega skrítið að hann sé tekinn inn í seinni bylgjunni. Þeir eru með hafsent sem er heill. Ef Brynjar er klár, af hverju valdiru þá ekki Valgeir á undan í hópinn?" sagði Kári í upphitun Stöðvar 2 Sport fyrir leikinn.

Davíð Snorri Jónasson aðstoðarþjálfari landsliðsins sagði frá því í viðtali við Stöð 2 Sport að Valgeir hafi verið tekinn inn sem miðvörður og hafi hreinlega verið valinn framyfir Brynjar í dag.

Partístemning í Rotterdam! Það eru reykvélar og lifandi tónlist, svið staðsett í stúkunni. Hollendingar kunna að halda partí!

Jú hendum í eina í viðbót

Vill fólk ekki fleiri myndir af Memphis með bandið? Jú hér er ein í viðbót:

Hafliði Breiðfjörð er með myndavélina og tók þessa fínu mynd af Memphis með hárbandið

Farið að birta til Það hefur hellirignt síðustu klukkustundir en sú gula er farin að láta sjá sig og byrjað að birta til á góðum tímapunkti. Leikvangurinn er þannig byggður að það hafa ekki allir vallargestir fengið skjól fyrir rigningunni.

Memphis með hárbandið góða Memphis Depay er mættur með hvíta hárbandið sem hann spilaði með í sigrinum gegn Kanada og vakti mikla athygli hjá hollenskum fjölmiðlum. Ronald Koeman var sérstaklega spurður að því á fréttamannafundi hvað honum þætti um bandið. Koeman sagði að það truflaði sig afskaplega lítið.

Memphis er án félags eftir að hafa yfirgefið Atletico Madrid og vill sýna sig fyrir mögulegum nýjum vinnuveitendum.

Góðar minningar frá Hollandi 2015 Ísland vann hreint út sagt stórkostlegan 1-0 útisigur gegn Hollandi í leik árið 2015 í undankeppni EM. Þá var leikið í Amsterdam og ég var einnig á vellinum þá.

Íslenska landsliðið tryggði sér þennan sögufræga sigur með marki frá Gylfa Sigurðssyni úr vítaspyrnu sem Birkir Bjarnason fiskaði. Íslenska liðið átti í raun hættulegustu færi leiksins þó Hollendingar hafi verið meira með boltann og átt þó nokkur langskot.

Með sigrinum sló Ísland áhugavert met. Ísland varð fyrsta landsliðið til að vinna Holland í báðum leikjum liðanna í riðlakeppni undankeppni stórmóts. Fyrri leikurinn á Laugardalsvelli fór 2-0 fyrir Íslandi.

Þetta var jafnframt í fyrsta skiptið í sögunni sem Holland tapaði í undankeppni EM á heimavelli.

Svona er byrjunarlið Hollands

Traditional Icelandic rok og rigning Það er íslenskt veður í Rotterdam þessa stundina. Rok og rigning. Ef þig langar í sturtu í stúkunni þá er það ekkert mál.

Valgeir Lunddal byrjar Valgeir Lunddal Friðriksson kemur inn í byrjunarliðið í stað Daníels Leó sem er meiddur. Það er eina breytingin frá byrjunarliðinu gegn Englandi.

Valgeir er vanur því að spila sem bakvörður en leikur sem miðvörður í kvöld.

Ísland unnið tvo síðustu leiki Fjórtán sinnum áður hafa Ísland og Holland mæst í A landsliðum karla, þar af voru tveir leikir í undankeppni ÓL 1988. Ísland hefur unnið tvo sigra og eru það einmitt síðustu tvær viðureignir liðanna – báðir leikir í undankeppni EM 2016. Tvisvar hafa liðin skilið jöfn og Hollendingar hafa unnið 10 sinnum.

Leikið í Pottinum
Um er að ræða heimavöll Feyenoord en leikvangurinn var upphaflega vígður 1937. Hann hefur gengið í gegnum nokkrar endurbætur síðan.

Hollenska landsliðið hefur spilað heimaleiki á vellinum alveg frá því hann var vígður. Úrslitaleikur Þjóðadeildarinnar í fyrra var leikinn á vellinum, Spánn vann Króatíu í vítakeppni eftir markalausan leik.

De Kup, eða Potturinn, er sögufrægur völlur og er oft á listum yfir skemmtilegustu leikvanga Evrópu enda myndast þar oftast góð stemning.

Hann tekur um 50 þúsund áhorfendur en mikil umræða hefur verið um að byggja nýjan leikvang enda er De Kuip að mörgu leyti barn síns tíma.

Miðjumaður Barcelona ekki með í kvöld

   09.06.2024 12:56

De Jong spilar ekki gegn Íslandi

Jóhann Berg Guðmundsson:
Við hvernig andstæðingum má búast?

„Þetta verður kannski svipað (og gegn Englandi). Við eigum eftir að þurfa að verjast ansi mikið. Hollendingar elska að halda í boltann en við vitum að hægt er að nýta skyndisóknirnar og getum líka alveg haldið í boltann. Hvert einasta lið er með einhverja veikleika."

Ofboðslega var gaman á föstudaginn Ísland vann verðskuldaðan sigur gegn Englandi á föstudagskvöld á Wembley. Þegar ég vaknaði á hótelherberginu í London daginn eftir þá stakk ég niður penna.

   08.06.2024 08:54

Aukaleikarar sem öllum var sama um stálu sýningunni

Ísland átti frábæran leik og hér má sjá einkunnagjöf Fótbolta.net eftir leikinn:

   07.06.2024 20:37

Einkunnir Íslands: Ótrúlegt kvöld á Wembley

Rýnt í hollenska liðið
Ólíkt enska liðinu er það varnarleikurinn sem Hollendingar hafa minnstar áhyggjur af, þar er valinn maður í hverju rúmi og leikmenn á borð við Virgil van Dijk, Matthijs de Ligt, Daley Blind og Micky van de Ven.

Í sókninni eru þó ekki eins mikil gæði og Hollendingar vildu hafa og mikið traust er sett á hinn sveiflukennda Memphis Depay.

   29.05.2024 15:34

Þrír frá Liverpool í EM hóp Hollands - Mæta Íslandi

Ronald Koeaman landsliðsþjálfari Hollands virðist þá ekki viss um hvaða leikkerfi henti hópnum sínum best. Hann hefur spilað með þriggja hafsenta kerfi en einnig 4-3-3 eins og í vináttulandsleiknum gegn Kanada á fimmtudaginn.

Holland vann þann leik 4-0 en tölurnar segja ekki alla söguna. Markalaust var eftir fyrri hálfleik þar sem Kanada hefði getað komist yfir.

Holland braut ísinn á 50. mínútu með marki frá Memphis og með því hófst þrettán mínútna þriggja marka kafli þar sem kanadíska liðið hrundi. Jeremie Frimpong tvöfaldaði forystuna áður en Wout Weghorst skoraði þriðja markið. Lokaorðið átti svo Van Dijk seint í leiknum eftir að hafa komið af bekknum.

Athygli vekur Van de Ven, miðvörður Tottenham, var notaður sem vinstri bakvörður. Þessi hávaxni leikmaður er góður á boltann og býr yfir miklum hraða svo hann getur svo sannarlega leyst þá stöðu með miklum sóma.


Það er þó Frimpong sem mest er í umræðunni eftir leikinn. Þessi 23 ára leikmaður var frábær á vængnum gegn Kanada og skilaði marki og stoðsendingu. Hann er nýkominn úr mögnuðu tímabili með Bayer Leverkusen þar sem hann fór hamförum í stöðu vængbakvarðar og hjálpaði liðinu að vinna deild og bikar í Þýskalandi.

Frimpong var á sínum tíma í Manchester City akademíunni en spilaði ekkert fyrir aðalliðið. Hann fór til Celtic og svo til Leverkusen þar sem hann hefur þróast út í einn besta vængbakvörð Evrópu.

Frimpong skoraði fjórtán mörk og átti tólf stoðsendingar á tímabilinu fyrir Leverkusen og hollenskir stuðningsmenn eru fullir tilhlökkunar fyrir því sem koma skal frá honum á EM.

Holland er með Frakklandi, Póllandi og Austurríki í riðli á EM í sumar.

Dómararnir koma frá Grikklandi Dómari: Evángelos Manoúchos
Aðstoðardómari 1: Konstandínos Psárris
Aðstoðardómari 2: Konstandínos Nikola?dis
Skiltadómari: Stéfanos Koumbarákis

Mættir til Hollands með fullan bakpoka af sjálfstrausti Já kæru lesendur, nú erum við í Rotterdam þar sem Ísland mætir öðru liði sem ætlar sér að gera góða hluti á EM.

Á föstudaginn var ekki eðlilega gaman að vera á Wembley og sjá okkur vinna England. Náum við líka að senda Hollendinga með vont veganesti á EM?

   07.06.2024 20:41

Ísland vann magnaðan sigur á Englandi á Wembley