Chiesa í skiptum fyrir Greenwood? - David til Chelsea - Buðu Palace að fá Olise aftur á láni - Slot skoðar Minteh - Varane til Miami
   sun 09. júní 2024 12:56
Elvar Geir Magnússon
Rotterdam
De Jong spilar ekki gegn Íslandi
Icelandair
Gakpo og De Jong.
Gakpo og De Jong.
Mynd: EPA
Hollendingar vonast til þess að Frenkie de Jong verði klár fyrir fyrsta leik liðsins á Evrópumótinu, þegar þeir leika gegn Póllandi í Hamborg.

De Jong tók þátt í hluta æfingu Hollands í dag. Hann er að jafna sig á ökklameiðslum sem gerðu það að verkum að hann missti af lokakafla liðins tímabils með Barcelona.

Miðjumaðurinn segist setja stefnuna ásamt starfsteymi Hollands á að vera klár fyrir EM. Hann var ekki í leikmannahópnum þegar Holland vann 4-0 sigur gegn Kanada og spilar ekki heldur gegn Íslandi.

Ronald Koeman landsliðsþjálfari Hollands sagði á fréttamannafundi í dag að De Jong væri enn ekki klár í að spila leiki.

Þessi 27 ára leikmaður spilaði 20 leiki fyrir Börsunga á liðnu tímabili og skoraði tvívegis.

Holland er í strembnum riðli á EM og mun mæta Póllandi, Frakklandi og Austurríki.
Athugasemdir
banner
banner
banner