SKÝRSLAN: Ísabella stjarnan gegn Stjörnunni
Hvað réði úrslitum?
Fyrri hálfleikurinn var rosalega tíðindarlítill og sköpuðu bæði lið sér nánast ekkert en í síðari hálfleik kveikti Valur á sér og þá sérstaklega Ísabella sem skoraði þrennu í seinni hálfleiknum og Stjarnan sá í raun aldrei til sólar í seinni hálfleiknum.
Bestu leikmenn
1. Ísabella Sara Tryggvdóttir (Valur)
Ef þú skorar þrennu þá áttu bara að vera maður leiksins, þannig er það bara. Frábær leikur hjá Ísabelliu í dag
2. Fanndís Friðriksdóttir
Spilaði 70 mínútur í dag og var á meðan hún var inn á vellinum mikið í boltanum og þá sérstaklega í fyrri hálfleik. Góður leikur hjá Fanndísi.
Atvikið
Þrennan hjá Ísabellu - Camryn sendi boltann fyrir markið og Ísabella tók boltann á lofti og hamraði boltann í netinu.
Hvað þýða úrslitin?
Valur með sigri í dag lyfti sér upp í annað sæti deildarinnar og er liðið með jafnmörg stig og Breiðablik sem á þó leik til góða gegn Þór/KA. Stjarnan dettur niður um eitt sæti og stendur í því fimmta með 9 stig.
Vondur dagur
Sóknarleikur Stjörnunnar - Valur var með Stjörnuna upp við kaðlanna í dag og ég held að Stjarnan hafi ekki skapað sér eitt einasta færi í leiknum í dag.
Dómarinn - 8
Bergrós var flott í dag og ekkert atvik sem hún gerði rangt.