Byrjunarliðstíðindi! Hallgrímur Jónasson, þjálfari KA, gerir enga breytingu á liðinu sínu frá seinasta leik. KA-menn fóru í Kópavoginn í vikunni og mættu þar Breiðabliki í leik sem KA tapaði 2-1.

Rúnar Kristins gerir tvær breytingar á liðinu sínu frá því í seinasta leik sem Fram tapaði 2-1 gegn HK á heimavelli. Tiago Fernandes og Kennie Chopart koma inn í liðið fyrir þá Alex Freyr og Frey Sigurðsson.

Kennie Chopart hefur verið að glíma við meiðsli undanfarnar vikur en hann er mættur í byrjunarlið Fram á ný sem er gífurlega jákvætt fyrir Fram.

Dómarateymið Á flautunni er fasteignasalinn og Crossfit garpurinn Sigurður Hjörtur Þrastarson. Honum til aðstoðar eru Birkir Sigurðarson og Guðmundur Ingi Bjarnason. Varadómari er Aðalbjörn Heiðar Þorsteinsson og eftirlitsmaður er Bragi Bergmann.

Fram í afturgír Gengi Fram undanfarið hefur heldur ekki verið neitt til þess að hrópa þrefalt húrra fyrir. Bláklæddir hafa náð í 3 stig í síðustu fimm leikjum og vörn liðsins hefur verið að leka mörkum eftir að hafa byrjað tímabilið af fítonskrafti.

Eftir að hafa ráðið lögum og lofum í fyrri hálfleik gegn HK í síðasta leik, þá seig á ógæfuhliðina í þeim síðari og 1-2 tap var niðurstaðan. Framarar voru óheppnir að jafna ekki í lok leiks, en naga sig sennilega helst í handarbökin að hafa ekki gengið frá leiknum í fyrri hálfleik þar sem að yfirburðir liðsins voru miklir.

Gestirnir eru á betri stað í töflunni en KA, en munu vilja lengja bilið í liðin í neðri hlutanum og leikur gegn botnliðinu er kjörið tækifæri til þess að gera einmitt það.


Guðmundi Magnússyni voru mislagðir fætur gegn Fram og vill hann líklega kvitta fyrir það gegn KA.

Heimamenn í örvæntingarfullri leit að stigum KA menn sitja á botni Bestu-deildarinnar. Uppskeran er 5 stig eftir 10 umferðir og það segir kannski talsvert að spilamennska þeirra í 2-1 tapi gegn Blikum í síðustu umferð hafi verið með því betra sem að sést hefur frá liðinu í sumar.

Í síðustu fimm leikjum hefur liðið náð í einn sigur. Sá sigur kom gegn Fylki og var það fyrir rúmum mánuði síðan. Það má kannski segja að ákveðin fölsk dögun hafi átt sér stað í þeim leik, þar sem að liðið komst 3-0 yfir og virtist mögulega vera að snúa við blaðinu. Sá leikur endaði hinsvegar 3-2 og hefðu KA menn hreinlega getað misst unninn leik úr höndunum.

Nú mæta þeir liði sem að þeir unnu örugglega í Mjólkurbikarnum fyrir skömmu síðan og vilja endurtaka leikinn.


Bjarni Aðalsteinsson skoraði tvívegis gegn Fram í bikarkeppninni.

Góðan daginn! Hér mun fara fram textalýsing á leik KA og Fram í Bestu-deild karla. Stutt er síðan að liðin mættust í 8-liða úrslitum Mjólkurbikarsins og þar vann KA verðskuldaðan 3-0 sigur á Greifavellinum.


Endurfundir á Akureyri.