SKÝRSLAN: FH rígheldur í fjórða sætið eftir markaleik í Krikanum
Hvað réði úrslitum?
Slæmur kafli Tindastóls í upphafi leiks hafði mikið um úrslitin að segja. Eftir að hafa minnkað muninn í 2-1 um miðbik seinni hálfleiks setti FH í næsta gír og innsiglaði öruggan sigur 4-1 sigur.
Bestu leikmenn
1. Elísa Lana Sigurjónsdóttir
Eftir tvö stangarskot í leiknum kórónaði hún leik sinn með að gulltryggja sigur FH með þriðja marki liðsins í leiknum. Skilaði boltanum vel frá sér og mikill kraftur sem fylgdi hennar leik.
2. Andrea Rán Snæfeld Hauksdóttir
Var mikilvæg í uppspili FH sérstaklega í fyrri hálfleik. Límið á miðjunni og stöðvaði ófáar sóknir gestanna.
Atvikið
Þriðja mark FH sem gulltryggði sigurinn. Elísa Lana tók við boltanum, gerði allt fáránlega vel og lét síðan vaða af löngu færi. Gott skot sem endaði í marknetinu.
Hvað þýða úrslitin?
FH rígheldur í fjórða sætið í deildinni og lagaði markatölu sína með þriggja marka sigri. Tindastóll er enn í 7.sæti deildarinnar fjórum stigum frá fallsæti.
Vondur dagur
Markspyrna Monicu Wilhelm í aðdraganda af marki Ídu Marín var hrikalega dýrt og hafði mikil áhrif á gang leiksins. Stutt spyrna Monicu endaði hjá FH-ingum sem nýttu sér það og voru búnar að komast í 2-0 á nokkrum sekúndum.
Dómarinn - 8
Dagsverkið gott.