Liðin að ganga út á völl. Allir leikmenn með bolta í hönd sem þeir sparka svo upp í stúku. Krakkarnir skemmta sér vel.

Leikmenn farnir inn eftir upphitun og fólk búið að koma sér vel fyrir í stúkunni. Flautað á eftir smá.

Það er búið að vökva vel og Kaplakrikavöllur lítur hrikalega vel út.

Það er sólríkt í Kaplakrika og varla ský á lofti, en það er nokkuð hvasst. Leikmenn eru að mæta út á völl í upphitun þegar 45 mínútur eru í leikinn.

Byrjunarlið Breiðabliks 1. Anton Ari Einarsson (m)
3. Oliver Sigurjónsson
4. Damir Muminovic
6. Alexander Helgi Sigurðarson
7. Höskuldur Gunnlaugsson (f)
8. Viktor Karl Einarsson
9. Patrik Johannesen
11. Aron Bjarnason
20. Benjamin Stokke
21. Viktor Örn Margeirsson
30. Andri Rafn Yeoman

Byrjunarlið FH 1. Sindri Kristinn Ólafsson (m)
4. Ólafur Guðmundsson (f)
5. Gyrðir Hrafn Guðbrandsson
7. Kjartan Kári Halldórsson
9. Sigurður Bjartur Hallsson
21. Böðvar Böðvarsson
22. Ástbjörn Þórðarson
23. Ísak Óli Ólafsson
29. Vuk Oskar Dimitrijevic
33. Úlfur Ágúst Björnsson
34. Logi Hrafn Róbertsson

Björn Daníel í banni og Jason á bekkinn Búið er að opinbera byrjunarliðin fyrir þennan leik.

FH gerir eina breytingu frá sigurleiknum gegn Fylki á dögunum. Björn Daníel Sverrisson er í leikbanni og kemur Gyrðir Hrafn Guðbrandsson inn í hans stað.

Breiðablik gerir þrjár breytingar frá jafnteflinu gegn ÍA. Alexander Helgi Sigurðarson, Patrik Johannesen og Andri Rafn Yeoman koma inn á meðan Kristinn Steindórsson og Jason Daði Svanþórsson fara á bekkinn. Kristinn Jónsson er ekki í hóp.

Það er áhugavert að Jason Daði fer á bekkinn en hann er núna orðaður við Grimsby Town á Englandi.

Elías Ingi með flautuna

Elías Ingi Árnason dæmir þennan leik. Hann hefur verið einn besti dómari sumarsins. Honum til aðstoðar eru Ragnar Þór Bender og Guðmundur Ingi Bjarnason. Gylfi Þór Orrason er eftirlitsmaður og Aðalbjörn Heiðar Þorsteinsson er varadómari.

Spáir Blikasigri
Júlíus Mar Júlíusson er samkvæmt heimildum Fótbolta.net skotmark félaga úr Bestu deildinni en hann er leikmaður Fjölnis sem er með jafnmörg stig og Njarðvík á toppi Lengjudeildarinnar. Hann spáir í Bestu deildina.

FH 1 - 2 Breiðablik
Ekki mikið að frétta í þessum leik, bæði lið passív en Blikarnir á endanum sterkari og vinna þessa skák.

„Frammistaða Blika síðustu tvo leiki stuðar mig“ Valur Gunnarsson sérfræðingur Innkastsins segir að lykilmenn Breiðabliks séu að bregðast þegar mest er undir. Hann kallar eftir því að leikmenn liðsins stígi upp.

Blikar brugðust Breiðablik harkaði út sigur gegn KA á dögunum og gat svo komist á topp Bestu deildarinnar síðast sunnudag en náði með naumindum stigi gegn ÍA á Kópavogsvelli, Skagamenn klúðruðu dauðafæri í lokin. Þeir hefðu getað sent frá sér yfirlýsingu en tókst það ekki.

Síðustu fimm leikir Blika:
Breiðablik 1 - 1 ÍA
Breiðablik 2 - 1 KA
HK 0 - 2 Breiðablik
Breiðablik 1 - 1 Víkingur R.
Fram 1 - 4 Breiðablik

Blikar hafa aðeins tapað tveimur deildarleikjum í sumar og eru að berjast á toppnum. Þeir eru í öðru sæti núna, fjórum stigum á eftir toppliði Víkings.

Miðlungs hjá FH Þetta hefur verið frekar mikið miðlungs sumar fyrir FH til þessa en þeir sitja í fimmta sæti Bestu deildarinnar með 17 stig eftir ellefu leiki. Þeir hafa skorað 21 mark og fengið á sig 21 mark. FH hefur tekið einn sigur í síðustu fimm leikjum sínum í deildinni.

Síðustu fimm leikir FH:
FH 3 - 1 Fylkir
Stjarnan 4 - 2 FH
FH 3 - 3 Fram
Valur 2 - 2 FH
FH 1 - 2 KR

Það er samt stupp upp í fjórða sæti fyrir Fimleikafélagið en þeir eru með jafnmörg stig og ÍA fyrir leiki kvöldsins.

Umferðin hófst í gær Tólfta umferð Bestu deildarinnar hófst í gær með þremur leikjum. Fram vann útisigur á Vestra, Víkingur fór illa með Stjörnuna og KR gerði jafntefli við Fylki í Vesturbænum.


Það eru svo aðrir þrír leikir í kvöld.

föstudagur 28. júní
18:00 HK-KA (Kórinn)
19:15 ÍA-Valur (ELKEM völlurinn)
19:15 FH-Breiðablik (Kaplakrikavöllur)

Góða kvöldið! Og verið velkomnir kæru lesendur í beina textalýsingu frá leik FH og Breiðabliks í Bestu deild karla. Leikið er á Kaplakrikavelli.