Byrjunarliðin eru komin Ómar Ingi Magnússon þjálfari HK gerir eina breytingu á sínu liði. Viktor Helgi Benediktsson kemur inn í liðið en Kristján Snær Frostason er ekki með.

Hallgrímur Jónasson þjálfari KA gerir tvær breytingar á sínu liði. Harley Willard og Ásgeir Sigurgeirsson fá sér sæti á bekknum en fyrir þá koma inn Daníel Hafsteinsson og Viðar Örn Kjartansson en þetta er fyrsti byrjunarliðsleikur Viðars í deildinni.

Akureyringar heimsækja Kórinn í kvöld og mæta HK í mikilvægum leik????

???? Kórinn
?? 18:00
?? @hkkopavogur ???? @KAakureyri
????? Miðasala á https://t.co/gOIMRhybun pic.twitter.com/5pJn2k6B4Q

— Besta deildin (@bestadeildin) June 28, 2024

Spámaðurinn Júlíus Mar Júlíusson leikmaður Fjölnis í Lengjudeildinni hefur verið valinn sem spámaður okkar fyrir þessa umferð í Bestu deild karla.

HK 0 - 1 KA
The Hans Viktor show. Hans Viktor eða Hansehey eins og hann er stundum kallaður verður munurinn á liðunum í þessum leik. Skorar sigurmarkið með skoti fyrir utan teig og krækir sér síðan í hreint lak. Maður umferðarinnar.

Dómarateymið Vilhjálmur Alvar Þórarinsson verður dómari þessa leiks en honum til aðstoðar verða Gylfi Már Sigurðsson og Andri Vigfússon.

Eftirlitsmaður er Skúli Freyr Brynjólfsson og varadómari er Arnar Ingi Ingvarsson.

Vonbrigðar lið mótsins? Fyrir aðeins tæpum tveim árum síðan lenti KA í 2. sæti í deildinni. Núna eru þeir í 11. sæti jafnir á stigum við Fylki sem eru í neðsta sæti. Já það fer ekki á milli mála að tímabilið hefur verið vonbrigði fyrir KA menn. Hinsvegar virðist vera byrjað að glitra von. KA menn unnu 3-0 sigur á Frömurum í bikarnum fyrir tveim vikum síðan og síðan þá virðist liðið hafa snúið genginu við. Í næsta leik eftir það voru þeir óheppnir að tapa 2-1 gegn Breiðablik þar sem frammistaða þeirra var virkilega góð. Svo í síðasta leik sigruðu þeir Framara á heimavelli 3-2 þar sem þeir skoruður sigurmarkið í uppbótartíma.
Bestu leikmenn KA hingað til hafa verið menn á borð við Daníel Hafsteinsson sem er markahæsti leikmaður liðsins, hann skoraði einmitt tvö í síðasta leik gegn Fram. Hallgrímur Mar Steingrímsson sem eins og flestir vita er bara gæða leikmaður og KA menn þurfa að fá hann á boltan til að þeim gangi vel. Svo er sá leikmaður sem mér finnst hafa fengið að sigla hvað mest undir radarinn, Bjarni Aðalsteinsson. Hann hefur verið að mínu mati besti leikmaður KA á tímabilinu. Spilar allar stöður, skilar sínu hlutverki alltaf vel, hann er kominn með 2 mörk, og það ótrúlegasta er að hann er bara orðinn betri í aukaspyrnum en Grímsi.

Spútnik lið mótsins? HK var það lið sem allir virtust handvissir um að þeir myndu falla á þessu tímabili og að það yrði með því að enda í neðsta sæti. Mögulega eini maðurinn á landinu sem trúði því ekki var Ómar Ingi Magnússon þjálfari liðsins en hann hefur nælt í 13 stig hingað til, sem skilar þeim í 9. sætið.
Mikilvægustu leikmenn liðsins á þessu tímabili hafa verið menn eins og Arnþór Ari Atlason. Þessi reynslumikli miðjumaður er markahæsti leikmaður liðsins með 4 mörk. Atli Þór Jónasson hefur verið mikilvægur fyrir liðið í sínu uppspili þar sem liðið getur nýtt sér hans hæð. Arnar Freyr Ólafsson hefur svo átt gríðarlega sterkt mót milli stanganna.

12. umferð Bestu deildarinnar Komiði sæl og verið velkomin í beina textalýsingu frá viðureign HK og KA í 12. umferð Bestu deild karla.

Leikurinn hefst klukkan 18:00 og verður spilaður í Kórnum.