SKÝRSLAN: Áttavilltir HK-ingar áttu ekki breik á Skaganum
Hvað réði úrslitum?
ÍA gengu í raun og veru bara á lagið frá upphafi til enda og eftir að Skagamenn komust yfir strax á fimmtu mínútu þá var þetta aldrei spurning og keyrðu Skagamenn yfir andlausa HK-inga. ÍA hélt áfram frá upphafi til lokaflauts og Skagamenn voru með allt í botni allar 90 mínúturnar.
Bestu leikmenn
1. Johannes Vall (ÍA)
Johannes Vall var stórkostlegur í dag. Var upp og niður vinstri vænginn hjá ÍA í dag og Johannes Vall fullkomnaði sinn dag með því að skora áttunda mark Skagamanna eftir sendingu frá VIktori Jónssyni.
2. Viktor Jónsson (ÍA)
Viktor veður bara að fara í þennan glugga. Skoraði fjögur mork í dag og lagði upp eitt. Jón Gísli gerir einnig tilkall í þennna glugga en hann var einnig frábær í dag og skoraði tvö.
Atvikið
Fyrsta markið bara sem setti Akranesvélina að alvöru í gang þegar Jón Gísli setti boltann í netið á vítateigslínunni og eftir það var þetta aldrei spurning.
Hvað þýða úrslitin?
ÍA er í fjórða sæti deidlarinnar með 23.stig og er liðið aðeins fjórum stigum á eftir Val sem situr í öðru sæti deildarinnar. Liðið á leik til góða. HK situr í níunda sæti deildarinnar og er liðið með 13.stig.
Vondur dagur
HK liðið í heild sinni en það var gríðarlegt andleysi hjá HK ingum í dag og liðið hafði engan áhuga á því að verjast í þessum leik.
Dómarinn - 8
Ekki erfiður leikur að dæma og Sigurður Hjörtur og hans menn voru flottir í dag.