Kristín Dís reyndist sannspá. Markalaust jafntefli niðurstaðan hér. Þakka fyrir mig í bili.

Stjarnan vinnur horn. 30 sekúndur eftir af uppgefnum uppbótartíma. Ekkert verður úr.

Jordyn með skot sem Erin á ekki í basli með að handsama. Uppbótartími er að lágmarki tvær mínútur.

Esther Rós í fínu skotfæri en setur boltann yfir markið

Laufey í skotfæri en Anna María hendir sér fyrir skot hennar. Tindastóll fær horn sem ekkert kemur upp úr.

Laufey með frábæra sendingu í svæði milli varnar og markmanns. Heimakonur hársbreidd frá því að ná til boltanns sem siglir út af.

Esther Rós fer niður í teignum í baráttu við Láru Margréti. Veik köll um víti. Ekki til umræðu frá mér séð. Spot on að láta leik halda áfram hjá Breka.

Kemst í boltann í öftustu línu Stjörnunar og dettur í dauðafæri. Tekur skotið af vítateigslínu en Erin með frábæra vörslu.

Gabrielle Kristine með skot, fín tilraun en beint á Erin

Úlfa vinnur boltann hátt á vellinum og setur boltann beint fyrir markið. Gyða mætt á fjær en nær ekki að taka boltann með sér sem siglir aftur fyrir

Mjög lítið að frétta af vellinum síðustu mínútur.

Úlfa Dís reynir skotið fyrir Stjörnuna. Leikur inn völlinn frá vinstri áður en hún lætur vaða en skotið fjarri markinu.

Annika Haanpaa kemst inn í sendingu á vallarhelmingi Stjörnunar, nær að taka boltann með sér og fer í skotið en boltinn rétt framhjá markinu.

Fer nokkuð rólega af stað þessi síðari hálfleikur. Stjarnan skarpari heilt yfir á þessum fyrstu mínútum þó. Ekki mikið á milli þó.

Heimakonur sparka okkur af stað á ný

Flautað til hálfleiks hér. Allt í járnum og markalaust. Komum eftir með síðari hálfleik eftir smá.

Anna María með slaka sendingu til baka á Erin sem Jordyn kemst inn í. Ein gegn markverðinum reynir hún að lyfta boltanum yfir Erin sem sér við henni og ver í horn.

Úlfa með stórkostlega móttöku úti við hliðarlínu og sprett í kjölfarið. Fer framhjá þeim tveimur áður en hún kemur boltanum inn á teiginn en samherja finnur hún því miður ekki.

Hart tekist á á vellinum þessar mínúturnar og knattspyrnuleg gæði heldur á undanhaldi. Fínasta skemmtun þessi leikur þó til þessa.

Boltinn dettur fyrir Hugrúnu í teignum eftir snarpa sókn Tindastóls. Hugrún þar ekkert að gera nema koma boltanum fram hjá Erin sem nær snetringu á boltann og hægir nóg á honum til að varnarmaður komist á milli og hreinsi áður en boltinn lekur yfir línuna

Andrea Mist með áhugaverða tilraun utan af kanti eftir að hafa unnið boltann hátt á vellinum. Sér Monicu framarlega og reynir skotið en Monica vinnur vel til baka og grípur boltann.

Úlfa í hálffæri en nær ekki að stýra boltanum á markið eftir sendingu frá hægri.

Lið Stjörnunar mikið leitað út til vinstri þar sem Úlfa leikur. Nokkrar áltilegar stöður sem ekkert hefur komið úr enn þá.

Laufey Harpa í hálffæri í teignum eftir ágæta sókn en setur boltann yfir markið.

Hugrún með góða fyrirgjöf frá hægri inn á markteiginn þar sem Jordyn er alein en skallar boltann framhjá. Erin hreyfði sig ekki í markinu.

Ekki galin spyrna en Erin er snögg niður og ver glæislega. Gwendolyn ætlaði að kveðja með marki en skorar það í minnsta ekki úr þessu víti.

Jordyn vinnur sig framfyrir Önnu Maríu í teignum sem brýtur á henni.

Liðin skipst á að sækja hér fyrstu mínútur leiksins en ekki skapað sér teljandi færi.

Þetta er farið af stað á Sauðárkróki. Það eru gestirnir sem hefja hér leik.

Gwendolyn Mummert er á leið frá Tindastól en félagið hefur fengið nýjan leikmann í staðin. Gwendolyn er 25 ára gömul og kemur frá Þýskalandi en hún gekk til liðs við Tindastól fyrir tímabilið síðasta sumar. Hún er á leið til Þýskalands og mun spila í efstu deild þar í landi. Hún mun yfirgefa Tindastól eftir leik liðsins gegn Stjörnunni á Sauðárkróki í dag. Gwendolyn hefur komið við sögu í öllum leikjum liðsins í Bestu deildinni í sumar og kom við sögu í 18 leikjum síðasta sumar. Tindastóll hefur samið við hina spænsku Maria del Mar Mazuecos en hún gerir samning út sumarið. Hún hefur spilað með Europa í næstefstu deild á Spáni.

   06.07.2024 14:31

Gwendolyn yfirgefur Tindastól - Semja við spænskan varnarmann

Landsliðskonan Kristín Dís Árnadóttir spáir í leiki helgarinnar. Um leikinn á Sauðárkróki sagði Kristín. Tindastóll 0 - 0 Stjarnan Held þetta verði jafn leikur og endi með steindauðu 0-0 jafntefli. Stjarnan með nýjan þjálfara en ég held þær nái ekki að taka 3 stig heim.

   06.07.2024 10:00

Kristín Dís spáir í 12. umferð Bestu deildar kvenna

Breki Sigurðsson er dómari leiksins í dag. Honum til aðstoðar eru Patryk Emanuel Jurczak og Sigurður Þór Sveinsson. Ágúst Hjalti Tómasson er svo varadómari.

Lið Tindastóls vill og eiginlega þarf að fara að setja stig á töfluna á ný eftir tap í síðustu tveimur leikjum. Botnlið deildarinnar Keflavík og Fylkir mætast á morgun og fari svo að Tindastóll verði af stigum hér í dag verður aðeins eitt stig niður í fallsæti.

Gestirnir úr Garðabæ komust á ný á sigurbraut eftir talsverða eyðimerkurgöngu í síðustu umferð er liðið lagði Keflavík 1-0 í Garðabæ. Það má tala um ágæt byrjun hjá Jóhannesi Karli Sigursteinssyni sem tók við liðinu fyrir leikinn eftir að Kristján Guðmundsson var látinn taka pokann sinn eftir lélegt gengi liðsins í sumar.

   01.07.2024 14:41

„Takk fyrir okkur elsku Kristján"

Heil og sæl kæru lesendur og verið velkomin í þessa beinu textalýsingu Fótbolta.net frá leik Tindstóls og Sjörnunar í Bestu deild kvenna. Ath að í þessari textalýsingu verður stuðst við beina sjónvarpsútsendingu Stöð 2 Sport frá leiknum og verða því ekki viðtöl eftir leik