Þróttur vinnur hér sinn þriðja leik í röð. Frekari umfjöllun væntanleg.

Laddi eins og kóngur í ríki sínu, grípur boltann eftir fyrirgjöf.

Jörgen staðinn upp og gengur af velli.

Jörgen búinn að setjast upp, það eru góðar fréttir.

Jörgen þarf aðhlynningu út við hliðarlínu. Það er verið að hringja á sjúkrabíl held ég og þessi leikur verður aðeins lengri. Sá ekki alveg hvað gerðist.

Rosalega langur uppbótartími.

Svaka mínútur hérna. Eyjamenn skora eftir aukaspyrnuna en það er brot dæmt en ég held að það sé rétt.

Það er alvöru hiti á bekkjunum. Þróttarar kasta sér upp af bekknum eftir að ÍBV fær aukaspyrnu. Svo fara rauð spjöld á loft á bekkina.

Viktor Andri með skot fram hjá markinu.

Uppbótartíminn er hafinn. Ég veit ekki hversu miklu er bætt við þar sem það er ekki skilti. En það eru nokkrar mínútur.

Tómas Bent með fasta aukaspyrnu sem fer frekar langt yfir markið. Ákveðin bjartsýnistilraun þar sem þessi spyrna var frekar langt frá.

Oliver fer niður í teignum en ekkert dæmt. Þetta hefði verið soft held ég.

Þetta var alvöru varsla!

Boltinn berst inn á teiginn eftir hornspyrnuna og það er einhver Eyjamaður sem nær lúmskt að stýra boltanum á markið, en Laddi í marki Þróttar ver ótrúlega vel!!!

Felix með bolta inn á teiginn sem Eiður Atli skallar fram hjá. Eyjamenn fá hornspyrnu.

Alex Freyr gerir vel að vinna boltann á miðsvæðinu og á svo svakalegan bolta fyrir markið, en Eyjamenn missa af honum.

Stuðningsmenn Þróttar ætla að syngja og tralla þennan sigur í höfn.

Vilhjálmur Kaldal með góðan bolta fyrir en Izaro rétt missir af boltanum! Munaði ekki miklu þarna!

Eyjamenn vilja eflaust fara að herða tökin.

Eiríkur Blöndal fer yfir á vinstri fótinn og lætur vaða! Frábær tilraun sem fer rétt yfir markið!

Eyjamenn með hættulegan bolta fyrir og Oliver skallar boltann fram hjá. Ekki langt fram hjá markinu.

Það er einhver þreyta í mönnum. Nökkvi Már leggst niður með krampa. Tempóið aðeins dottið niður.

Sigurður Steinar í frábæru skotfæri en setur boltann næstum því í innkast!

Oliver stekkur rosalega hátt í teignum og nær skalla að marki, en það var ekki mikill kraftur í honum.

Eyjamenn hafa verið sjálfum sér verstir í þessum leik, miklir klaufar.

Sigurður Steinar í ágætis færi inn á teignum en hittir boltann ekki nægilega vel. Jón Kristinn ver þægilega.

ÍBV er alveg með öflug vopn á bekknum sem gætu hjálpað þeim að snúa þessum leik við.

Jón Ingason með fínustu tilraun sem fer rétt yfir markið.

Oliver með boltann inn á teignum og reynir að leggja hann út á Hermann, en það gengur ekki.

Kominn hálfleikur í Laugardalnum. Hörkuleikur en Þróttur leiðir eftir klaufaleg mistök hjá gestunum.

Laddi tæpur í markinu hjá Þrótti en nær að bjarga sér.

Kári Kristjáns með skot sem fer fram hjá markinu. ÍBV að bjóða Þrótturum upp í dans, eru klaufar í öftustu línu.

Hermann sleppur einn í gegn og er í algjöru dauðafæri en Laddi, eins og hann er kallaður, ver virkilega vel í markinu. Þetta var David de Gea varsla með fætinum.

Stuðningsmenn Þróttar láta núna vel í sér heyra.

Hættulegur bolti inn á teig Þróttara en Aðalbjörn Heiðar flautar aukaspyrnu.

Oliver Heiðarsson er ekkert eðlilega snöggur.

Þróttarar í álitlegri skyndisókn en Eyjamenn verjast þessu býsna vel, koma boltanum í burtu í þrígang.

Það er mikið tempó í þessum leik og þetta er fram og til baka.

Oliver með ágætis sendingu fyrir en Hlynur með góða tæklingu og kemur boltanum frá.

Emil Skúli með skalla að marki eftir ágætis fyrirgjöf á fjærstöngina, en Jón Kristinn handsamar boltann nokkuð þægilega.

Jón Ingason tekur aukaspyrnu af 25 metrum sirka og lætur vaða á markið. Spyrnan er ekki góð og Þórhallur Ísak á í engum vandræðum með að handsama boltann.

Hermann Þór núna í frábæru færi en setur boltann fram hjá markinu. Þetta er galopinn leikur en ekkert markið komið enn.

Eiríkur með flottan bolta á bak við vörnina. Sigurður Steinar eltir og er kominn í gott færi, en hann reynir að senda fyrir í staðinn fyrir að skjóta. Sendingin ratar á engan, en þarna átti hann bara að skjóta.

Bæði lið fengið góð færi í byrjun leiksins.

Kári með skot rétt fram hjá markinu!!

Alex Freyr með stungusendingu á Oliver sem keyrir fram hjá vörn Þróttar. Hann er kominn í ágætis færi en setur boltann yfir markið. Skotvinkillinn frekar þröngur.

Jón Kristinn Viggó - Nökkvi Már - Sigurður Arnar - Jón - Felix Örn Eiður Atli - Tómas Bent Alex Freyr Hermann Þór - Oliver

Þórhallur Ísak Eiríkur - Hlynur - Njörður - Emil Skúli - Viktor Jörgen - Kári Sigurður Steinar - Liam Daði - Vilhjálmur Kaldal

Njörður með stórkostlegan bolta upp völlinn, fer yfir vörn ÍBV og þar er Vilhjálmur Kaldal mættur til að skalla boltann. Jón Kristinn kemur út á móti og missir af boltanum, en Vilhjálmur setur hann einhvern veginn fram hjá. Þarna átti hann að gera betur.

Eiríkur Blöndal með frábæran sprett upp hægri kantinn og á svo góða fyrirgjöf en Liam Daði rétt missir af boltanum.

Hefur ekki enn komið við sögu í sumar en gæti mögulega spilað sinn fyrsta leik fyrir Þrótt ef hann kemur inn af bekknum á eftir.

Þetta er farið af stað!

Það styttist í að flautað verði á. Það er smá vindur og léttur úði í Laugardalnum. Alvöru íslenskt sumarveður.

Í Innkastinu var opinberað úrvalslið umferða 1-11 í Lengjudeild karla. Elvar Geir, Valur Gunnars og Baldvin Borgars fóru yfir valið í þættinum. Allir í úrvalsliðinu koma úr þremur efstu liðum deildarinnar; Fjölni, Njarðvík og ÍBV. Deildin hefur svo sannarlega verið óútreiknanleg og skemmtileg það sem af er. Felix Örn Friðriksson, Guðjón Ernir Hrafnkelsson, Vicente Valor og Oliver Heiðarsson koma úr liðinu frá ÍBV. Þá er Tómas Bent Magnússon á bekknum en enginn Þróttari komst í liðið.

Þegar þessi tvö lið mættust í Vestmannaeyjum fyrr á tímabilinu, þá vann ÍBV 4-2 sigur. Oliver Heiðarsson skoraði þrennu í þeim leik en hann er einmitt uppalinn Þróttari.

Þjálfari ÍBV fagnar stórafmæli í dag.

???? Hermann Hreiðarsson fagnar fimmtudagsafmæli sínu í dag!

????Til hamingju með daginn Hemmi!

5?0? Happy 50th birthday to former @Pompey, @IpswichTown and @CAFCofficial player Hermann Hreiðarsson! #fyririsland pic.twitter.com/vhPhiQBo6t

— Knattspyrnusambandið (@footballiceland) July 11, 2024

Baldvin Már Borgarsson, þjálfari Árbæjar, fékk annað tækifæri til að spá í Lengjudeildina eftir að hafa verið með núll rétta fyrr á tímabilinu. Spurning hvort að hann nái allavega einum réttum núna. Þróttur 1 - 2 ÍBV Ég spái því að Eyjamenn vinni í Laugardalnum.

ÍBV hefur verið á góðu skriði að undanförnu og situr í þriðja sæti Lengjudeildarinnar með 19 stig. Þeir hafa unnið fjóra af síðustu fimm leikjum sínum og verið að finna góðan takt. Þróttur hefur unnið tvo í röð og er í áttunda sæti með tólf stig. Þetta ætti að vera mjög áhugaverður leikur.

Og verið velkomnir kæru lesendur í beina textalýsingu frá leik Þróttar og ÍBV á AVIS-vellinum í Laugardal. Þetta er leikur í tólftu umferð deildarinnar.