SKÝRSLAN: Þróttur hafði betur í kaflaskiptum leik
Hvað réði úrslitum?
Fjörugur leikur í Laugardalnum í dag! Þróttarar byrjuðu betur og komust yfir á 16. mínútu eftir gott skot frá Leah. FH-ingarnir jöfnuðu 13 mínútum seinna eftir mark frá Elísu. Seinni háflelikurinn var fullur af færum á báða bóga. FH átti skot í stöng en það voru að lokum Þróttarar sem komu boltanum í netið þar sem Melissa skoraði í sínum fyrsta leik sem Þróttari!
Bestu leikmenn
1. Mollee Swift
Mollee var geggjuð í markinu í dag. Varði helling og átti heilt yfir góðan leik.
2. Leah Maryann Pais
Leah er bara rosalega góð í fótbolta. Ekkert flóknara en það. Skoraði fyrsta mark Þróttar. Leah fór meidd af velli eftir högg.
Atvikið
Í uppbótartíma var leikmaður FH toguð niður í teignum. Sást illa hversu mikil snertingin var en bekkur og stuðnigsmenn FH voru alveg handviss um að þetta hafi verið víti.
Hvað þýða úrslitin?
Þetta voru risastór þrjú stig fyrir Þrótt sem lyftir sér upp í 6. sætið. FH er enn í 5. sætinu eftir daginn með jafn mörg stig og Víkingur.
Vondur dagur
Erfitt að setja þetta á einhverja eina. Mjög kaflaskiptur leikur og fannst manni bæði lið spila góðan bolta á tímabilum.
Dómarinn - 6
Breki bara fínn í dag. Var svolítið hlutdrægur með Þrótturum og dæmdi stundum á áhugverða hluti sem var ekki dæmt á hinum megin. Létt hins vegar leikinn fljóta ágætlega.