KA með frábæran sigur! Valsarar voru betri ef eitthvað er manni færri en náðu ekki að skapa sér neitt

Stubbur handsamar boltann. Sex mínútur í uppbótatíma.

Valur fær horn. Fáum við dramatík?

Gylfi með skot framhjá

Viðar Örn leggst niður. Finnur eitthvað til aftan í læri!

Hallgrímur Mar með skot í slá beint úr aukaspyrnu

Jakob Franz Pálsson fær boltann í höfuðið af stuttu færi. Hann er sem betur fer staðinn upp.

Daníel með gott skot en glæsileg varsla hjá Frederik. KA fær horn.

Hallgrímur Mar með skot framhjá, boltinn breytti aðeins um stefnu á leiðinni. KA menn byrja seinni hálfleikinn mjög sterkt.

Viðar Örn fylgir eftir skoti Hallgríms og setur boltann í netið en er dæmdur rangstæður.

Stubbur grípur fyrirgjöfina úr aukaspyrnunni

Gylfi og Rodri lentu saman rétt áður en KA skoraði og menn voru ekki sáttir að fá ekki neitt fyrir það. Sá það ekki alveg en Gylfi eða Sigurður Egill fékk spjald fyrir mótmæli.

Flautað til loka fyrri hálfleiks um leið og miðjan er tekin

Tryggvi Hrafn með skalla yfir markið.

Ívar Örn fær sendingu inn á teiginn og ætlar að klippa boltann en hittir hann ekki.

Viðar Örn Kjartansson með skot sem fer af varnarmanni og Frederik á ekki í vandræðum

Tryggvi Hrafn með skot í varnarmann og Bjarni Mark fær boltann í D-boganum og á fast skot sem Stubbur ver vel.

Tryggvi Hrafn Haraldsson gerir hrikalega vel, aleinn á kantinum og fær boltann, leikur á Ívar Örn og á skot í fjærhornið sem Stubbur ver vel. Jónatan náði frákastinu en skaut yfir markið úr dauðafæri

Verið rólegt undanfarnar mínútur. Valur verið með boltann en KA menn þéttir til baka.

Tryggvi Hrafn Haraldsson með góðan sprett inn á teiginn, boltinn berst svo til Sigurðar Egils sem nær ekki valdi á boltanum og KA kemur boltanum í horn, ekkert kemur út úr því.

Hans Viktor Guðmundsson með skalla yfir markið eftir fyrirgjöf frá Darko Bulatovic. KA menn að byrja vel.

Daníel Hafsteinsson fær boltann nánast inn á markteig og á skot sem Frederik nær að blaka yfir.

Hallgrímur Mar Steingrímsson kemur þessu af stað

Liðin eru að ganga út á völl

Það eru þrjár breytingar á liði heimamanna sem gerði gríðarlega svekkjandi 2-2 jafntefli gegn KR í síðustu umferð.

Jakob Snær Árnason, Hrannar Björn Steingrímsson og Hans Viktor Guðmundsson koma allir inn í liðið en snýr aftur eftir að hafa tekið út leikbann. Kári Gautason, Harley Willard og Ásgeir Sigurgeirsson fá sér sæti á bekknum.

Srdjan Tufegdzic, Túfa, stýrir Val í fyrsta sinn í kvöld gegn sínum gömlu félögum. Það eru þrjár breytingar á liðinu sem féll úr leik í Sambandsdeildinni gegn St. Mirren á dögunum. Orri Sigurður Ómarsson, Birkir Már Sævarsson og Gylfi Þór Sigurðsson, sem hefur jafnað sig af meiðslum, koma inn í liðið. Hörður Ingi Gunnarsson, Guðmundur Andri Tryggvason, Lúkas Logi Heimisson. Hörður Ingi og Lúkas eru á bekknum en Guðmundur Andri ekki í hóp.

Jóhann Ingi Jónsson verður með flautuna hér í kvöld. Þórður Arnar Árnason og Sveinn Ingi Sigurjónsson Waage verða honum til aðstoðar. Sveinn Arnarsson verður á hliðarlínunni og Ingvar Örn Gíslason er eftirlitsmaður KSÍ.

Arnar Grétarsson, fyrrverandi þjálfari KA, var látinn taka pokann sinn hjá Val strax eftir að liðið féll úr leik í Sambandsdeildinni á dögunum. Túfa, einnig fyrrum þjálfari og leikmaður KA, var ráðinn í hans stað. Hann mætir því aftur til Akureyrar í dag en hann var aðstoðarþjálfari liðsins frá 2012-2015 og aðalþjálfari frá 2015-2018. Hann lék með liðinu frá 2006-2012.

Túfa, fyrrum þjálfari og leikmaður KA

Liðin hafa mæst tvisvar í sumar. Fyrri leikur liðanna í deildinni á N1 vellinum endaði með 3-1 sigri Vals þann 11. maí. Hólmar Örn Eyjólfsson kom Val yfir en Hallgrímur Mar Steingrímsson jafnaði með marki úr vítaspyrnu. Patrick Pedersen skoraði tvö og innsiglaði sigur Vals. KA náði fram hefndum í undanúrslitum Mjólkurbikarsins hér á Greifavellinum. Liðið vann 3-2 þar sem Hallgrímur Mar, Jakob Snær Árnason og Daníel Hafsteinsson skoruðu mörkin. Patrick og Birkir Már Sævarsson skoruðu mörk Vals.

Úr leik liðanna í bikarnum

Verið velkomin í beina textalýsingu frá leik KA og Vals í Bestu deildinni. Leikurinn er liður í 17. umferð en hann fer fram á Greifavellinum á Akureyri.