Jafntefli í Garðabænum staðreynd!

Viðtöl og skýrsla koma seinna í kvöld.

Takk fyrir mig!

Tvær mínútur búnar af viðbótinni, stefnir allt í jafntefli.

Fáum við sigurmark?

Hailey með bolta inn á teig Stjörnunar. Guðrún nær skalla en boltinn framhjá.

Stjarnan fær horn.

Valskonur hreinsa.

Stjarnan heldur áfram að sækja! Gyða með góða sendingu inn á Jessicu og hún er ein á móti markmanni. Fanney gerir vel, kemur út á móti og lokar lá hana. Jessica reynir að vippa honum yfir hana en Fanney ver.

Jessica með komin inn fyrir vörn gestanna og með helling af plássi fyrri framan sig. Komin inn á tegin en þar er Natasha sem á geðveika tæklingu og vinnur boltan! Stjarnan fær horn.

Geggjað horn. Hannah Sharts stekkur hæst af öllum og stangar boltann í stöngina! Stjarnan að ógna!

Valskonur fá horn. Stjarnan hreinsar en boltinn berst á Fanndísi sem er rétt fyrir utan teig. Hún á fast skot meðfram jörðinni sem Erin ver.

Frábær sending á fjær frá Eyrúnu Emblu. Hulda Hrund er á fjær og nær að pota boltanum í átt að marki en hittir hann ekki nógu vel og Fanney handsamar knöttinn.

Valskonur hafa byrjað þennan seinni hálfleik eins og þann fyrri. Mun meira með boltan og ógna grimmt.

Fanndís Friðriks með gott vinstrifótar skot. Boltinn sleikir stöngina og fér rétt framhjá.

Tryggvi Már Gunnarsson, ljósmyndari er á leiknum!

Stjarnan rúllar seinni í gang.

Hálfleikur í fjörugum leik í Garðabænum. Valur mikið betri aðilin framan af en eftir markið hefur Stjarnan unnið sig inn í þetta!

Tökum okkur korterspásu og komum svo með seinni hálfleikinn!

Aðeins hægt á leiknum undir lok hálfleiksins.

Boltinn berst á Katie Cousins eftir misheppnaða hreinsun frá Stjörnunni. Katie með fast skot sem er varið af Erin í markinu.

Jessica Ayers með gott skot rétt fyrir utan teig. Hittir hann vel en boltinn rétt yfir þverslána.

Stjarnan sækir hratt. Gyða kemur með hættulegan bolta inn á teig gestanna. Hrefna í góður færi en nær ekki að stýra boltanum á markið.

Stjarnan að ógna! Kemur bolti inn á teig gestanna sem Hrefna Jónsdóttir skallar framhjá.

Valur fær horn.

Stjarnan hreinsar.

Hulda Hrund á skot í átt að marki gestanna fyrir utan teig. Fast skot sem fer af varnarmanni og aftur fyrir endamörk. Stjarnan fær horn.

Ekkert verður úr horninu.

Góð sending frá Ragnheiði innn á teig Stjörnunar. Boltinn á Fanndísi sem reynir skotið en hittir hann ekki.

Stjarnan gerir vel og sækir hratt. Kemur góður bolti inn fyrir vörn gestanna og nær Andrea Mist stjórn á honum. Tekur eina snertingu og skýtur svo á mark af stuttu færi. Skotið beint á Fanney í markinu sem ver.

Valskonur verið að sækja grimmt fyrstu tíu mínúturnar. Fanndís gerir vel úti hægra megin og gefur boltann inn á teigin. Ragnheiður nær til hanns en nær ekki að stýra honum á markið.

Valskonur gera vel og búa sér til gott færi en Fanndís rangstæð í uppspilinu.

Klaufagangur í vörn Stjörnunar og gestirnir vinna boltann hátt uppi á vellinum. Ragnheiður fær boltan og á fast skot á mark. Hittir hann vel en boltin tiltölulega beuint á Erin sem ver.

Berglind Björg á marktilraun. Á skot sem ver af varnarmanni og Erin handsamar boltann.

Valskonur byrja með boltann.

Leikmenn ganga nú inn á völlinn. Styttist óðfluga í upphafsflautið!

Nú er korter í upphafsflautið hér í Garðabænum! Fínustu aðstæður: 14°C, gola og skýjað. Fáum vonandi fjörugan leik hér í kvöld!

Guðný Geirsdóttir, markvörður ÍBV, er spákona umferðarinnar! Hún spáir Valskonum sigri hér í kvöld.

Stjarnan 1 - 3 Valur
Valskonur búnar að vera á góðri siglingu í sumar og ætla ekki að fara misstíga sig núna. 1-3 Úlfa Dís kemur með neglu fyrir Stjörnukonur en það verður ekki nóg í þetta skiptið.

   09.08.2024 14:30

Guðný Geirs spáir í 16. umferð Bestu deildar kvenna

Stjarnan tryggði sér í dag markvörð fyrir komandi átök í Bestu deild kvenna en Halla Margrét Hinriksdóttir er gengin til liðs við Stjörnuna. Stjarnan var með þær Auði Scheving og Erin McLeod sem börðust um markvarðastöðuna en Auður hélt til Bandaríkjanna í síðasta mánuði og er þar í háskólanámi. Stjarnan var því ekki með varamarkvörð í síðasta deildarleik. Meira um félagsskiptin má sjá í fréttinni hér fyrir neðan!

   09.08.2024 10:23

Halla Margrét skiptir frá Breiðabliki í Stjörnuna (Staðfest)

Liðin tvö mættust á Hlíðarenda fyrr í sumar. Valur hafði þar betur og sigraði 4-0. Ísabella Sara Tryggvadóttir fór á kostum í leiknum og skoraði þrennu!

Mörkin úr fyrri leik liðanna!

Arnar Ingi Ingvarsson verður á flautunni hér í kvöld og verða þeir Tomasz Piotr Zietal og Ragnar Arelíus Sveinsson sem verða honum til aðstoðar. Eftirlitsmaður er Skúli Freyr Brynjólfsson og varadómari er Reynir Ingi Finnsson.

Valur er í fyrsta sæti deildarinnar fyrir leikinn í kvöld og eru þar með 42 stig, þremur stigum fyrir ofan Breiðablik. Valur er á ótrúlegu skriði í deildinni en Valskonur hafa ekki tapað síðan í maí og eru markahæsta lið deildarinnar með 41 mark skorað í sumar. Valur mætti Blikum í algjörum stórleik í síðustu umferð. Valskonur komust yfir snemma leiks þegar Katherine Amanda Cousins kom þeim yfir eftir 9. mínútur. Mörkin urðu ekki fleiri og vann Valur því 1-0 sigur.



Félagaskiptaglugginn lokar 13. ágúst. Valur hefur hingað til fengið til sín tvo nýja leikmenn.

Komn­ar:
Helena Ósk Hálf­dán­ar­dótt­ir frá FH (til baka úr láni)
Natasha Anasi frá Brann í Nor­eg
Farn­ar:
Am­anda Andra­dótt­ir til Twente í Hollandi
Hanna Kall­maier í ÍH

Stjarnan er fyrir leikinn í 6. sæti deildarinnar með 19 stig. Stjarnan hefur verið að næla sér í góð úrslit síðan Jóhannes Karl tók við en leikurinn í kvöld verður hans sjötti leikur sem þjálfari Stjörnunnar. Stjarnan mætti Fylki í Árbænum í síðustu umferð. Stjarnan komst yfir eftir 10 mínútna leik er Hrefna Jónsdóttir skoraði. Mörkin voru ekki fleiri og tók Stjarnan því stigin þrjú. Nú styttist í að deildinni verði skipt upp í neðri og efri hluta og verður áhugavert að sjá hvort Stjörnukonur haldi sér í efri hlutanum!


Félagaskiptaglugginn lokar 13. ágúst. Stjörnukonur hafa hingað til fengið til sín tvo nýja leikmenn.

Komn­ar:
Mist Smára­dótt­ir frá Grinda­vík (til baka úr láni)
Jessica Ayers frá Vitt­sjö í Svíþjóð
Farn­ar:
Hrafn­hild­ur Salka Pálma­dótt­ir í HK (á lán)
Caitlin Cosme í Nan­tes í Frakklandi

Góðan dag kæru lesendur og verið hjartanlega velkomin í þráðbeina textalýsingu á viðureign Stjörnunnar og Vals í Bestu deild kvenna! Leikurinn fer fram á Samsung-vellinum í Garðabænum og hefst kl. 18:00.