Fjórar mínútur í viðbót af þessari veislu!

Rólegt yfir leiknum þessa stundina. Virðist eins og þessi lið hafi að engu að keppa. Allavega enginn að flýta sér.

Fyrsti leikur Birgis í bikar eða deildarkeppni. Ungur og efnilegur.

Skot frá Ingimar í hliðarnetið eftir að Sverrir komst inn á teiginn.

Ingimar keyrir upp vinstri kantinn, köttar inn á hægri og tekur lélegt skot sem fer í menn á teignum og svo í hendur Rafal.

Bara slöpp aukaspyrna og skiptingar fyrir bæði lið.

Fékk hérna mjög djúsí hamborgara hjá gestgjöfum dagsins. Verð bara að hrósa honum, algjör 7,5/10.

Kristján Oddur, 17 ára miðjumaður Gróttu, á skot sem að hittir ekki á markið.

Gestirnir leiða 0-1 í hálfleik.

Grótta sparkar þessum seinni hálfleik í gang!

Aron Ingi með skot á mark Gróttu en það var í raun beint á Rafal sem þurfti ekki að hafa sig neitt við til að verja það.

Aron Birkir kemur út í teiginn til að kýla aukaspyrnu út en hann hittir boltann illa, sem dettur fyrir fætur Arons Bjarka en Aron hittir boltann eiginlega verr heldur en nafni sinn og setur boltann framhjá á meðan að Aron Birkir liggur.

Aron þarf aðhlynningu. Búnar að vera skrýtnar síðustu mínútur. Rangir dómar sem eru að pirra menn mikið.

Birkir Heimis nær skoti á markið sem Rafal ver í slána. Loksins eitthvað líf í þessu.

Pétur Theodór Árnason er ekki í leikmannahópi Gróttu í dag. Hann var að eignast sitt fyrsta barn í vikunni. Óskum við hjá Fótbolta.net honum innilega til hamingju með það.

Kristófer Orri með auka sem Þórsarar skalla í horn en ekkert verður úr horninu

Þór ná að koma boltanum að marki en vel hreinsað hjá Gróttu í tvígang.

Grímur með skot rétt fyrir utan teig en það fer beint á rammann endar auðveldlega í höndum Arons í marki Þórs.

Ná samt ekki skoti á markið eftir margar sendingar í kringum teiginn

Aldrei hætta og Aron Birkir grípur þetta auðveldlega.

Bæði lið aðeins að þreifa fyrir sér og augljóst á spilamennsku beggja lið að þessi leikur hefur litla þýðingu.

Heimamenn í Gróttu sækja í átt að vitanum á meðan að Þórsarar sækja í átt að sundlaug Seltjarnarness.

Þetta fer að bresta á.

Ef það er einhver þarna úti sem er að lesa þetta og er að spá hvort hann eigi að skella sér á völlinn, þá get ég lofað viðkomandi því, að það verða laus sæti. Sé allavega 6 sæti sem eru ótekin. Allavega 6. Allir á völlinn!

Eins og sagði í síðustu færslu þá er þessi leikur ekki upp á neitt nema stoltið. Grótta féll í síðustu umferð, þegar liðinu mistókst að sigra ÍR og á sama tíma vann Þór Dalvík/Reyni og tryggði þar með veru sína í Lengjudeildinni að ári.

Heil og sæl kæru lesendur og verið hjartanlega velkomin í þessa þráðbeinu textalýsingu frá Vivaldi-vellinum á Seltjarnarnesi, þar sem Grótta og Þór eigast við í lokaumferð Lengjudeildarinnar.