3-1 tap staðreynd, ég leyfi mér að segja mjög svekkjandi tap. Íslenska liðið lék lengst af mjög vel í leiknum en bandaríska liðið reyndist öflugra á lokasprettinum. Seinni leikur liðanna fer fram í Tennessey á sunnudagskvöldið. Leikurinn hefst klukkan 21:30.

Svolítið eins og tankurinn hafi klárast hjá íslenska liðinu á sama augnabliki og Telma fékk höggið.

Skot frá Yasmeen Ryan sem fer af varnarmanni og Telma grípur svo boltann. Örugg í dag Telma, virkilega sannfærandi.

Fyrirgjöf af vinstri kantinum sem Guðrún skallar í burtu. Skömmu síðar á Sophia Smith tilraun sem Telma ver og heldur boltanum.

Telma gat haldið leik áfram, Cecilía var send til þess að hita upp til öryggis.

Telma liggur eftir, fær Yasmeen Ryan í sig. Telma þarf á aðhlynningu að halda. Íslenska liðið á aukaspyrnu, brotið á Natöshu á í raun sama augnabliki.

Bandaríska liðið er að leita að marki. Katla gerir vel í hjálparvörninni og boltanum hreinsað úr teignum. Hún vinnur svo aukaspyrnu skömmu síðar, vel gert.

Gengur mjög brösuglega hjá bandaríska liðinu að byggja upp góðar sóknir, megi það haldast þannig áfram!

Það er stemning á Q2 leikvanginum, Víkingaklappið tekið en i mjög skrítnum takti.

Hún er með einn skráðan landsleik fyrir þetta, það var leikur með U23 landsliðinu. Ásdís er leikmaður Lilleström. hélt til Noregs eftir að hafa orðið Íslandsmeistari með Val tímabilið 2023.

Rose Lavelle reynir að koma boltanum inn á markteiginn en setur boltann í Guðrúnu og afturfyrir. Ekkert kemur upp úr hornspyrnunni.

Sveindís með skot sem Alyssa Naeher ver. Virkilega góð byrjun á þessum fyrri hálfleik hjá íslenska liðinu.

Sveindís gerir mjög vel að vinna hornspyrnu, þurfti að hafa fyrir þessari móttöku. Sædís með hornspyrnuna en Hafrún er dæmd brotleg inn á teignum, sá ekki fyrir hvað.

Amanda full köld þarna, reyndi að sóla sig út úr eigin vítateig. Sem betur fer fór Alyssa Thompson illa með þetta tækifæri.

Amanda að byrja seinni hálfleikinn vel, mikið í boltanum. Átti álitlega stungusendingu en þær bandarísku náðu að stíga fyrir Diljá og Sveindísi og verjast þessari sókn.

Amanda með flottan bolta inn á vítateiginn, Natasha vinnur skallaboltann, skallar inn á markteiginn þar sem Hafrún Rakel var mætt en var fyrir innan og flaggið fór á loft. Tilraunin fór yfir en hún hefði ekki talið.

Amanda vinnur aukaspyrnu á vallarhelmingi Bandaríkjanna.

Með bolta: 68%-32% Skottilraunir: 6-4 Á markið: 2-3 Aukaspyrnur: 10-1

Aukaspyrnan frá Lindsey Horan fer rétt framhjá íslenska markinu. Í kjölfarið er svo flautað til hálfleiks.

Sam Coffey skyndilega í mjög góðu færi en er lengi að athafna sig og ekkert verður úr þessu færi. Skömmu síðar brýtur Selma á Mallory Swanson inni í D-boganum við vítateig Íslands.

Sveindís með skot framhjá.

Sveindís vinnur hornspyrnu. Amanda með hornspyrnuna en Alyssa Naeher kemur út og grípur boltann nokkuð auðveldlega.

Amanda með geggjaða sendingu á milli varnarmanna bandaríska liðsins, sá Diljá í hlaupinu. Skotið frá Diljá við vítateigslínuna hins vegar mislukkað, gott færi fór þarna forgörðum. Auðveld varsla fyrir Alyssa Naeher. Ísland fengið tvö af þremur bestu færum leiksins.

Glódís sannfærir dómarann að íslenska liðið eigi boltann og fær það í gegn, kolrangur dómur sýndist mér, en ekkert til að kvarta yfir. Fyrirliðinn sannfærandi.

Fínn varnarleikur hjá okkar konum, þær bandarísku með boltann inn á teignum en sáu ekki íslenska markið, svo vel var lokað á þær.

Diljá er búin að gera vel þegar hún hefur komist í boltann, tekið góðar ákvarðanir og náð að búa til sóknir.

Aftur klaufagangur aftarlega á vellinum hjá Íslandi, sýndist það vera Guðrún. Aftur sleppur íslenska liðið.

Selma tapar boltanum á hræðilegum stað og hreinsun Guðrúnar misheppnast. Mallory Swanson fær boltann á fjærstönginni en skot hennar er mjög misheppnað.

Sveindís með langt innkast, Glódís flikkar boltanum áfram og Hildur á svo skalla sem Naeher grípur, laus skalli.

Sædís með flotta hornspyrnu á fjærstöngina, þar er Guðrún Arnardóttir og rekur hún út fótinn en nær ekki að stýra boltanum á markið. Þarna var séns!

Vel gert hjá Diljá á miðjunni, kemur boltanum út til vintri á Söndru Maríu sem á skot sem Alyssa Naeher ver og nær ekki að halda inn á vellinum. Fyrsta hornspyrna Íslands.

Ég 'googlaði' hvernig veðrið er í Austin og fæ þau svör að það sé 28 gráðu hiti, heiðskírt og 38% raki.

Hildur dæmd brotleg gegn Rose Lavelle, smá tæpt og Hildur svekkt með þennan dóm. Fín fyrirgjafarstaða fyrir þær bandarísku. Hildur fær tiltal frá Jamaíska dómaranum. Hættuleg aukaspyrna en Lynn Williams hittir boltann sem betur fer illa.

Alyssa Thompson með skot yfir mark Íslands, var nokkuð álitlegt skotfæri.

Þung sókn hjá bandaríska liðinu. Amanda nær núna að vinna aukaspyrnu og íslenska liðið getur aðeins náð andanum.

Naomi Girma með skot í kjölfar aukaspyrnunnar, en Telma er vel á verði og heldur boltanum.

Mallory Swanson fer niður í baráttunni við Natöshu og Bandaríkin fá aukaspyrnu við íslenska teiginn. Swanson tekur spyrnuna sjálf.

Verðlaunin verða afhend á mánudagskvöld, tæpum sólarhring eftir að Ísland spilar seinni leikinn gegn Bandaríkjunum.

   05.09.2024 16:22

Stærra gerist það bara ekki: „Besti hafsent í heimi kemur frá Íslandi"

Sveindís með lipra takta en þær bandarísku fjölmenna í kringum hana þegar hún kemst inn á teiginn. Í kjölfarið á Sandra fyrir gjöf sem Natasha kemst í og Natasha á svo fyrirgjöf sem Sveindís kemst í en ná ekki að skalla almennilega í boltann.

Uppstilling Telma Natasha - Glódís - Guðrún - Sædís Hildur - Selma Diljá - Amanda - Sandra Sveindís

Farið af stað, merkið er inni hjá Sjónvarpi Símans sem stendur!

Það hefur verið hikst á útsendingunni frá Bandaríkjunum. Vonandi kemst það í lag. Leikurinn á að hefjast 23:37.

Grafíkin sem sýnd er á Sjónvarpi Símans sýnir íslenska liðið í leikkerfinu 3-5-2. Það er athyglisvert að Sædísi er stillt upp í hægri bakverði því hún er alltaf úti vinstra megin. Telma Glódís - Natasha - Guðrún Sædís - Hildur - Amanda - Selma - Sandra Diljá og Sveindís

Byrjunarliðin má sjá hér til hliðar, ef þú ert að lesa í síma getur þú ýtt á 'Liðsuppstilling' til að sjá liðsvalið. Þorsteinn Halldórsson, þjálfari íslenska liðsins, hefur opinberað byrjunarlið sitt fyrir leikinn. Sjö breytingar eru á liðinu frá síðasta leik sem var gegn Póllandi í undankeppni EM. Sá leikur fór fram í júlí. Telma Ívarsdóttir ver mark íslenska liðsins, þær Natasha og Sædís Rún koma inn í vörnina, Hildur Antonsdóttir kemur inn á miðjuna ásamt Amöndu Andradóttir og þær Sandra María og Diljá Ýr koma inn í fremstu línu. Þær Glódís Perla, Selma Sól, Guðrún og Sveindís halda sæti sínu í liðinu frá síðasta leik. Alexandra Jóhannsdóttir og Fanney Inga Birkisdóttir eru fjarri góðu gamni og þær Emilía Kiær, Ingibjörg Sigurðardóttir, Karólína Lea, Hlín Eiríksdóttir og Guðný Árnadóttir byrja á bekknum í dag.

Bandaríska liðið er ógnarsterkt, liðið er í efsta sæti heimslistans og varð í sumar Ólympíumeistari. Liðið hefur fjórum sinnum orðið heimsmeistari, síðast árið 2019. Liðin hafa fimmtán sinnum mæst. Bandaríkin hafa unnið þrettán leiki og tvisvar hafa liðin gert jafntefli. Liðin mættust síðast í febrúar 2022 á SheBelieves Cup þar sem Bandaríkin unnu 5-0 stórsigur. Emma Hayes er þjálfari bandaríska liðsins

Þorsteinn Halldórsson ræddi í gær við KSÍ TV um komandi leiki.

????? Viðtal við Þorstein H. Halldórsson, þjálfara A kvenna, fyrir leik morgundagsins.#viðerumísland pic.twitter.com/WZrryrre33

— Knattspyrnusambandið (@footballiceland) October 23, 2024

Fyrirliðinn Glódís Perla Viggósdóttir ræddi í gær við KSÍ TV um komandi leiki.

????? Viðtal við Glódís Perlu Viggósdóttur, fyrirliða A kvenna, fyrir leik morgundagsins.#viðerumísland pic.twitter.com/u5arX5MAlx

— Knattspyrnusambandið (@footballiceland) October 23, 2024

Heiða Ragney Viðarsdóttir fékk kallið í landsliðið skömmu fyrir brottför til Bandaríkjanna. Hún ræddi um valið og komandi leiki í viðtali við Fótbolta.net í vikunni. ,,Eftir gott tímabil, sinnti mínu hlutverki í Breiðabliki vel, ég hugsa að ef það hefði átt að vera einhvern tímann, þá væri það núna, en ég bjóst samt ekki við því að fá símtalið fyrir þetta verkefni. Það er gott að vita núna að maður sé þetta nálægt þessu og þá hefur maður þetta meira sem markmið að vera allavega í kringum landsliðshópinn." ,,Það er ógeðslega gaman og ég er mjög þakklát fyrir þetta tækifæri. Að fá að taka þátt í þessu verkefni er mjög skemmtilegt, að vera í Bandaríkjunum og það eru leikir gegn Bandaríkjunum. Ég er mjög þakklát og gaman að fá að vera með." ,,Ég hef alltaf mjög gaman af bandaríska liðinu af því ég bjó hérna á sínum tíma og fylgist vel með liðinu. Þetta er það landslið sem ég hef kannski fylgst hvað mest með í gegnum tíðina og það verður gaman að upplifa þessi leiki."

   23.10.2024 14:03

Tékkar í tvö stór box í sama mánuðinum - „Sem betur fer er þetta verkefni í þessari viku"

Fanney Inga Birkisdóttir ræddi við Fótbolta.net á þriðjudagskvöldið en seinna kom í ljós að hún yrði ekki með í leiknum. Þetta hafði hún að segja um leikina: ,,Það er geðveikt að mæta besta liðinu, efsta liðinu á heimslistanum. Við höfum mikið verið að spila á móti Þýskalandi upp á síðkastið, það hefur verið mjög gaman að keppa á móti þeim og maður hugsar að Bandaríkin séu jafnvel einu skrefi fyrir ofan." ,,Þetta eru algjörar stórstjörnur með endalaust af fylgjendum á samfélagsmiðlum. Nike er að kosta þær, þetta eru bara geggjaðar týpur." ,,Fótbolti er bara fótbolti. Við erum fyrst og fremst að hugsa um okkur og ekki um þær. Við viljum gera það sem við getum gert eins vel og við getum. Við getum strítt þeim verulega og við erum ekki að fara gefa þeim neitt þó að þær séu einvherjar stórstjörnur."

   23.10.2024 16:34

„Geggjað að fá að mæla sig við svona góða markmenn á hverjum degi"

Aðaldómari leiksins er Odette Hamilton sem kemur frá Jamaíka. Henni til aðstoðar í kvöld eru landa hennar Stephanie-Dale Yee Sing (AD 2) og Mijensa Rensch (AD 1) frá Súrinam. Bandaríkjamaðurinn og MLS dómarinn Armando Villarreal fyllir svo upp í teymið sem fjórði dómari.

Þorsteinn Halldórsson valdi 23 leikmenn fyrir leikina tvo en hefur í tvígang þurft að gera breytingu. Fyrst duttu þær Alexandra Jóhannsdóttir og Bryndís Arna Níelsdóttir út vegna meiðsla og svo meiddist Fanney Inga Birkisdóttir á æfingu eftir að liðið kom út til Bandaríkjanna. Bæði Bryndís og Fanney eru frá vegna höfuðmeiðsla. Inn fyrir þær hafa komið þær Auður Sveinbjörnsdóttir Scheving (Stjarnan, 0 leikir), Heiða Ragney Viðarsdóttir (Breiðablik, 0 leikir) og Ásdís Karen Halldórsdóttir (Lilleström, 1 leikur með U23). Hópurinn: Markverðir Telma Ívarsdóttir - Breiðablik - 11 leikir Cecilía Rán Rúnarsdóttir - Inter Milan - 11 leikir Auður Sveinbjörnsd. Scheving - Stjarnan - 0 leikir Aðrir leikmenn Guðný Árnadóttir - Kristianstads DFF - 32 leikir Ingibjörg Sigurðardóttir - Bröndby IF - 65 leikir, 1 mark Glódís Perla Viggósdóttir - Bayern Munich - 128 leikir, 11 mörk Guðrún Arnardóttir - FC Rosengard - 41 leikur, 1 mark Natasha Moraa Anasi - Valur - 6 leikir, 1 mark Sædís Rún Heiðarsdóttir - Valerenga - 9 leikir Sandra María Jessen - Þór/KA - 43 leikir, 6 mörk Berglind Rós Ágústsdóttir - Valur - 12 leikir, 1 mark Heiða Ragney Viðarsdóttir - Breiðablik - 0 leikir Hildur Antonsdóttir - Madrid CFF - 18 leikir, 2 mörk Katla Tryggvadóttir - Kristianstads DFF - 1 leikur Karólína Lea Vilhjálmsdóttir - Bayer 04 Leverkusen - 43 leikir, 9 mörk Selma Sól Magnúsdóttir - Rosenborg BK Kvinner - 41 leikur, 4 mörk Amanda Jacobsen Andradóttir - FC Twente - 20 leikir, 2 mörk Hafrún Rakel Halldórsdóttir - Bröndby IF - 12 leikir, 1 mark Sveindís Jane Jónsdóttir - VfL Wolfsburg - 40 leikir, 12 mörk Hlín Eiríksdóttir - Kristianstads DFF - 40 leikir, 6 mörk Emilía Kiær Ásgeirsdóttir - FC Nordsjælland - 2 leikir Diljá Ýr Zomers - OH Leuven - 16 leikir, 2 mörk Ásdís Karen Halldórsdóttir - Lilleström - 1 leikur

Góðan kvöldið lesendur góðir og veriði velkomnir í textalýsingu frá vináttuleik Íslands og Bandarikjanna sem fram fer á Q2 leikvanginum í Austin, Texas. Leikurinn hefst klukkan 23:30 og er stuðst við útsendingu Sjónvarps Símans í þessari lýsingu. Þetta er fyrri leikur liðanna af tveimur, seinni leikurinn fer fram á sunnudagskvöld; klukkan 21:30 að íslenskum tíma.