Fyrsti sigur Aftureldingar í efstu deild er staðreynd! Þeir hafa hér betur gegn Víkingum í hörku leik.

Viðtöl og skýrsla væntanleg.

Tíminn er að renna út fyrir Víkinga að ætla að bjarga því sem bjargað verður.

Á sama tíma er Afturelding nálægt því að landa sínum fyrsta sigri í efstu deild.

Afturelding sækir hratt á Víkinga sem eru fáliðaðir til baka og Georg Bjarna á skot framhjá markinu.

Gylfi Þór tekur hornspyrnu sem er flikkað áfram á Oliver Ekroth sem skólfar boltanum yfir markið.

Valdimar Þór með skemmtilega takta og snýr sig lausan og keyrir í átt að marki. Setur botann út á Erling Agnars sem setur hann aftur í leið Valdimars Þórs sem tekur hann í fyrsta en Afturelding nær að henda sér fyrir.

Víkingar fá aukaspyrnu á flottum stað fyrir fyrirgjöf.

Afturelding fær vítaspyrnu!

Oliver Ekroth tekur Hrannar Snær niður og vítaspyrna dæmd.

Víkingar eru að banka. Gylfi vinnur hornspyrnu sem ekkert verður úr.

Sveinn Gísli með flotta fyrirgjöf á fjær þar sem Gylfi og Erlingur Agnars eru svolítið fyrir hvor öðrum og Erlingur á síðustu snertingu áður en hann fer aftur fyrir.

Opnast smá svæði aftast hjá Aftureldingu og Gylfi Þór er á sprettinum og á flotta fyrirgjöf fyrir markið ætlaða Hegla Guðjons sem missir af honum en Afturelding hendir sér sniður og skallar boltann frá í anda Phil Jones og koma boltanum svo frá.

Sveinn Gísli með hörku sprett upp völlinn og hristir af sér hvern leikmann á fætur öðrum áður en hann kemur boltanum á Helga Guðjóns sem nær ekki skoti að marki og sóknin rennur svo út í sandinn.

Axel Óskar lá hinsvegar eftir þessa syrpu frá Sveini Gísla og fær aðhlýningu.

Afturelding vinnur boltann framarlega á vellinum og Arnór Gauti á skot sem fer af varnarmanni og afturfyrir.
Elmar Kári vann boltann og féll við í teignum í aðdragandanum og heyrðust einhver köll um víti en Gunnar Oddur samkvæmur sjálfum sér.

Engar breytingar sjáanlega í hálfleik þegar við förum aftur af stað.

+3

Liðin fara markalaus til hálfleiks. Afturelding unnið sig vel inn í leikinn eftir hæga byrjun og má vel færa rök fyrir því að þeir hafi verið betri aðilinn eftir því sem á leið.

Þetta verður allavega áhugaverður seinni hálfleikur.

Helgi Guðjóns með fyrirgjöf fyrir markið en Erlingur Agnars nær ekki að stýra skallanum í átt að marki úr þröngri stöðu.

Afturelding verið mjög hættulegir. Eru að komast í fullt af flottum stöðum.

Víkingar koma boltanum í netið en flaggið á loft.

Mistök í sendingu hjá Víkingum og Afurelding geysist fram en ná ekki að ógna.

Afturelding heldur þó í boltann og Elmar Kári reynir að keyra inn á teig og fellur við, hann vill víti en ekkert dæmt.

Georg Bjarnason að koma sér í frábær færi en Ingvar Jóns nær frábærri vörslu! Frábær undirbúningur af þessu og skemmtilegt samspil milli Georgs og Elmars Kára.

Afturelding að ná flottum köflum þessa stundina. Aron Jóhannsson að koma sér í skotfæri en skotið beint á Ingvar.

Arnór Gauti að skapa ursla með löngum innköstum hjá Aftureldingu.

Elmar Kári með tilraun sem Ingvar tekur.

Stuttu áður áttu heimamenn tilraun rétt framhjá markinu.

Karl Friðleifur með frábæra stungu í hlaupið hjá Erlingi Agnarssyni sem pikkar boltanum framhjá Jökli í markinu en Jökull fær hann í sig áður en hann tekur svo Erling niður.

Hefði mögulega átt að vera vítaspyrna þarna? Jökull stálheppinn að ná snertingu á boltann áður en hann tekur Erling niður allavega.

Mistök í öftustu línu Aftureldingar og Gylfi Þór er einn á móti Jökli en Jökull tekur hann!

Þarna átti að vera 1-0 Víkingur en Jökull bjargaði svo sannarlega!

Gylfi með aukaspyrnu inn á teig Aftureldingar á Svein Gísla sem nær flottum skalla en nær ekki að stýra honum á rammann.

Daníel Hafsteins reynir að vippa boltanum innfyrir en vörn Aftureldingar er virkilega þétt.

Víkingar að koma boltanum inn á teig Aftureldingar en flaggið á loft.

Georg Bjarnason og Helgi Guðjóns í baráttu um boltann og Helgi fer niður og aukaspyrna dæmd við vítateigin vistra meginn.

Frábær sending innfyrir í hlaup hjá Erlingi Agnars sem mér sýndist vera rangur en flaggið var niðri. Afturelding dílar vel við það og kemur boltanum frá.

Þetta er farið af stað og það eru heimamenn sem sparka þessu í gang.

Elmar Kári Enesson Cogic er í byrjunarliði Aftureldingar í fyrsta sinn í deildinni. Hann var í byrjunarliðinu í 5-0 sigri gegn Hetti/Huginn í Mjólkurbikarnum þar sem hann skoraði og lagði upp tvö.

Það eru þrjár breytingar á liði Víkings sem tapaði gegn ÍBV. Oliver Ekroth spilar sinn fyrsta leik í sumar og Erlingur Agnarsson og Viktor Örlygur Agnarsson koma einnig inn. Atli Þór Jónasson, Matthías Vilhjálmsson og Stígur Diljan Þórðarson setjast á bekkinn.

Víkingarnir töpuðu óvænt 3-0 gegn ÍBV í bikarnum á dögunum. Hefurðu horft mikið í þann leik?

„Bara alla leikina sem þeir hafa spilað í sumar, við skoðum alla leiki til að búa til eitthvað leikplan. Hver leikur hefur sitt líf í fótbolta. Fyrst og fremst þurfum við að hugsa um okkur sjálfa. Ég er handviss um að ef við spilum á okkar getu á fimmtudaginn, þá verður þetta hörkuleikur," segir Magnús Már Einarsson, þjálfari Aftureldingar.

Það styttist í það að félagaskiptaglugginn loki. Er Afturelding að leita að leikmanni?

„Við erum að skoða og við höfum gert það í talsverðan tíma, en við viljum vanda okkur vel. Við viljum fá leikmann sem passar inn í hópinn og það sem við erum að gera. Það er ekki hlaupið að því þar sem við erum með öflugan hóp," segir Maggi.

„Við viljum fá leikmann sem lyftir hópnum upp og styrkir okkur. Við höfum verið að leita og vonumst til að eitthvað gangi áður en glugginn lokar. Það verður að vera rétti leikmaðurinn."

   22.04.2025 15:00

Magnús Már: Það eru einhver nöfn á borðinu

Þór Llorens Þórðarson spáir í þriðju umferðina. Þór var hetja Káramanna í sigrinum óvænta gegn Fylki í Mjólkurbikarnum á dögunum en hann er með eitraðan vinstri fót.

Afturelding 1 - 0 Víkingur R.
Senur í Mosó. Það verður alvöru mæting þar sem mosfellingar búa til alvöru stemningu og þar verður Hilmar Ásgeirs fremstur í flokki. Jökull kemst fljótlega í hausinn á Víkingunum og heldur hreinu. Hrannar Snær er pirrandi fljótur og hættir ekki að keyra á menn, hann klárar þetta fyrir Mosfellinga í uppbótartíma og fer úr treyjunni því hann má það.

Heimamenn í Aftureldingu byrjuðu mótið á tapi gegn Breiðablik á Kópavogsvelli 2-0 en náðu sér í sitt fyrsta stig á þessum velli í síðustu umferð með markalausu jafntefli gegn ÍBV. Afturelding vonast til þess að ná að skora sitt fyrsta mark í efstu deild hér í kvöld.

Afturelding fór auðveldlega í gegnum 32-liða úrslit bikarsins sem spilað var yfir páskana. Þeir höfðu betur 5-0 gegn Hetti/Huginn.

Víkingar eru með fullt hús eftir tvær umferðir í Bestu deild karla. Í fyrstu umferð höfðu Víkingar betur gegn ÍBV 2-0 á Víkingsvelli og fylgdu svo vel á eftir með 4-0 sigri gegn KA.

Víkingar sem hafa síðustu ár verið gríðarlega sigursælt bikarlið féllu hins vegar úr leik í 32-liða úrslitum gegn ÍBV um páskana með 0-3 tapi og verður því áhugavert að sjá hvernig þeir mæta til leiks hér í kvöld. Sölvi Geir Ottesen sagði í viðtali við Vísi eftir leik að strákarnir hans fengu páskafríið til þess að hugsa sinn gang.

Gunnar Oddur Hafliðason heldur utan um flautuna hér í kvöld og honum til aðstoðar verða Guðmundur Ingi Bjarnason og Sveinn Ingi Sigurjónsson Waage.
Fjórði dómari í kvöld er Sveinn Arnarsson.
Eftirlitsmaður KSÍ er Þórður Georg Lárusson.

Verið hjartanlega velkomin í þessa þráðbeinu textalýsingu frá Malbikstöðinni við Varmá þar sem heimamenn í Aftureldingu taka á móti Víkingum í 3. umferð Bestu deild karla.