Fótbolti.net

Óskar Hrafn: Forréttindi að þjálfa þessa tvo ungu menn

Jökull: Eitthvað sem enginn hjá okkur sættir sig við

Leandro: Þegar maður stendur sig vel á Íslandi skapast ýmis tækifæri

Þrenna í fyrsta leik - „Þetta er það sem okkur hefur vantað"

„Töluvert síðan að hópurinn var klár en hann var ekki að spila leikinn í dag"

Siggi Höskulds: Eins og að vera mættur á Pollamótið aftur

Hemmi Hreiðars: Ekki nálægt því að vera þannig

Erfitt að fá mínútur hjá Víkingi - „Vonandi get ég haldið þessu áfram“

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

þri 22. apríl 2025 15:00

Guðmundur Aðalsteinn Ásgeirsson

Magnús Már: Það eru einhver nöfn á borðinu

Magnús Már Einarsson, þjálfari Aftureldingar.

Mynd: Fótbolti.net - Hafliði Breiðfjörð

Afturelding mætir ÍA í næstu umferð Mjólkurbikarsins.

Mynd: Raggi Óla

Mosfellingar spila við Víkinga á sumardaginn fyrsta.

Mynd: Fótbolti.net - Hafliði Breiðfjörð

„Þetta er lið sem við þekkjum vel. Nágrannar okkar þannig séð. Við höfum spilað marga leiki við þá undanfarin ár og þetta eru yfirleitt hörkuleikir," sagði Magnús Már Einarsson, þjálfari Aftureldingar, við Fótbolta.net í dag.

Afturelding mætir ÍA í Mjólkurbikarnum eftir að hafa unnið þægilegan sigur á Hetti/Hugin í 32-liða úrslitunum um páskana.

„Þetta var fínn leikur hjá okkur á móti Hetti/Hugin. Frammistaðan var frábær, við héldum hreinu og vorum sóknarlega góðir. Vonandi gefur þetta góð fyrirheit fyrir næsta leik."

Skoða alla leiki
Sumarið er komið á fleygiferð. Afturelding mætir Víkingi í næsta deildarleik sínum á sumardeginum fyrsta. Mosfellingar eru með eitt stig eftir fyrstu tvo leiki sína á meðan Víkingur hefur unnið báða sína leiki.

„Við spiluðum fyrsta heimaleikinn á móti ÍBV í mesta kulda sem hefur verið í Mosfellsbæ held ég, en núna er sumardagurinn fyrsti og við fáum miklu betra veður og vonandi meira af fólki og meiri stemningu. Við þurfum að vera hugrakkir og mæta grimmir," segir Maggi.

Víkingarnir töpuðu óvænt 3-0 gegn ÍBV í bikarnum á dögunum. Hefurðu horft mikið í þann leik?

„Bara alla leikina sem þeir hafa spilað í sumar, við skoðum alla leiki til að búa til eitthvað leikplan. Hver leikur hefur sitt líf í fótbolta. Fyrst og fremst þurfum við að hugsa um okkur sjálfa. Ég er handviss um að ef við spilum á okkar getu á fimmtudaginn, þá verður þetta hörkuleikur."

Vonast til að bæta við einum leikmanni
Það styttist í það að félagaskiptaglugginn loki. Er Afturelding að leita að leikmanni?

„Við erum að skoða og við höfum gert það í talsverðan tíma, en við viljum vanda okkur vel. Við viljum fá leikmann sem passar inn í hópinn og það sem við erum að gera. Það er ekki hlaupið að því þar sem við erum með öflugan hóp," sagði Maggi.

„Við viljum fá leikmann sem lyftir hópnum upp og styrkir okkur. Við höfum verið að leita og vonumst til að eitthvað gangi áður en glugginn lokar. Það verður að vera rétti leikmaðurinn."

Er eitthvað sem er nálægt því að gerast?

„Við höfum verið í viðræðum við leikmenn. Eitthvað hefur dottið upp fyrir af ýmsum ástæðum. Við erum að skoða markaðinn og það eru einhver nöfn á borðinu. Það kemur í ljós á næstu dögum hvað gerist. Ég reikna með að við bætum við einum manni áður en glugginn lokar," sagði Maggi.

Allt viðtalið má sjá í spilaranum hér að ofan.