SKÝRSLAN: Sumar á Selfossi í fyrstu umferð Lengjudeild karla
Hvað réði úrslitum?
Selfyssingar betri í fyrri hálfleik og þegar að þeir þurftu að verjast gerðu þeir það vel og Grindavík fá ekkert alvöru færi fyrir utan vítaspyrnuna
Bestu leikmenn
1. Ívan Breki Sigurðsson (Selfoss)
Var frábær í nýrri stöðu og það gekk nánast allt upp í hans leik í dag, vantaði bara mark til að fullkomna þennan opnunar leik hjá honum
2. Raul Gomez Martorell (Selfoss)
Skoraði tvö mörk en hefði þurft að vera aðeins klókari með boltann ef hann ætlar að verða maður leiksins en annars góð byrjun fyrir Raul
Atvikið
Ekkert sérstakt stórt atvik í leiknum en vítið sem Selfoss fær á sig leit ekki út fyrir að vera víti í fyrstu sín en maður treystir dómaranum og Arnar sá þetta miklu betur
Hvað þýða úrslitin?
Selfyssingar fara sáttir á koddann í kvöld eftir sterka byrjun á mótinu. Grindavík ná ekki að nýta sér það að spila gegn nýliðum í fyrstu umferð og þurfa að hugsa sín mál fyrir næsta leik. Selfyssingar verða í öðru sæti eins og er en Grindavík í því tíunda.
Vondur dagur
Vondur dagur fyrir Grindvíkinga sem náðu ekki að skapa sér neitt alvöru færi í opnum leik og það er eitthvað sem þarf að laga fyrir næsta leik ef þeir ætla sér að komast í umspil.
Dómarinn - 7
Var bara mjög fínn og ekki mikið hægt að kvarta yfir dómgæslunni í kvöld