SKÝRSLAN: Breiðablik er alltaf Breiðablik á Kópavogsvelli
Hvað réði úrslitum?
Leikurinn byrjaði frekar rólega en þegar Breiðablik stúlkur kveiktu á sér þá komu þær inn þremur mörkum og gerðu í raun bara útum leikinn í fyrri hálfleik. Víkingar reyndu og reyndu í þeim síðari en ekkert gerðist og Breiðablik kláraði leikinn endanlega undir lok leiksins.
Bestu leikmenn
1. Agla María Albertsdóttir (Breiðablik)
Fyrirliðin var frábær í dag. Var mikið í boltanum og það skapaðist alltaf hættur þegar hún var á boltanum. Agla skoraði eitt og lagði upp tvö í dag.
2. Birta Georgsdóttir (Breiðablik)
Birta annan leikinn í röð var frábær og öflug sóknarlega hjá Blikum í kvöld. Birta skoraði eitt og lagði upp fjórða mark Blika.
Atvikið
Markið sem kveikti á Blikum. Agla tók hornspyrnu frá hægri inn á teiginn og Heiða Ragney setti boltnan í netið eftir mikin darraðadans.
Hvað þýða úrslitin?
Breiðablik eru áfram á toppi deildarinnar og er liðið komið með 10.stig. Víkingar eru áfram í 6.sætinu með þrjú stig.
Vondur dagur
Sóknarleikur Víkinga - Voru að koma sér í fínar stöður en náðu ekki að klára þær með marki.
Dómarinn - 9
Brynjar Þór og hans teymi voru frábær í dag.