Þvílíkar lokamínútur! Sigurborg nær að verja víti og bjarga stigi fyrir Gestina. Lokatölur 1-1! Viðtöl koma inn seinna í kvöld. Takk fyrir samfylgdina!

Þvílíkur endir á leiknum!

Á síðustu sekúndum leiksins!!

Ná gestirnir að stela sigrinum?! Hættulegur bolti inn á teiginn en enginn nær til hans

Uppbótartími er 5 mínútur.

Jordyn Rhodes á skalla á mark en auðvelt fyrir Sigurborgu í markinu.

Þórdís á skot á mark en Tinna ver.

Jordyn Rhodes við það að sleppa í gegn en er dæmd rangstæð.

Fimm mínútur eftir af þessu. Fáum við sigurmark í þetta?!

Ísfold er löggst í grasið og þarfnast aðhlynningar. Vonandi ekkert alvarlegt.

Natasha á skot á mark innan úr teig gestanna. Skotið er fast en Sigurborg ver.

Boltinn dettur fyrir Önnu eftir hornspyrnu sem á hörkuskot sem fer rétt yfir markið.

Fanndís á hörkusprett upp allan völlinn, kemur sér inn á teig og lætur vaða. Skotið rétt framhjá fjærstönginni.

Fanndís að vinna aukaspyrnu fyrir Valskonur á hættulegum stað. Hún gerir sig líklega til að taka hana. Fanndís á skot sem fer beint á Sigurborgu í markinu.

Elísa gefur hán bolta fyrir en enginn rauð treyja nær til hans. Valur uppsker horn. Natasha á skalla í kjölfar hornsins sem fér rétt framhjá.

Freyja á skot á mark. Skýtur fyrir utan D-bogan. Auðvelt fyrir Tinnu í markinu.

Kolbrá fær boltann inn á teig gestanna og skýtur. Boltinn rétt yfir markið.

Valskonur sækja hratt. Jordyn Rhodes kemst næstum í skotfæri en gestirnir verjast vel.

Víkingur fær horn. Þórdís með góðan bolta inn á teiginn en Valur hreinsar.

Geggjuð fyrirgjöf inn á teig Valsara frá Þórdísi Hrönn. Bergdís með pláss inn á teignum og skallar á markið en boltinn tiltölulega beint á Tinnu sem ver.

Valur fær hornspyrnu sem Ragnheiður tekur. Fínn bolti inn á teiginn en Víkingur hreinsar.

Víkingur byrjar með boltann.

Hálfleikstölur 1-0 fyrir Val. Valur verið betri aðilinn en Víkingur ekki náð að skapa sér nein almennileg færi nema undir lok hálfleiksins. Fáum vonandi spennandi seinni 45! Tökum korterspásu og komum svo með seinni hálfeikinn.

Bergdís gerir vel inn á teig Valsara og á gott skot sem fer rétt yfir markið.

uppbótartími fyrri hálfleiks er að minnsta kosti tvær mínútur.

Skyndisókn hjá Valskonum. Fanndís með góða stungusendingu inn á Jordyn Rhodes sem gerir vel og kemur sér ein á móti markmanni. Skýtur en Sigurborg ver glæsilega í markinu.

Skyndisókn hjá gestunum. Freyja gefur boltann á fjær en þar er engin og sóknin fjarar út. Hefur gengið brösulega hjá Víkingum að skapa sér færi.

Vel unnin skyndisókn hjá Valskonum og kemst Ragnheiður í mjög þröngt færi. Hún skýtur og boltinn í fjærstöngina. Spurning hvort hún hafi ætlað að gefa hann fyrir þarna en boltinn allavega í innanverða stöngina.

Sigurborg liggur eftir samstuð og þarfnast aðhlynningar. Vonandi ekkert alvarlegt. Leikurinn hafinn á ný og Sigurborg heldur áfram.

Gestirnir fá horn sem Bergdís tekur en Valsarar bægja hættunni frá

Leikurinn aðeins jafnari um þessar mundir. Gestirnir að koma sér inn í þetta.

Víkingur að fá horn. Þórdís fleytir boltanum inn á teiginn en Valur skallar í annað horn. í þetta sinn ná Valskonur að hreinsa

Valur verið að ógna síðastliðnar mínútur. Jordyn Rhodes á skot innan úr teig sem fer rétt framhjá fjærstönginni.

Valur að fá annað horn. RÉTT YFIR Góður bolti inn á teiginn og Lillý Rut nær að skalla boltann. Boltinn í átt að marki en rétt yfir.

Ragnheiður keyrir inn á teiginn og neglir á markið. Boltinn tiltölulega beint á Sigurborg sem ver í horn. Smá darraðadans inn á teig gestanna í kjölfar hornsins en Víkingur hreinsar.

Leikurinn farið rólega af stað. Liðin skipst á að vera með boltann en enginn hættuleg færi litið dagsins ljós. Valskonur átt tvö skot en hvorugt þeirra ratað á markið.

Ragnheiður Þórunn með fínan sprett upp hægri kantinn, snýr inn á völlinn og lætur vaða. Boltinn vel framhjá.

Anna Rakel fær boltann rétt fyrir utan teig og skýtur í átt að marki Víkings. Þéttingsfast skot meðfram jörðinni en boltinn framhjá.

Gestirnir að vinna aukaspyrnu. Fínasta tækifæri til að koma boltanum inn á teiginn. Emma Steinsen gefur hann fyrir en Valskonur hreinsa

Valskonur byrja með boltann.

Gestirnir að vinna aukaspyrnu á hættulegum stað. Gott tækifæri til að koma boltanum inn á teiginn. Bergdís lyftir boltanum inn á teiginn en Áslaug á lausan skalla sem endar í höndunum hjá Tinnu.

Liðin ganga inn á völlinn. Styttist óðfluga í upphafsparkið.

Valskonur hafa hikstað aðeins í upphafi móts en eru engu að síður taldar líklegri til sigurs hér í dag samkvæmt stuðlunum á Epic. Stuðullinn á sigur Vals er 1.33 á meðan stuðullinn á sigur Víkings er 8,00.

10°C, skýjað og gola á Hlíðarenda eins og er. Byrjunarliðin eru komin í hús og má sjá hér til hliðar!

Guðrún Karítas Sigurðardóttir, sóknarmaður Fylkis, er spákona umferðarinnar. Hún spáir Valskonum sigur hér í kvöld. Valur 2 - 1 Víkingur Tvö lið sem hafa ekki náð sínu besta fram að þessu mætast í jafnri viðureign. Valur vinnur nauman sigur þar sem Fanndís Friðriksdóttir skorar fyrir Val og Linda Líf skorar fyrir Víking. Ég finn síðan á mér að Elín Metta muni skora sitt fyrsta mark eftir barnsburð og tryggja þeim þrjú stigin.

Þorfinnur Gústaf Þorfinnsson er aðaldómari hér í kvöld og honum til halds og trausts eru þeir Magnús Garðarsson og Tryggvi Elías Hermannsson. Eftirlitsmaður KSÍ er Kristján Halldórsson og Varadómari er Róbert Þór Guðmundsson.

Svona lítur deildin út nú þegar sex umferðum er lokið. Breiðablik - 16 stig Þróttur R. - 16 stig FH - 13 stig Þór/KA - 12 stig Stjarnan - 9 stig Valur - 7 stig Tindastóll - 6 stig Fram - 6 stig Víkingur R. - 3 stig FHL - 0 stig

Víkingur hefur átt slaka byrjun á mótinu en liðið situr í 9. Sæti deildarinnar með einungis einn sigur eftir sex leiki. Víkingur tók á móti Tindastól í síðustu umferð en þar enduðu leikar 4-1 Tindastól í vil. Víkingi var fyrir tímabilið spáð 3. sætinu, en augljóst er að eitthvað er ekki að ganga upp í Fossvoginum. John Andrews, þjálfari Víkings var spurður út í gengi liðsins eftir síðasta leik og sagði þá: „Við áttum von á því að vera með tíu til tólf stig á þessum tímapunkti enda erum við með þannig leikmannahóp. Hlutirnir eru ekki að falla með okkur og við þurfum að breyta því og við munum gera það." Það má því búast við hörkuleik hér í kvöld þar sem bæði lið þurfa á sigri að halda til þess koma sér í gang

Valskonur hafa verið í brasi upp á síðkastið en liðið hefur tapað síðustu þremur leikjum. Valur situr eins og er í 6. sæti deildarinnar með sjö stig eftir sex umferðir. Valur mætti toppliði Breiðabliks í síðustu umferð. Þar rúlluðu Blikar yfir Valsara og unnu öruggann 4-0 sigur.

Komið þið sæl og verið hjartanlega velkomin í þráðbeina textalýsingu á viðureign Vals og Víkings í Bestu deild kvenna. Leikurinn fer fram á Hlíðarenda og hefst klukkan 18:00.