Fagmannlegur sigur heimamanna staðreynd. Kláruðu dæmið í fyrri hálfleik.

Viðtöl og skýrsla væntanleg.

Það er ekki mikið í gangi.

Hræddur um að úrslit þessa leiks sé löngu ráðin. Finnst eins og það sé líka tilfininginn inni á vellinum.

Adam Ægir skorar lagleg mark eftir góða sendingu frá Sigurði Agli en flaggað af!

Patrick Pedersen sennilega flaggaður fyrir að vera í sjónlínu markvarðar því ekki var Adam Ægir rangur.

Patrick Pedersen í góðu færi en stöngin bjargar Eyjamönnum.

Jónatan Ingi og Patrick Pedersen að spila sín á milli en Eyjamenn ná að vera fyrir þeim. Boltinn fellur svo fyrir Lúkas Loga sem lætur vaða beint í hausinn á Alex Freyr sem steinlá eftir.

Alex Freyr með tilraun sem fer í varnarmann og reynir svo tækla sig í annað færi en dæmdur brotlegur.

Valsmenn eru að komast oft í ákjósanlegar stöður en ná ekki að klára sóknirnar með skoti á markið.

Mistök í öftustu línu ÍBV og Patrick Pedersen er einn á Marcel Zapytowski og er undan í boltann þegar hann fellur svo við í teignum.

Sigurður Hjörtur dæmir ekkert nema horn þó Valsmenn hefðu viljað meira. Eyjamenn heppnir þarna.

Eyjamenn sparka þessu af stað aftur.

Engu bætt við og Valsmenn leiða sannfærandi með þremur mörkum í hálfleik.

Eftir að Valur komst yfir hefur þetta ekki verið mikil spenna en vonandi breytist það í seinni.

Patrick Pedersen í góðu færi en aldrei þess vant þá bregst bogalistinn.

Jónatan Ingi verið líflegur hérna í upphafi leiks.

Lúkas Logi með flotta tæklingu hátt á vellinum og vinnur boltann. Á svo fínustu sendingu fyrir markið sem Eyjamenn skalla í horn.

Eyjamenn reyna hættulega sendingu inn á teig en Valsmenn koma þessu frá.

Jónatan Ingi keyrir inn á teig og vinnur hornspyrnu.

Þorlákur Breki Baxter með tilraun rétt framhjá markinu.

Patrick Pedersen í fínu færi en varið af Marcel.

Eyjamenn eru í 4-4-2 sýnist mér.

Zapytowski
Arnór Ingi-Jovan Mitrovic-Mattias Edeland-Felix Örn
Arnar Breki-Milan Tomic-Nökkvi Már-Hermann Þór
Bjarki Björn-Þorlákur Breki Baxter

Valsmenn stilla upp í 4-3-3 sýnist mér.

Scharm
Birkir Heimis - Nakkim - Hólmar Örn - Bjarni Mark
Aron Jó
Orri Hrafn - Lúkas Logi
Jónatan Ingi - Patrick Pedersen - Tryggvi Hrafn

Sé ekki betur en að Jovan Mitrovic sé í byrjunarliði ÍBV og að Sigurður Arnar Magnússon sé ekki inni á vellinum. Bjarki Björn með bandið hjá Eyjamönnum.

Valsmenn eiga upphafssparkið.

Þorlákur Breki Baxter spilar sem fremsti maður hjá ÍBV í dag. Þjálfari Eyjamanna tilkynnti þetta í viðtali við Stöð 2 Sport fyrir leikinn. Breki Baxter hefur verið að spila á miðjunni en nú þegar Omar Sowe og Oliver eru meiddir þá leikur hann fremstur. "Það eru mörk í honum," sagði Þorlákur Árnason.

Kristinn Freyr Sigurðsson er meðal varamanna hjá Val. Hann er að koma til baka eftir meiðsli en hann hefur ekki spilað neitt í þessum mánuði.

Fljúga Valsmenn vængjum þöndum eða koma Eyjamenn fagnandi. Samkvæmt stuðlunum hjá Epic eru yfirgnæfandi líkur á því að Valsmenn fljúgi og fari með sigur af hólmi hér í dag en stuðullinn á þá er 1,44. Stuðullinn á að Eyjamenn komi og fara fagnandi er 5,60.

Túfa gerir tvær breytingar á Valsliðinu frá síðasta leik. Bjarni Mark Antonsson og Orri Hrafn Kjartansson koma inn fyrir Orra Sigurð Ómarsson og Marius Lundemo.

Þorlákur Árnason gerir þá einnig tvær breytingar á Eyjaliðinu frá síðata leik en inn koma Nökkvi Már Nökkvason og Arnar Breki Gunnarsson fyrir Oliver Heiðarsson og Sverri Pál Hjaltesed. Eyjamenn urðu fyrir áfalli í vikunni þegar ljóst var að Omar Sowe spilar ekki meira á tímabilinu vegna meiðsla og Oliver missir af mörgum leikjum.

Strákarnir í Innkastinu eru áhyggjufullir fyrir hönd Eyjamanna en þeir misstu tvo lykilpósta í það sem virðist vera langtímameiðsli.



Þorlákur Árnason, þjálfari ÍBV, staðfesti tíðindin í samtali við Fótbolta.net í gærkvöldi að ÍBV hefur orðið fyrir miklu áfalli því Omar Sowe, framherji liðsins, er með slitið krossband og spilar ekki meira á tímabilinu. Ofan á þau slæmu tíðindi er Oliver Heiðarsson, besti leikmaður liðsins á síðasta tímabili, meiddur á hné og verður frá næstu vikurnar og jafnvel mánuðina.

Tölfræðin segir allt sem segja þarf
Oliver og Omar eru algjörir lykilmenn hjá ÍBV, bestu sóknarmenn liðsins. Þurfið þið að breyta upplegginu ykkar eitthvað?

„Tölfræðin er þannig að þetta eru leikmenn sem hafa komið að tíu af fjórtán mörkum liðsins. Það segir allt sem segja þarf. Við þurfum aðeins að hnikra til og aðlaga okkur að þessu. Það eru mikil tækifæri núna fyrir þá sem hafa verið að spila minna, við þurfum aðeins að færa til. Þetta er auðvitað stór biti og menn taka út áfall með þessum leikmönnum, þetta er áfall fyrir liðið. Á endanum þarft þú sem þjálfari að finna lausnir, og leikmennirnir sjálfir."

Allir þurfa að stíga upp
Hvernig leggst leikurinn gegn Val í þig?

„Bara vel, eins og allir leikir í þessari deild. Það er svo lítill munur á liðunum og við vitum að Valsmenn eru með gríðarlega sterkt lið, sýndu það á móti Breiðabliki þó að þeir hafi tapað leiknum. Þeir eru gríðarlega vel mannaðir og með ofboðslega sterkt lið. Ef þú passar þig ekki þá geta þeir rassskellt þig, eins og Skagamenn lentu í."

„Að sama skapi höfum við staðið okkur gríðarlega vel, unnið tvo erfiða leiki í bikar og tvo leiki í deildinni. Ég er gríðarlega stoltur af því sem við erum búnir að gera. Núna þurfum við að bregðast við þessum tíðindum og hver og einn maður þarf að stíga upp og fylla í þessi skörð. Við gerum það bara innan frá, ekki með einhverju utanaðkomandi, segir Láki. ÍBV er í 9. sæti Bestu deildarinnar með átta stig.

Íþróttafréttamaðurinn Aron Guðmundsson spáir í leikina að þessu sinni.

Valur 1–0 ÍBV
Hart barist í þessum leik og hann verður bráðfjörugur þrátt fyrir að aðeins eitt mark verði skorað. Það mark skora heimamenn, verður alvöru framherja mark frá Patrick Pedersen sem ætlar sér gullskóinn. Miðað við að þetta verða úrslitin þá telst mér til að það verði í fyrsta sinn frá 6.júlí á síðasta ári sem að Valur heldur hreinu í Bestu deildinni. Rós í hnappagat Valsmanna að halda Omar Sowe og Oliver Heiðarssyni, ef þeir spila, í skefjum, ekki mörgum sem hefur tekist það á tímabilinu.

Valsmenn hafa farið hægt af stað í Bestu deildinni og margir sem hafa búist við meira frá þeim. Þeir sitja í 8.sæti deildarinnar með 9 stig sem er langt frá væntingum uppi á Hlíðarenda.
Valsmenn sjá þó tækifæri á að spyrna sér upp í efri hluta hér í dag gegn lemstruðu liði Eyjamanna.

ÍBV hafa farið þokkalega af stað í Bestu. Hafa hikstað örlítið í síðustu þremur leikjum og eru í 9.sætinu með 8 stig eftir sjö umferðir. Eyjamenn gerðu markalaust jafntefli við KA í síðustu umferð og tapaði tveimur leikjum þar á undan svo þeir vonast til þess að komast aftur á sigurbraut hér í dag.



Eyjamenn hafa verið óheppnir með meiðsli en það varð ljóst í vikunni að Omar Sowe og Oliver Heiðarsson verða ekki með Eyjamönnum næstu vikurnar.

Einn leikur fór fram í gærkvöldi þar sem KR tók á móti Fram á Avis vellinum í Laugardal. Þar fóru Fram með sterkan 3-2 sigur. Annars hafa öll önnur lið leikið sjö leiki og lítur taflan svona út fyrir leiki dagsins:

1.Breiðablik - 16 stig
2.Víkingur R. - 14 stig
3.Vestri - 13 stig
4.Fram - 12 stig (8 leikir)
5.KR - 10 stig (8 leikir)
6.Stjarnan - 10 stig
7.Afturelding - 10 stig
8.Valur - 9 stig
9.ÍBV -8 stig'
10.FH - 7 stig
11.ÍA - 6 stig
12.KA - 5 stig

Sigurður Hjörtur Þrastarson heldur utan um flautuna hér í dag og honum til aðstoðar verða Eysteinn Hrafnkelsson og Bergur Daði Ágústsson.
Jóhann Ingi Jónsson er varadómari og eftirlitsmaður KSÍ er Einar Örn Daníelsson.

Verið hjartanlega velkomin í þráðbeina textalýsingu frá N1 vellinum Hlíðarenda þar sem heimamenn í Val taka á móti ÍBV í áttundu umferð Bestu deild karla.