SKÝRSLAN: Dramatískur Völsungssigur
Hvað réði úrslitum?
Hugarfar heimamanna. Það hefði verið auðvelt fyrir Völsunga að brotna við jöfnunarmark Fjölnis en það gerðu þeir ekki heldur bitu í skjaldarrendur og sóttu sigurmarkið.
Bestu leikmenn
1. Elfar Árni Aðalsteinsson
Þvílíkur leikur hjá Elfari. Var allt í öllu í sóknarleik Völsungs og fékk víti, skoraði úr víti og skoraði sigurmark í uppbótartíma.
2. Arnar Pálmi Kristjánsson
Fyrirliði Völsungs átti mjög góðan leik eins og alltaf. Var eins og rennilás upp og niður vinstri vænginn.
Atvikið
Sigurmark Elfars. Gömlu kallarnir unnu frábærlega saman, Steinþór með góða fyrirgjöf og góð afgreiðsla Elfars.
Hvað þýða úrslitin?
Völsungar eru komnir með 6 stig eftir tvo sigurleiki í röð og fara upp í 6. sæti.
Fjölnir eru enn án sigurs og eru í 11. sæti deildarinnar með 2 stig.
Vondur dagur
Varnarlína Fjölnis átti erfiðan dag í dag. Áttu í stanslausum vandræðum með sóknarmenn Völsungs í allan dag og það var ekki þeim að þakka að Völsungur skoraði ekki fleiri mörk.
Dómarinn - 6
Erfiður leikur að dæma við frekar erfiðar aðstæður.