Völsungar klára þetta á hádramatískan hátt. Þessi sigur var engu að síður algerlega verðskuldaður.

Arnar Pálmi á frábæra fyrirgjöf á Elfar Árna sem skallar rétt yfir!

Fjölnir fær aukaspyrnu á stórhættulegum stað ekkert kemur úr henni.

Völsungar sækja og sækja og eftir hornspyrnu vilja þeir fá víti þegar Jakob Héðinn virtist rifinn niður í teignum en ekkert dæmt.

Aftur eru Völsungar nálægt því að bæta við. Rafnar Máni fær tvö færi á sömu mínútunni. Fyrst skallar hann yfir og neglir svo í hliðarnetið. Ótrúlegt að Völsungur séu bara einu marki yfir.

Jakob Héðinn sleppur einn í gegn en Snorri í marki Fjölnis ver frábærlega!

Fjölnismenn eru farnir að færa sig uppá skaftið og farnir að setja aðeins pressu á Völsunga. Sem að á móti hefur opnað þá aðeins til baka og eru Völsungur ennþá líklegri að bæta við en Fjölnir að jafna.

Rafnar Máni neglir að marki fyrir utan teig og boltinn fer af varnarmanni og í stöngina. Völsungar fá horn sem endar með skoti Elvars Baldvinssonar en Snorri í marki Fjölnis ver vel.

Arnar Pálmi fyrirliði Völsungs á frábæra fyrirgjöf sem Jakob Héðinn setur í hliðarnetið.

Völsungar byrja seinni hálfleikinn af sama krafti og halda áfram að setja pressu á Fjölnismenn.

Seinni hálfleikur er hafinn.

Völsungar eru marki yfir í hálfleik en eru sennilega ósáttir að vera ekki fleiri mörkum yfir.

Hvernig slapp Reynir þarna? Reynir tæklar Elfar Árna mjög illa á miðjum vellinum og sleppur einhvern veginn við spjald. Þetta var jafnvel nær því að vera rautt en gult.

Fjölnir fá hornspyrnu undir lok fyrri hálfleiks sem ekkert kemur uppúr.

Hrint í bakið á Elfari

Arnar Pálmi tekur aukaspyrnuna og setur hann í utanverða stöngina. Svo nálægt því að koma Völsungi yfir!

Nú eru það Völsungar sem sækja og endar sóknin með að Arnar Pálmi fyrirliði lætur vaða fyrir utan teig en yfir svífur boltinn.

Fjölnir sækja og Kristófer Dagur á þrumuskot fyrir utan teig sem Ívar í marki Völsungs ver vel.

Fjölnismenn eru að vakna til lífsins og fá tvær hornspyrnur í röð án þess þó að ná að skapa sér færi.

Aðalsteinn Jóhann þjálfari Völsungs er brjálaður við dómarana og hellir sér yfir línuvörðinn.

Hvernig var þetta ekki víti? Völsungar með frábæra sókn og Rafnar Máni er kominn einn gegn markmanni og virðist vera nelgdur niður en dómarinn dæmir hornspyrnu sem ekkert kemur uppúr. Virtist vera klárt víti frá mér séð.

Völsungar byrja vel og eftir fínt samspil kemur góð fyrirgjöf inní teig sem Elfar Árni skallar í stöngina.

Leikurinn er hafinn.

Frábærar aðstæður á Húsavík í dag. Ótrúlegt en satt er ekki sól og blíða en það er logn og um 8 gráðu hiti. Það ringdi fyrri part dags þannig að grasið er rennandi blautt sem að vonandi eykur skemmtanagildi leiksins.

Aðalsteinn gerir tvær breytingar á liði Völsungs, Inigo Albizuri og Bjarki Baldvinsson koma inn fyrir Steinþór Frey Þorsteinsson og Davíð Örn Aðalsteinsson.

Gunnar Már þjálfari Fjölnis stillir upp óbreyttu liði frá jafnteflinu við Fylki í síðasta leik.

Byrjunarliðin eru komin inn og datt Fjölnisliðið strax inn á heimasíðu KSÍ klukkutíma fyrir leik. Það var hins vegar rúmlega tíu mínútna bið á liði Völsungs og það sem við heyrum er að stjórnarmaður hafi gleymt að ýta á enter og þvi hafi upplýsingarnar ekki skilað sér strax.

Leikurinn í dag er fyrsti heimaleikur Völsungs í deildinni. Verið er að skipta um gervigras á aðalvellinum og verður því spilað á neðri vellinum í dag - grasvellinum.

Eftir leikina þrjá er Völsungur með þrjú stig og Fjölnir tvö stig. Völsungur vann í síðustu umferð dramatískan endurkomusigur á Selfossi - annað árið í röð. Fjölnir gerði jafntefli við Fylki í síðustu umfeð þar sem Fylkir jafnaði á 80. mínútu

Fjölnir hefur skorað fimm mörk í leikjunum þremur og fengið á sig sjö. Völsungur hefur skorað þrjú mörk og fengið á sig sjö.

Bergvin Fannar Gunnarsson er með flautuna í dag og honum til aðstoðar eru þeir Jovan Subic og Arnór Bjarki Hjaltalín. Magnús Sigurður Sigurólason er eftirlitsmaður KSÍ.
Jovan Subic er AD1

Sparkspekingurinn Hrafnkell Freyr Ágústsson rýndi í kristalskúluna fyrir umferðina. Hann spáir heimasigri.

Völsungur 2 - 1 Fjölnir
Völlararnir fylgja eftir góðum sigri í síðustu umferð. Elfar Árni með tvennu og Reynir Haralds gerir mark Fjölnis af 40 metrum, beint í vinkilinn.

Góðan daginn lesendur góðir og veriði velkomnir í beina textalýsingu frá leik Völsungs og Fjölnis í fjórðu umferð Lengjudeildarinnar. Leikurinn hefst klukkan 16:00 og fer fram á PCC vellinum á Húsavík.

Einn annar leikur fer fram í Lengjudeildinni í dag en Grindavík tekur á móti Þór á sama tíma.