SKÝRSLAN: Stigin þrjú til Víkinga eftir leiðinlegan leik
Hvað réði úrslitum?
Víkingar fengu víti og skoruðu úr því. Þeir gerðu líka mögulega ögn meira sóknarlega. Voru ögn meira með boltann og áttu fleiri tilraunir en það er þó varla þannig að það taki því að minnast á það. Staðreyndin er bara sú að þetta var gæðalítill og hreinlega leiðinlegur leikur áhorfs.
Bestu leikmenn
1. Oliver Ekroth
Át flest allt sem Vestri bauð upp á framarlega á vellinum. Svo sem ekkert meira um það að segja.
2. Fatai Gbadamosi
Rosaleg vinnsla á miðjunni og frábær með boltann í fótunum. Þegar hann sendi hann frá sér gerðist samt lítið.
Atvikið
Þau eru í raun tvö. Vítaspyrnudómurinn og vítið sem tryggði Víkingum sigurinn. Svo er það kolröng rangstaða sem dæmd var á Vestra í fyrri hálfleik. Ekki það að í því augnabliki voru Víkingar fyrstir á boltann svo sem og coverið gott en bara svo augljóst klikk hjá AD 1 að ég gat ekki annað en minnst á það í tíðindalitlum leik,
Hvað þýða úrslitin?
Víkingar fara í 20 stig og ná smá forskoti á toppi deildarinnar. Vestri áfram með 16 stig og sitja í 2.sæti deildarinnar.
Vondur dagur
Einn betri leikmaður Vestra til þessa að mínu mati brýtur af sér í teignum og víti dæmt. Úr spyrnunni kemur eina mark leiksins og Anton Krajl er örugglega brjálaður út í sjálfan sig.
Dómarinn - 6
Vítadómurinn réttur og það er stóra atriðið. Stundum fannst mér Sigurður detta úr takti við leikinn og sleppa augljósum brotum í báðar áttir og dæma á eitthvað sem var ekki neitt. Aðstoðardómarinn klikkar svo illa einu sinni á rangstöðu. Sleppur en ekki mikið meira en það að mínu mati.