SKÝRSLAN: Öruggur sigur Þróttar í Laugardalnum
Hvað réði úrslitum?
Gæði Þróttar sóknarlega voru einfaldlega of mikil. Þeir sundurspiluðu Völsung og úrslitin eftir því.
Bestu leikmenn
1. Aron Snær Ingason
Besti maður vallarins með nokkrum yfirburðum. Skorar og leggur upp. Hann fór ansi illa oft með vörn Völsungs.
2. Liam Daði Jeffs
Skorar í dag og er alltaf iðinn við kolann. Gestirnir réðu ekkert við hann.
Atvikið
Fjórða mark varamannsins Viktors Andra. Algerlega frábært mark.
Hvað þýða úrslitin?
Úrslitin þýða að Þróttarar eru komnir í efsta sætið sem stendur en heil umferð er enn þá eftir í Lengjudeildinni. Völsungur situr í 6. sæti en, eins og fyrr segir, þá hafa þeir spilað einum fleiri leik en hin liðin.
Vondur dagur
Varnarlína Völsungs. Heimamenn áttu í engum vandræðum með að brjóta niður vörnina og.voru allt of oft hættulegir sóknarmenn Þróttar einir og ótruflaðir inni í teig.
Dómarinn - 8
ÞÞÞ leysti þetta verkefni bara nokkuð vel.