Ingimar fellur við eftir tæklingu, virtist vera víti úr stúkunni en ekkert dæmt. Frábær sprettur og flott stungusending frá Dagbjarti. Sýndist Ismael eiga tæklinguna.

Arnar Pálmi með enn einn gullboltann, Jakob nær ekki til hans en heimamenn fá horn.

Þórsarar í fínu færi og fá svo horn, endalaust af færum í þessum leik.

Dagbjartur Búi í hörkufæri en skotið í varnarmann. Balde á svo skot sem fer beint á Ívar.

Aron Birkir heldur um lærið eftir að hafa handsamað boltann og þarf aðhlynningu.

Völsungar að reyna að minnka muninn, held það sé eitt mark ennþá í þessu.

Heimamenn fá tvö horn í röð.

Rafnar með skot sem fer í Hermann og mér sýnist það svo vera Jakob sem mokar frákastinu yfir.

Rafnar með skot sem fer af varnarmanni og afturfyrir, horn.

Balde með frábæra sendingu inn fyrir en afgreiðslan hjá Ingimar afleit og skotið framhjá.

Atli Þór sleppur strax í gegn en Albi gerir mjög vel og hleypur hann uppi, kemur í veg fyrir dauðafæri.

Jakob Héðinn ætlar að skalla boltann en Greko hreinsar í burtu, þarna fannst mér vera hægt að dæma hættuspark inn á vítateig Þórs! Það voru svo fleiri köll nokkrum sekúndum seinna.

Einar Freyr kemst í boltann eftir fyrirgjöf frá Rafael, leikur sér með boltann og á svo skot með vinstri sem Ívar ver.

Eftir nokkrar mínútur af doða á Völsungur góða sókn sem endar með skoti frá Rafnari sem Ýmir nær að komast fyrir.

Völsungur fær horn en gestirnir verjast því.

Þetta mark Þórsara drap alla stemningu.

Arnar Pálmi með flottan bolta sem Elmar Örn Guðmundsson skallar en Aron Birkir ver.

Sigfús Fannar í dauðafæri eftir flottan sprett og sendingu þar á undan frá Einari, skotið yfir.

Engar sjáanlegar breytingar.

Þórsarar heilt yfir betra liðið og verðskulda að leiða.

Elvar tekur Rafael niður rétt við vítateig Völsungs, gott færi fyrir Þórsara.

Sigfús Fannar með tilraun vinstra megin úr teignum sem fer yfir, fínasta færi.

Frábært spil hjá Völsungi en Jakob Héðinn Róbertsson klaufi að vera rangstæður. Þetta var tæpt.

Arnar Pálmi með flottan bolta inn á Elfar sem fær smá snertingu í bakið frá Affi og skallar yfir.

Greko með stungusendingu inn á Rafael sem lætur boltann skoppa og á svo tilraun sem fer hátt yfir mark heimamanna.

Balde með skalla yfir eftir hornið.

Rafael með skot sem Ívar gerir mjög vel að verja yfir.

Í aðdragandanum er togað í Sigfús inn á teignum, hann stendur það af sér og fær ekkert fyrir það.

Góð sókn hjá Völsungum sem eru hársbreidd frá því að komast í alvöru færi.

Bjarki rennir sér og tekur niður Balde en Siggi dæmir ekkert. Nafni dómarans í boðvangi Þórsara fer niður á hnén, trúir þessu ekki.

Juan Guardia í mjög góðri stöðu eftir sendingu frá Kristófer en móttakan er þung og boltinn í hendur Ívars sem kom út á móti.

Ýmir finnur Greko inn á teignum en Daninn þarf að teygja sig í boltann sem endar hjá Ívari í markinu.

Balde liggur kvalinn eftir alvöru návígi milli hans og Albi. Balde fær aðhlynningu og Albi tékkar á honum.

Sigfús Fannar með skot vinstra megin úr vítateig Völsungs sem Ívar ver og boltinn er svo hreinsaður í burtu.

Völsungar eru allavega vaknaðir eftir hæga byrjun. Fá núna aukaspyrnu á álitlegum stað.

Bjarki Baldvins fer niður og mér fannst þetta vera réttur dómur.

Sigfús með skot rétt fyrir utan teig Völsungs sem fer vel yfir, fínasti séns eftir sendingu frá Einari.

Sigfús með lofandi fyrirgjöf en Ívar stígur út og kemur í veg fyrir dauðafæri hjá Rafael. Þórsarar mun betri hér í byrjun leiks.

Einar með fyrirgjöf, boltinn fer af Elfari Árna og Þór fær horn.

Greko fær fínt færi eftir hornið en hittir boltann illa. Annað horn niðurstaðan.

Sigfús Fannar vinnur aukaspyrnu alveg við vítateig Völsungs, vinstra megin.

Xabier Cardenas Anorga kemur inn fyrir Sergio Parla Garcia sem byrjar á bekknum.

Ibrahima Balde kemur inn fyrir Orra sem er í leikbanni.

Fyrri leikur þessara liða átta að vera spilaður á Húsavík en vegna veðurs var leikurinn færður í Bogann og liðin víxluðu á heimaleikjum.

   03.06.2025 15:06

Húsavíkurvöllur óleikfær - Spilað í Boganum á morgun

Orri Sigurjónsson er sá eini hjá þessum liðum sem tekur út leikbann í dag.

Það er Sigurður Hjörtur Þrastarson sem dæmir þennan nágrannaslag.

Honum til aðstoðar verða þeir Patrik Freyr Guðmundsson og Kári Mímisson. Bragi Bergmann er eftirlitsmaður KSÍ.
Siggi Þrastar og Patrik verða á PCC vellinum í kvöld.

Þór situr í 3. sæti deildarinnar með 30 stig, fjórum stigum frá toppnum þegar sex umferðir eru eftir. Völsungur situr í 7. sæti með ellefu stigum minna og átta stigum frá fallsæti.

Fyrri leikur liðanna endaði með 1:3 sigri Völsungs í Boganum.

Völsungur hefur fengið fimm stig út úr síðustu þremur leikjum, gerði síðast 2-2 jafntefli gegn Þrótti.

Þór hefur fengið 13 stig út úr síðustu fimm leikjum. Liðið vann síðast 1-2 sigur á Fylki.

Formaður kennarasambandsins, Magnús Þór Jónsson, er spámaður umferðarinnar. Hann spáir útisigri á Húsavík.

Völsungur 1 - 2 Þór (18:00 í kvöld)
Norðurlandsslagur tveggja liða sem spila með hjartanu. Það hefur glatt norðlendingsanga hjartans að sjá Völsungana í sumar, var svo sannarlega á því að þeim myndi reynast sumarið erfitt en menn í grænu hafa verið ótrúlega samstilltir og þjálfarinn veit nákvæmlega hvað hann vill gera. Þórsararnir hafa verið á siglingu, hjónabandið þeirra við Sigga Höskulds var alltaf að fara að virka, DNA-ið það sama, berjast og deyja fyrir klúbbinn er eitthvað sem er alvöru vörumerki þeirra hvítrauðu úr Þorpinu og eiginleikarnir sem Siggi kallar eftir, vinnusemi og ákefð eru alltaf að verða ljósari. Viðurkenni það hér með að draumur minn væri að Þór og ÍR færu saman upp úr þessari deild og til að svo megi verða þurfa Þórsarar að vinna þennan naglbít!

Góðan daginn lesendur kærir og veriði velkomnir í beina textalýsingu frá leik Völsungs og Þórs í 17. umferð Lengjudeildarinnar. Leikurinn hefst klukkan 18:00 og fer fram á PCC vellinum á Húsavík.