Húsavíkurvöllur óleikfær - Spilað í Boganum á morgun

Þór og Völsungur áttu að mætast á PCC vellinum á Húsavík annað kvöld en sá leikur hefur verið færður í Bogann á Akureyri.

Félögin komust að samkomulagi um víxlun á heimaleikjum og mun því seinni viðureign liðanna í Lengjudeildinni fara fram á Húsavík.

Veðurspáin fyrir morgundaginn er ekki frábær og þá eru framkvæmdir í gangi við völlinn á Húsavík, verið er að leggja nýtt gervigras og grasvöllurinn ekki í ákjósanlegu standi fyrir morgundaginn.