SKÝRSLAN: Flautumark í Boganum!!!
Hvað réði úrslitum?
Bæði lið börðust ótrúlega vel og allt virtist stefna í nokkuð sanngjarnt fyrsta jafntefli þessara liða í deildinni. Þangað til síðustu spyrnu leiksins þegar Murielle smyr boltanum í fjær og Fram sækir öll 3 stiginn á Akureyri.
Bestu leikmenn
1. Murielle Tiernan
Ég verð bara að gefa henni þetta, var á fullu í framlínunni og það borgaði sig með sigurmarki sem var í hæsta gæðaflokki!
2. Ashley Brown Orkus
Það er ekkert grín að vera mætt nánast korter í leik með nýju liði og hún var ekkert smá örugg í sýnum aðgerðum. Fær á sig eitt mark sem er ekkert við hana að saka en vörn Fram og hún voru flott á erfiðum útivelli.
Atvikið
SIGURMARKIÐ! BARA WOW!! Þór/KA voru líklegri síðustu mínútur leiksins en Fram fengu eitt færi í lokinn og kláruðu það virkilega snyrtilega með frábæru flautumarki frá Murielle.
Hvað þýða úrslitin?
Fram liðið nær loksins að binda enda á taphrinuna með kröftugum sigri og fara upp í 7.sæti með 18 stig, aðeins einu stigi frá Stjörnunni sem er í 6.sæti og efri hluta.
Þór/KA þarf að bíta í það súra epli að fá ekkert úr þessum leik en halda sér þó í 5.sæti.
Vondur dagur
Heimakonur geta ekki annað en verið pirraðar að fá engin stig úr þessum leik. Spiluðu flottan bolta en vantaði uppá að klára færi sem þau fengu nóg af. Hefðu getað slitið sig svolítið frá neðri hlutanum en ná því ekki og því ágætis spenna hjá liðunum í baráttuni um efri og neðri hlut.
Dómarinn - 6
Að öllu leiti fín dómgæsla en spjaldið á Emmu Kate var athyglisvert, fannst hún einfaldlega eiga geggjaða tæklingu en hann dæmir á hana og Þór/KA vildu þá fá rautt því þeirra leikmaður var nánast sloppin í gegn.