Sturlaður fótboltaleikur sem hafði allt. Endar með sigri Víkings Ólafsvíkur í vítaspyrnukeppni! Sauðakrókur vs Ólafsvík í final!

Þetta lýsir leiknum bara, við förum aldrei heim!

Spurning hvort Jón hafi snert boltann á leiðinni.

Já ég skal segja ykkur það. Andrúmsloftið er rosalegt á Vivaldi og við erum á leið í vítaspyrnukeppni!

Valdimar fær boltann aleinn inn á teignum og tekur skotið sem fer yfir.

Bjöggi Stef sleppur einn í gegn og klárar stórglæsilega í markið með léttri vippu en þá var flaggið komið á loft.

Grímur Ingi labbar bara framhjá öllum varnarmönnum Ólsara inn á teignum í þröngri stöðu og er kominn alveg upp við markið þegar hann tekur skotið í stöngina. Hvernig er Grímur ekki búinn að skora þessar seinustu mínútur?!

Slök spyrna sem Ólsarar verjast þægilega.

Valdimar fær boltann inn á teignum og rúllar boltann til hliðar á Grím sem er aleinn á auðum sjó í vítateig Ólsara. Hann tekur á móti boltanum og tekur skotið sem fer framhjá. Lang besta færið sem fer forgörðum!

Ingó Sig sendir Ingvar í gegn. Hann reynir skotið úr þröngu færi sem Alexander ver örugglega.

Ólsarar heilt yfir betri þessar upphafsmínútur í seinni hálfleik framlengingarinnar.

Nóg um færi fyrir bæði lið þótt að Grótta hafi átt betri færi heilt yfir.

Alvöru stórsókn hérna sem endar með að varnarmaður Víkinga skallar boltann rétt yfir markið í horn. Valdimar tekur sýnist mer hornið og fær hann aftur. Hann tekur síðan skotið sem smellur í stönginni. Örfáum augnablikum seinna sleppur Andri Freyr í gegn en Jón ver frábærlega frá honum. Stórkostlegar mínútur sem Grótta náði á einhvern hátt ekki að nýta sér!

Luke Williams með aukaspyrnu fyrir utan teiginn sem fer í gegnum vegginn og þaðan í hendur Alexanders. Ólsarar vilja hendi víti en fá ekki, réttilega bara sýndist mér.

Valdimar fær boltann frá Bjögga inn á teignum og reynir skotið sem fer yfir. Þetta átti Valdimar að nýta betur!

Grótta fær hornspyrnu undir lokin en Elli flautar af og heimamenn ekki sáttir!

Skalli sem ég sé ekki hver á sem fer framhjá!!

Hornspyrna Gróttu sem kemur inn á teiginn og Dagur nær að skalla boltann að markinu. Það myndast mikið klafs inn á teignum áður en Jón handsamar boltann og fær aukaspyrnu.

Víkingur Ólafsvík er mikið líklegri að bæta við mörkum en Grótta að jafna. Svo er stemningin öll þeirra meginn.

Luis kemur með frábæran bolta inn á teiginn þar sem Björn Henry er mættur. Hann nær að koma boltanum á markið af stuttu færi en Alexander nær einhvernveginn að verja þetta og heldur Gróttu á lífi!

Barátta inn á teignum sem endar með því að einn Ólsarinn dettur niður í teignum og Ólsarar vilja víti en fá ekkert.

Ingvar Freyr fær boltann inn á teignum eftir góða sókn Víkinga. Hann tekur skotið í fyrsta sem fer rétt framhjá. Þarna hefði hann getað farið langleiðina með þetta fyrir gestina!

Björgvin Brimi fær boltann fyrir utan vítateiginn eftir góða sókn Gróttu. Hann leikur á varnarmanninn og tekur gott skot sem er varið.

Gróttumenn taka hornspyrnu inn á teiginn sem Jón Kristinn missir út í teiginn. Gróttumenn eru fljótir að bregðast við og ná skoti á markið sem er bjargað á línu.

Gróttumenn byrja seinni hálfleikinn af krafti. Mikið meira með boltann og eru að ógna mikið inn fyrir varnarlínu Ólsara.

Frábærum fyrri hálfleik lokið hér á Vivaldi og það eru gestirnir úr Ólafsvík sem leiða!

Axel Sig skorar eftir góðan bolta inn á teiginn en Elías Ingi flautar aukaspyrnu. Sá ekki brotið ég viðurkenni það en Gróttumenn eru allt annað en sáttir!

Andri Freyr er slopinn einn í gegn, Jón kemur á móti og nær að kýla boltanum í Andra og aftur fyrir. Gróttumenn vilja víti þarna en það hefði verið ansi ódýr dómur.

Það var Hektor sem fékk tæklinguna. Hann stendur upp og virðist geta haldið hér leik áfram eftir að hafa legið niðri í dágóðan tíma.

Það kemur bolti inn á teiginn sem ég sé ekki hver á en Kristófer Dan nær að pota í boltann í loftinu sem fer rétt yfir markið.

Admer Begic fær boltann inn á teignum í góðri stöðu og reynir skotið sem Alexander ver vel.

Bráðskemmtilegur leikur til þessa. Sé fyrir mér markaleik, bæði lið óhrædd á boltanum og mikið um færi og góðar pressur.

Andri Freyr kemst í frábæru stöðu inn á teignum og reynir skotið sem Jón ver vel og Ólsarar hreinsa.

Útisigur liggur í loftinu hér í dag. Sigur Víkings Ó. er á 3.80 á Epic!

   19.09.2025 13:00

Vilja kóróna gott tímabil - „Ómetanlegt að hafa þjálfara eins og Rúnar Pál“

   18.09.2025 18:20

Vongóðir fyrir undanúrslitaleikinn - „Einhver tóm hólf þarna í bikarhillunni í Ólafsvík“

Það ætlaði allt að verða vitlaust í gærkvöldi á Króknum í þeirri yngstu og sprækustu þegar nágrannaliðin Tindastóll og Kormákur/Hvöt mættust í hinum undanúrslitaleiknum. Kannski er það skiljanlegt þar sem það er mikið undir. Leikmenn Kormáks/Hvatar ætluðu að ráðast á góðan dómara leiksins Svein Arnarsson eftir leik. Hins vegar verður að gefa gæslufólki Tindastóls stórt hrós fyrir skjót viðbrögð. Það verður annaðhvort Grótta eða Víkingur Ólafsvík sem mæta Tindastól á Laugardalsvelli næsta föstudagskvöld.

Baldvin Már Borgarsson, sérfræðingur Fótbolta.net og fyrrum þjálfari Árbæjar, spáir í undanúrslitin:Grótta 3 - 2 Víkingur Ólafsvík (14:00 í kvöld) Gróttumenn eru mögulega besta liðið í þessari keppni, stöðugir í 2. deildinni og enduðu á að tryggja sér sæti í Lengjudeildinni með frábærum endasprett, þeir ættu að öllu eðlilegu að klára Ólsarana en þetta verður samt alvöru leikur. Ingó Sig gæti kvatt Ólafsvíkina með einhverju sturluðu marki á Vivaldi, Andri Freyr hefur reynst Seltirningum drjúgur og mun skora en ég er þó spenntastur að sjá hvort BigBoStevens fái ekki að snerta völlinn í þessum leik, ef hann gerir það þá er nokkuð ljóst að hann mun skora og tryggja Gróttuna á Laugardalsvöll.

Talandi um Mjóddina, dómari þessa leiks kemur beint úr efstu hillu, Elías Ingi Árnason. Honum til aðstoðar verða þeir Sveinn Ingi Sigurjónsson Waage og Óliver Thanh Tung Vú og eftirlitsmaður KSÍ er Bragi Bergmann.

Heimamenn á Seltjarnarnesi stoppuðu stutt í 2. deildinni í ár. Eftir hreinan úrslitaleik gegn Þrótti Vogum í lokaleik mótsins sem þeir unnu, náðu þeir 2. sætinu og skildu Þróttara eftir með sárt ennið. Gróttumenn voru lengi í gang en kláruðu mótið gífurlega vel og koma sjóðandi heitir inn í þennan leik. Ólsarar halda áfram í 2. deildinni Eftir að hafa fallið úr 1. deildinni árið 2021 hafa Ólsarar verið fastir í 2.deildinni þessi fjögur ár eftir. Í ár enduðu þeir í 8. sæti, nær fallsæti en topp 2 eftir hræðilegan endasprett. En Ólsarar settu einbeitinguna greinilega á þá yngstu og sprækustu fyrir mót sem er skiljanlegt og æfðu fyrir þennan leik í Mjóddinni sem lofar góðu.

Heilir og sælir ágætu lesendur og veriði hjartanlega velkomnir í þessa þráðbeinu textalýsingu frá leik Gróttu og Víkings Ólafsvíkur í Fótbolti.net bikarnum. Leikurinn fer fram á Vivaldivellinum en sigurvegari leiksins mun leika á Laugardalsvelli.