Rosalegum leik lokið í Breiðholtinu. Kaflaskiptur vissulega en heilt yfir sennilega sanngjörn úrslit.

Völsungar fá aukaspyrnu í skotfæri. Langt færi en vel hægt að skjóta og láta reyna á Vilhelm.

Arnar Pálmi lætur vaða en setur boltann hátt yfir.

Aron Bjarki með skot úr teignum eftir ágæta sókn. Þægilegt viðfangs fyrir Vilhelm sem ver af öryggi.

ÍR-ingar vinna hornspyrnu, Tækifærunum fer fækkandi og gestirnir hreinsa.

Steinþór Freyr vinnur aukaspyrnu ofarlega á vellinum. Allir þeir stóru tölta fram.

Uppbótartíminn verður að lágmarki 5 mínútur.

Fernando Jimenez Arranz liggur eftir á vellinum og heldur um nárasvæðið.

Völsungur með aukaspyrnu í fyrirgjafarstöðu.

Þvílíkt skot! #Lengjudeildin #Livey pic.twitter.com/R7LX2VHF1K

— Sverrir Ö Einarsson (@SEinarsson) June 21, 2026

Völsungur fær hornspyrnu.

Dagbjartur Búi liggur eftir við endalínu og þarf aðhlynningu.

Korter eftir hér og það hlýtur að vera sigurmark í þessu. Þessi leikur á það hreinlega skilið.

Vilhelm með hræðilega sendingu frá marki sem Völsungar komast inn í. Eru í frábærri stöðu 2 gegn 1 en spila ekki nógu vel úr því og Vilhelm nær að redda sér.

Fernando Jimenez Arranz í hörku dansi í teig ÍR og er við það að komast í dauðafæri sekúndum eftir að hafa komið inná. ÍR-ingar koma boltanum í horn en með miklum herkjum þó.

Kristján Atli Marteinsson fékk gult eftir 26 sekúndur í síðasta leik og er ekkert óvanur því að fá gul spjöld. Vel gert hjá honum í dag að vera kominn yfir klukkutímann án þess að fá spjald.

Víðir með hörkuskot úr D-boganum en Jochum vel á verði og ver virkilega vel.

Heimamenn fá hornspyrnu.

Andri Bergmann í fínni fyrirgjafarstöðu úti til vinstri en setur boltann of innarlega beint í fang Vilhelms.

Gestirnir byrjað þennan síðari hálfleik á jákvæðum nótum.

Jóhann Ingi flautar okkur af stað á ný í Breiðholtinu. Hefði þegið svona 2-3 mínútur í viðbót. Layla með Derek and the Dominos ómaði í hátalarakerfinu.

Frábært lag.

Heimamenn með þægilega forystu að loknum þessum fyrri hálfleik. Hafa nýtt sín tækifæri vel og leiða nokkuð verðskuldað.

Heimamenn að þjarma að Völsungum og vinna horn. Gestirnir verjast vel og koma boltanum frá.

Víðir setur boltann fyrir frá vinstri, hann smellur í hendi varnarmanns og Jóhann bendir umsvifalaust á puntkinn.

Það kann að hljóma lítilfjörlegt svona við fyrstu sýn að meðalaldur beggja bekkja sé 23 ár. Vert að benda á að á bekk Völsunga er Stálmúsin sjálf Steinþór Freyr Þorsteinsson, en hann verður 41 árs í júlí.

Hversu ungir eru hinir þá?

Myndin hér að neðan er ein sú elsta af Steinþóri í myndabanka Fótbolta.net. Tekin árið 2005 er hann lék með Breiðablik. Spurning hversu margir þekkja liðið sem hann leikur gegn á þessari mynd.

Völsungar ógna, ná fyrirgjöfum inn á teiginn sem ÍRingar koma frá en þó ekki langt. Andri aftur að vinna sig í færi en missir boltann frá sér afturfyrir undir pressu frá varnarmanni úr ágætri stöðu í teignum.

Modoumatarr Mbye með hraustlega tæklingu á vallarhelmingi ÍR, jaðrar við gult spjald en Jóhann sleppir honum með tiltal.

Vægsast sagt fjörugar síðustu mínútur hér. Leikurinn aðeins róast þó.

Völsungar sækja upp hægri kantinn og uppskera hornspyrnu.

Útsending Livey er komin í gang svo hefðbundin textalýsing tekur nú við.

Leikurinn er hafinn, lýsandi treystir á útsendingu Livey hér í dag og þar eru menn að glíma við smávægilega tæknilega örðugleika sem stendur. Mörk og markaskorar verða færð inn í úrslitaþjónustu þar til útsending dettur í loftið.

Skagamaðurinn Andri Júlíusson, sem þjálfaði Kára síðustu ár, spáir í leikina að þessu sinni. Um leikinn í Breiðholti sagði Andri.



ÍR 1 - 1 Völsungur
Hrikalega sterkur sigur Völsunga síðast og komnir með blóð á tennurnar og hrífast af Græna Gímaldinu og stela jafntefli.

Jóhann Ingi Jónsson er með flautuna í Breiðholti í dag. Honum til aðstöðar eru Daníel Ingi Þórisson og Þráinn Jón Elmarsson. Gunnar Helgason tekur svo út störf þeirra og framkvæmd leiks sem eftirlitsmaður KSÍ.

Maður veit aldrei hvaða útgáfu ÍR-ingar senda til leiks og sumarið hefur verið vægast sagt sveiflukennt. Liðið sem flengdi Aftureldingu í fyrstu umferð og saltaði HK í þeirri fimmtu hefur líka tapað sannfærandi fyrir Ægi og fengið harða útreið gegn Njarðvík.

Bót í máli er þó að lið ÍR lagði eitt heitasta lið deildarinnar í Gróttu í síðustu umferð og má vona þeirra vegna að betri taktur sé kominn í leik þeirra fyrir vikið. Það mun hins vegar allt koma í ljós síðar í dag hvort svo er eða ekki.

Eftir brösótta byrjun á stigasöfnun í upphafi móts sótti lið Völsungs sinn fyrsta sigur á tímabilinu síðastu umferð. Stjörnum prýtt lið Njarðvíkur mætti til Húsavíkur og þurfti að gera sér að góðu að yfirgefa völlinn án stiga eftir 2-1 sigur Völsungs. Gamla brýnið í framlínu Völsungs Elfar Árni Aðalsteinsson reyndist þar hetja heimamenna en hann gerði sigurmark liðsins á 88. mínútu leiksins

Lið Völsungs situr fyrir leiki dagsins í Lengjudeildinni í 12. og síðasta sæti deildarinnar með 5 stig að loknum 9 leikjum. Næstu lið fyrir ofan Ægir og Grindavík eru þar fyrir ofan með 7 stig og gæti því sigur Völsungs og hagstæð úrslit úr leikjum Ægis og Grindavíkur lyft Húsvíkingum uppfyrir bæði lið í 10 sætið.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik ÍR og Völsungs í Lengjudeild karla.

Flautað verður til leiks á Þarfaþingsvellinum klukkan 16:00