ÍBV er í þéttum pakka í neðri hluta deildarinnar, liðið er í 9. sæti með 16 stig. Eftir að hafa verið eitt heitasta lið deildarinnar hefur Eyjamönnum fatast flugið, liðið hefur aðeins nælt sér í eitt stig í síðustu fjórum leikjum.

Aleksandar Linta, þjálfari ÍBV, hefur ekki styrkt leikmannahópinn af ráði. Markvarðarbreytingin var gerð á dögunum en Serbinn Ivan Vidrih kemur inn fyrir Marcel Zapytowski sem vildi fara frá félaginu eftir bekkjarsetu í sumar. Ari í Haraldsstovu hefur verið aðalmarkvörður liðsins og spurning hvort Ivan nái að vinna sig inn í byrjunarliðið.

Pétur Guðmundsson dæmir leikinn. Honum til halds og trausts verða aðstoðardómararnir Gylfi Már Sigurðsson og Jovan Subic. Þorfinnur Gústaf Þorfinnsson er fjórði dómari og Viðar Helgason eftirlitsmaður KSÍ.

Heil og sæl öllsömul og verið þið velkomin í textalýsingu frá leik Víkings og ÍBV í 18. umferð Bestu deildar karla. Flautað verður til leiks klukkan 18:00 hér á Víkingsvelli.