FH-ingar taka gríðarlega dýrmæt þrjú stig á Greifavellinum og þar með sitja Akureyrarliðin tvö á botni Bestu-deildarinnar. Það var mikill jafnteflisfnykur af þessum leik, en Ísak Óli Ólafsson hafði engan áhuga á því að sættast á jafnan hlut í kvöld.

Ég hreinlega veit ekki hvaðan KA menn ætla að sækja sóknartöfra, en einhversstaðar verða þeir að finnast því að sóknarleikur liðsins er gjörsamlega hörmulegur.

Takk fyrir mig!

Jæja og þó. KA menn fá eina aukaspyrnu til að lúðra boltanum inná teig FH.

FH fá aukaspyrnu á vallarhelmingi KA. Þetta er komið hjá gestunum!

Gestirnir fá horn.

Boltinn er upp við vítateig KA manna. Það hentar gestunum ágætlega.

6 mínútur!

FH-ingar fá horn.

Adam Ægir á viðstöðulaust skot úr erfiðu færi og boltinn fer langt yfir mark FH. Hver sekúnda vinnur með gestunum.

Jakob fer einn í gegn á heldur tilviljanakenndan máta og nær skoti, en Jökull Andrésson ver í horn. Flott varsla, en mér fannst Jakob hreinlega ekki hafa trú á því að hann gæti skorað þarna.

Hallgímur fær boltann rétt fyrir utan teig FH og smellhittir boltann, en hann sleikir stöngina og fer framhjá!

Heimamenn fá aukaspyrnu úti á vinstri vængnum. Sóknartilburðir liðsins hafa verið vægast sagt slakir.

Ekkert kemur úr aukaspyrnu Hallgríms, en KA heldur boltanum.

Nýi maðurinn þarfnast aðhlynningar, en virðist fær um að halda áfram.

KA menn fá hornspyrnu og freista þess að svara strax.

Fær boltann utarlega í teig KA og hamrar boltann að marki, en Ívar ver vel í horn.

Gestirnir fá aukaspyrnu inná vallarhelmingi KA, líklega aðeins of langt frá markinu til þess að íhuga markskot - en maður veit nú aldrei.

Jóhannes Kristinn á skot í varnarvegginn. Ekki æðislegt.

Guðmundur Andri Tryggvason er við það að sleppa í gegn, en tekur eina þunga snertingu og Kári nýtir sér það til að bjarga KA fyrir horn!

Nú kveinkar Samuel Kroon sér. Mér sýnist hann geta haldið leik áfram.

Birgir kom aftur inná, en sest nú aftur niður. Það er nokkuð ljóst að hann getur ekki haldið áfram. Birgir er í miðverðinum í fjarveru Markúsar Mána Péturssonar og nú eru góð ráð dýr hjá Hallgrími Jónassyni.

Spjallar lengi við Elías og röltir útaf vellinum með Halldóri Hermanni, sjúkraþjálfara KA.

Adam Ægir lúðrar boltanum í innkast til að pressa FH hátt. Alltaf athyglisverð taktík.

Heldur bragðdaufum fyrri hálfleik lokið. Gæðin ekki beint yfirgengileg og það væri ansi hollt fyrir þennan leik ef að annað liðið myndi slysast til þess að skora.

Jakob Snær á skot sem að fer af varnarmanni og aftur fyrir. KA menn fá horn rétt fyrir hálfleik.

Að lágmarki tvær mínútur.

Aftur fá gestirnir horn. Kjartan Kári mætir á vettvang enn einu sinni.

Ívar er sterkur og kýlir spyrnu Kjartans í burtu, en FH-ingar halda pressunni á heimamenn.

Kjartan Kári tekur aukaspyrnuna sjálfur og á þéttingsfast skot í markmannshornið, en Ívar er fljótur niður og ver boltann í horn.

Ekkert kemur svo úr horni FH.

Ívar Arnbro missir fyrirgjöf út í teiginn og þar mætir Kjartan. Hann tekur eina snertingu áður en hann hamrar á markið, en Hans Viktor hendir sér fyrir skotið og ver skotið í horn.

Hallgrímur Mar með fínustu fyrirgjöf inná teig FH, en Adam Ægir nær ekki að gera sér mat úr þessu.

Arnór Borg Guðjohnsen á slakan skalla yfir mark KA úr erfiðu færi.

Kjartan Kári vinnur hornspyrnu fyrir gestina.

Aftur er það Adam Ægir sem að kemur sér upp vinstri kantinn og setur hann út í teiginn. Valdimar Logi mætir sendingunni og ætlar að taka viðstöðulaust skot, en hittir boltann hræðilega og sóknin rennur út í sandinn.

Besta færi þessa bragðdaufa leiks!

Ágætis sókn hjá KA! Sýndist að vera Adam Ægir sem átti hættulega fyrirgjöf þvert fyrir mark FH, en hún er hreinsuð í horn.

Ekkert kemur úr horninu.

Jóhannes Kristinn fær þéttingsfastan bolta út í teiginn og reynir að taka boltann á lofti. Það skot er blokkað, en hann fær boltann aftur og lúðrar þá 50 metra yfir markið.

Gestirnir fá horn.

Samuel Kroon spólar upp vinstri kantinn og kemur með flotta fyrirgjöf inná teig FH. Þar er Adam Ægir aleinn og yfirgefinn, en skalli Adams er laflaus og auðveldur fyrir Jökul.

FH-ingar fá aukaspyrnu úti á vinstri kantinum inná miðjum vallarhelmingi KA.

Ívar Arnbro Þórhallsson grípur aukaspyrnu Kjartans Kára örugglega.

KA menn fá aðra hornspyrnu. Hallgrímur Mar joggar að hornfánanum.

Jökull grípur spyrnu Hallgríms.

Gestirnir eru að ná mun betri fótfestu í leiknum og hafa átt nokkrar hættulegar fyrirgjafir bara á síðustu tveimur mínútum.

Jóhannes Kristinn Bjarnason á skot í stöng rétt fyrir utan teig, en hefði Jóhannes sett boltann inn hefði markið ekki talið þar sem að rangstaða er dæmd.

Fær boltann utarlega í teig FH og nær skoti, en það fer nokkuð framhjá rammanum. KA menn byrja betur.

Hún var ekki góð, en KA menn halda boltanum.

Fyrsta horn leiksins og Valdimar Logi Sævarsson stillir sér upp til að taka spyrnuna.

Þetta er komið af stað! Það eru gestirnir í FH sem að hefja leik með boltann.

Jakob Snær Árnason og Samuel Kroon koma inn í byrjunarlið KA. Danijel Djuric er áfram á bekknum en sögur eru um að hann sé óánægður í herbúðum liðsins. FH-ingar gera eina breytingu á sínu liði frá jafnteflisleiknum við KR - Tómas Orri Róbertsson leysir Grétar Snæ Gunnarsson af hólmi, en Grétar tekur út leikbann í dag.

KA menn nenna voðalega lítið að verjast með sína 4-5 lúxusleikmenn í liðinu. Yfir 1,5 mörk FH á Epic er 1.88 og er gott veðmál.

— Kristalkúlan (@kristalkulan) August 9, 2026

Það er Elías Ingi Árnason sem að dæmir fallbaráttuslaginn og honum til aðstoðar eru Kristján Már Ólafs og Ronnarong Wongmahadthai. Fjórði dómari er Stefán Ragnar Guðlaugsson og dómaraeftirlitsmaður er silfurrefurinn Valdimar Pálsson.


Mikið undir og Elías verður að hafa góð tök á hlutunum.

FH staðfesti í gær að Erlingur Agnarsson væri genginn til liðs við félagið frá Víkingi. Um lánssamning er að ræða, en þó möguleiki á að skiptin verði varanleg. Erlingur er margfaldur Íslands- og bikarmeistari með Víkingum, en hefur lítinn spiltíma fengið hjá Íslandsmeisturunum á þessu tímabili.

Mikið var rætt um að Kjartan Kári Halldórsson færi í hina áttina, en Víkingar enduðu á því að sækja Hrannar Snæ Magnússon frá Kristiansund í staðinn.

Það er óhætt að fullyrða að lægð sé bæði á Brekkunni og í Kaplakrika. Heimamenn í KA sitja í 10. sæti deildarinnar með 15 stig en gestirnir í FH verma botnsætið með 14 stig.

KA geta því spyrnt sér örlítið frá botninum með sigri í dag, en taki FH öll stigin með sér suður getur svo farið að gulklæddir verði í botnsætinu eftir umferð dagsins - ef að grönnunum í Þór tekst að hirða öll þrjú stigin á Akranesi.


Hart barist í leik liðanna í Kaplakrika. Þar unnu KA menn 1-2 sigur.

Grétar Snær Gunnarsson hjá FH og Markús Máni Pétursson hjá KA missa af leiknum í kvöld vegna uppsafnaðra áminninga. Þá mun Kristján Flóki Finnbogason, framherji FH, taka út seinni leik sinn í tveggja leikja banninu sem hann var úrskurðaður í.

Hér mun fara fram textalýsing á leik KA og FH í alvöru fallbaráttuslag í Bestu-deild karla.

sunnudagur 9. ágúst
18:00 ÍA-Þór (ELKEM völlurinn)
18:00 Víkingur R.-ÍBV (Víkingsvöllur)
18:00 Stjarnan-Keflavík (Samsungvöllurinn)
18:15 KA-FH (Greifavöllurinn)
20:15 Breiðablik-Valur (Eikarvöllurinn)

mánudagur 10. ágúst
19:15 Fram-KR (Lambhagavöllurinn)