Leiknir kemur sér fjær fallsætunum og siglir nokkuð lygnan sjó í söunda sætinu. Ægismenn eru langneðstir með átta stig og eru formlega fallnir aftur niður í 2. deild.

Uppbótartíminn er að minnsta kosti 1 mínúta.

Daníel Karl Þrastarson með skot yfir markið.

Kári Steinn gerir vel og leggur boltann á Jóhann Kanfory en hann á arfaslakt skot framhjá.

Kári Steinn með skot framhjá eftir hættulega sókn Leiknis.

Sólin farin látin að sjá sig hér í Breiðholtinu og allt eins og það á að vera.

Miklir yfirburðir Leiknis í þessum fyrri hálfleik. Voru nálægt því að skora fimmta mark sitt fyrir hálfleikinn.

Leiknismenn hafa slakað verulega á eftir þriðja markið, stigið af bensíngjöfinni. Ægismenn að halda boltanum án þess að gera nokkurn skapaðan hlut með hann.

Ægismenn að sækja. Sigurður Óli Guðjónsson með sendingu inn á teig en flaggið fer á loft. Rangstaða.

Axel Freyr gerir vel og kemur boltanum fyrir þar sem Birnir Breki Burknason er í baráttunni en Haukur Logi kemur út og handsamar boltann.

Paul Skoczylas með fyrirgjöf sem varnarmaður kemst fyrir. Ægir fær fyrstu hornspyrnu leiksins. Hættuleg fyrirgjöf en enginn leikmaður nær að koma sér í boltann.

Leiknismenn tapa boltanum á slæmum stað og Ægismenn ná hættulegri sókn. Stefan Dabetic með skot framhjá fjærstönginni.

Fyrsta marktilraun Ægismanna. Daníel Karl Þrastarson með ágætis tilraun en framhjá.

Axel Freyr Harðarson með skottilraun en alveg laflaust skot sem siglir framhjá.

Sóknarhugur í Leiknismönnum hér í upphafi. Kári Steinn með fyrirgjöf sem endar ofan á þaknetinu.

Þorsteinn Emil með upphafssparkið fyrir Leikni. Breiðhyltingar sækja í átt að Lönguvitleysunni í fyrri hálfleik.

Markviss og öflug upphitun að baki hjá báðum liðum og þau skokka inn í félagsheimilið til að gera sig klár fyrir baráttuna framundan. Það viðrar vel til kappleiks, skýjað, 14 gráður og mjög létt gola hér í Efra-Breiðholti.

Ekki er búist við neinu vallarmeti á þennan leik í kvöld. Ef fólk vill horfa heima þá er leikurinn að sjálfsögðu beint hjá vinum okkar á Livey. Litla flugvélin, Ingimar Helgi Finnsson, er við hljóðnemann svo enginn ætti að vera svikinn.

Nikola Kristinn Stojanovic og Nikola Kristinn Stojanovic koma inn fyrir Hilmar Óla Viggósson og Bjarka Rúnar.

Þorsteinn Emil Jónsson kemur inn fyrir Rúrik Gunnarsson og Arnór Valur Ágústsson inn fyrir Bogdan Bogdanovic.

Bjarki Rúnar Jónínuson og Kristinn Ásgeir Þorbergsson eru ekki með Ægi í kvöld þar sem þeir eru í banni vegna uppsafnaðra áminninga.

Brynjar Björn Gunnarsson þjálfari Leiknis er í banni vegna uppsafnaðra áminninga. Hann var einnig í banni í fyrri leiknum gegn Ægi í Þorlákshöfn og þar var þessi mynd hér að ofan tekin. Nemanja Pjevic aðstoðarþjálfari Leiknis stýrir því liðinu í kvöld og enginn annar en Garðar Gunnar Ásgeirsson hefur verið kallaður út til að aðstoða hann.

Fyrri viðureign liðanna á tímabilinu endaði 0-3 í Þorlákshöfn. Dagur Ingi Hammer Gunnarsson kom af bekknum og breytti leiknum. Hann skoraði fyrsta markið og þeir Daði Bærings Halldórsson og Anton Fannar Kjartansson komust einnig á blað.

Ægir frá Þorlákshöfn er í neðsta sæti deildarinnar með aðeins átta stig. Liðið hefur aðeins unnið tvo leiki í sumar og eru á leið aftur niður í 2. deildina.

Breiðhyltingar hafa tapað fjórum af síðustu fimm leikjum. Liðið tapaði 2-1 gegn HK í Kórnum í síðustu umferð og er í áttunda sæti. Það eru fimm stig niður í fallsæti.

Twana Khalid Ahmed dæmir leikinn í kvöld. Kristófer Bergmann og Kristinn Freyr Victorsson eru aðstoðardómarar.

Í Lengjudeildinni er mikil spenna en 19. umferðin fer fram á heilu bretti í kvöld. Hér á Leiknisvelli eru heimamenn að taka á móti Ægi frá Þorlákshöfn.

mánudagur 17. ágúst
18:00 Völsungur-Vestri (GPG völlurinn)
18:00 Leiknir R.-Ægir (Leiknisvöllur)
18:00 ÍR-Njarðvík (Þarfaþingsvöllurinn)
18:00 Grindavík-Grótta (Stakkavíkurvöllur)
19:15 Þróttur R.-Fylkir (AVIS völlurinn)
19:15 Afturelding-HK (Malbikstöðin að Varmá)