Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögnum skilaði 24396 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
ÍA hefur fengið sóknarmanninn Sebastian Sigurðsson Bornachera í sínar raðir frá FH. Sebastian er fæddur árið 2009 og á að baki þrjá leiki fyrir U15 landsliðið. Hann var í mars valinn í æfingahóp U16 landsliðsins. Hann er uppalinn hjá Haukum en skipti yfir í FH í fyrra. Hann er núna kominn í ÍA.
Pétur Bjarnason hefur fengið félagaskipti í KFK og mun spila með liðinu á láni frá Vestra í sumar. Pétur er framherji sem fæddur er árið 1997 og skoraði þrjú mörk í Bestu deildinni á síðasta tímabili. Hann á að baki 272 meistaraflokksleiki og hefur í þeim skorað 92 mörk, þar af níu í efstu deild. Hann hefur til þessa aldrei spilað neðar en í C-deild.
Katarska stórveldið Al-Gharafa er búið að gera eins árs samning við Aron Einar Gunnarsson sem er 36 ára gamall.
Þorleifur Úlfarsson hefur gengið frá samningi við uppeldisfélagið sitt Breiðablik og er kominn með leikheimild fyrir félagið eftir að hafa undanfarin ár verið í Bandaríkjunum og svo hjá Debrecen í Ungverjalandi. Þorleifur er 24 ára sóknarmaður sem glímdi við erfið meiðsli hjá Debrecen eftir að hann samdi við félagið snemma árs 2024. Hann er enn að glíma við meiðsli, fór í speglun á hné nýlega en vonandi styttist í að kappinn geti farið að spila.
Trent Alexander-Arnold hefur staðfest að hann muni yfirgefa Liverpool í sumar. Enski landsliðsmaðurinn er á leið til Real Madrid á Spáni. <i>„Eftir 20 ár hjá Liverpool FC er nú tími til að staðfesta að ég er á förum eftir tímabilið. Þetta er klárlega erfiðasta ákvörðun sem ég hef tekið á lífsleiðinni,"</i> segir Trent í myndbandstilkynningu.
Bayern Munchen hefur staðfest að Eric Dier muni yfirgefa félagið í sumar þar sem hann ákvað að framlengja ekki samning sinn við félagið. Hann hefur samþykkt þriggja ára samning við Mónakó og mun ganga til liðs við félagið 1. júlí þegar samningur hans við Bayern rennur út.
KFG gerði vel undir félagaskiptagluggans, fékk þrjá leikmenn frá venslafélaginu Stjörnunni og þá kom Kári Vilberg Atlason frá Víkingi Reykjavík. Kári Vilberg er fæddur árið 2004 og er skapanadi sóknarsinnaður miðjumaður. Hann er uppalinn hjá Breiðabliki, var í úrtakshópum fyrir U16 á sínum tíma og fór á reynslu til FC Nordsjælland.
Kormákur/Hvöt hefur fengið til sína væna liðsstyrkingu fyrir komandi tímabil í 2. deildinni en serbneski leikmaðurinn Goran Potkozarac er kominn aftur og þá er Dominic Louis Furness mættur frá Tindastóli.
Hollenska félagið Feyenoord hefur fest kaup á sóknarsinnaða miðjumanninum Sam Steijn frá Twente.
Spænski þjálfarinn Julen Lopetegui hefur verið ráðinn nýr þjálfari katarska karlalandsliðsins.
Eydís Arna Hallgrímsdóttir, Þórunn Elfa Helgadóttir og Þyrí Ljósbjörg Willumsdóttir eru allar gengnar til liðs við Grindavík/Njarðvík fyrir komandi tímabil.
Þýska félagið Bayer Leverkusen hefur fest kaup á Ibrahim Maza frá Herthu Berlín en þetta kemur fram í tilkynningu frá Leverkusen í dag.
Varnarmaðurinn Toni Tipuric, sem leikur ýmist sem varnartengiliður eða miðvörður, er búinn að skrifa undir samning við Sindra sem leikur í 3. deild karla. Hann gæti reynst gífurlega dýrmætur liðsstyrkur þar á bæ eftir að Sindri rétt forðaði sér frá falli úr deildinni í fyrra.
Grindavík er að styrkja leikmannahópinn sinn fyrir komandi átök í Lengjudeild karla og er búið að næla sér í Guðjón Þorsteinsson frá stórliði Víkings í Reykjavík. Guðjón er fæddur 2006 og uppalinn hjá Grindavík. Hann er því að snúa aftur á heimaslóðir. Guðjón hefur ekki spilað keppnisleik fyrir meistaraflokk Víkings en hann lék tvo leiki með Grindavík í Lengjubikarnum sumarið 2022 áður en hann flutti til Reykjavíkur.
Hamar leikur í 4. deild karla og var að styrkja sig með tveimur nýjum leikmönnum samkvæmt upplýsingum frá KSÍ.
Norski framherjinn Benjamin Stokke er genginn í raðir Aftureldingar, hefur skrifað undir samning sem gildir út tímabilið. Afturelding náði að ganga frá öllum pappírum fyrir lok gluggans í gærkvöldi og getur Stokke spilað með liðinu í næsta deildarleik sem verður gegn Stjörnunni á heimavelli á mánudag. Stokke er 34 ára og kemur frá uppeldisfélagi sínu, Eik, sem er í norsku C-deildinni. Hann lék með Breiðabliki í fyrra og varð Íslandsmeistari með liðinu. Tímabilið þar á undan var hann markakóngur norsku B-deildarinnar sem leikmaður Kristiansund. Aturelding er með fjögur stig eftir fyrstu fjórar umferðirnar í Bestu deildinni.
Áður en glugganum var lokað gekk Austfjarðaliðið KFA frá skiptum Hrafns Guðmundssonar til félagsins á láni frá Stjörnunni.
Þróttur Vogum bættu við sig fjórum leikmönnum fyrir gluggalok í gær en þeir Eyþór Orri Ómarsson, Franz Bergmann Heimisson, Eiður Baldvin Baldvinsson og Birgir Halldórsson eru allir búnir að skrifa undir hjá félaginu.
Gunnar Heiðar Þorvaldsson, þjálfari Njarðvíkur, sótti í kvöld Eyjamanninn Viggó Valgeirsson til félagsins frá ÍBV.
Afturelding komst eins og allir vita upp úr Lengjudeildinni síðasta sumar og er í Bestu deildinni þetta sumarið. Fjórir leikmenn sem voru í leikmannahópi liðsins á síðasta tímabili hafa fengið félagaskipti í Álafoss sem er mosfellskt félag sem spilar í 5. deild.