Eyþór Orri og þrír aðrir í Þrótt V. (Staðfest)

Eyþór Orri er 21 árs gamall og varð yngsti leikmaður í sögu efstu deildar þegar hann kom inn á í 2-0 sigri á KR, met sem hefur verið slegið tvisvar síðan.

Leikmaðurinn á að baki 35 leiki með ÍBV í tveimur efstu deildunum og þá 13 mörk í 41 deildarleik með KFS, venslafélagi ÍBV.

Hann er genginn í raðir Þróttar Vogum en lengd samningsins kemur ekki fram.

Franz Bergmann, sem er tvítugur, fær félagaskipti frá Spáni og mun því spila sitt annað tímabil á Vogaídýfu-vellinum.

Hann spilaði með yngri flokkum Fram og ÍA áður en hann skipti yfir í Kára og tók eitt tímabil með þeim í 3. deildinni. Á síðasta ári fór hann í Þrótt og lék 13 leiki og skoraði 1 mark í 2. deild.

Eiður Baldvin Baldvinsson er einnig tvítugur og tekur líka sitt annað tímabil með liðinu.

Hann skiptir alfarið frá KR en hann reyndist Þrótturum mikilvægur á síðustu leiktíð með 5 mörk í 9 leikjum.

Hinn 19 ára gamli Birgir Halldórsson kemur þá á láni frá Þrótti R. út sumarið.

Birgir lék sinn fyrsta og eina deildarleik með Þrótturum í 5-2 sigri á Dalvík/Reyni á síðasta tímabili.

Öflug styrking hjá Vogamönnum sem ætlar sér greinilega stóra hluti í 2. deildinni á komandi tímabili.