Grindavík er að styrkja leikmannahópinn sinn fyrir komandi átök í Lengjudeild karla og er búið að næla sér í Guðjón Þorsteinsson frá stórliði Víkings R.
Guðjón er fæddur 2006 og uppalinn hjá Grindavík. Hann er því að snúa aftur á heimaslóðir.
Guðjón hefur ekki spilað keppnisleik fyrir meistaraflokk Víkings en hann lék tvo leiki með Grindavík í Lengjubikarnum sumarið 2022 áður en hann flutti til Reykjavíkur.
Guðjón mun koma inn í 2. flokk Grindavíkur og vonast til að fá að spreyta sig eitthvað í Lengjudeildinni í sumar.
Fyrsti leikur Grindavíkur á nýju tímabili er á útivelli gegn Selfossi á morgun.
Athugasemdir
