FRÉTTIR15.11.2025, 12:33
Jóhannes Karl Guðjónsson er hættur sem þjálfari danska liðsins AB eftir eitt og hálft ár í starfi. Í tilkynningu AB segir að hann sé að hætta vegna fjölskylduástæðna. Jóa Kalla er þakkað fyrir sín störf hjá félaginu.
Fannar Berg Gunnólfsson, sem var aðstoðarmaður Jóa Kalla, er nýr aðalþjálfari AB.
Jói Kalli er að flytja heim til Íslands og verður tilkynntur sem nýr þjálfari FH á næstunni. Hann er að taka við af Heimi Guðjónssyni sem stýrði FH síðustu þrjú tímabilin en fékk ekki nýjan samning í sumar og er tekin við Fylki.
FRÉTTIR14.11.2025, 20:35
<p>Arnleifur Hjörleifsson hefur skrifað undir tveggja ára samning við Njarðvík og kemur hann til félagsins frá ÍA. </p><p>Arnleifur er 25 ára vinstri bakvörður sem lék á láni hjá Njarðvík í Lengjudeildinni á liðnu tímabili og var eftirsóttur af liðum í Bestu deild og Lengjudeildinni eftir að hafa rift samningi sínum við ÍA.</p>
FRÉTTIR14.11.2025, 12:00
Diego Montiel hefur skrifað undir tveggja ára samning við KA en hann kemur á frjálsri sölu frá bikarmeisturum Vestra þar sem hann spilaði í sumar.
Montiel er þrítugur sóknarsinnaður miðjumaður, Svíi, sem hefur spilað í heimalandinu, í Belgíu og í Danmörku á sínum ferli.
Hann skoraði fimm mörk og lagði upp fimm í 32 leikjum með Vestra á tímabilinu. Montiel er annar leikmaðurinn sem KA fær í sínar raðir á síðustu vikum en Jakob Héðinn Róbertsson kom frá Völsungi fyrr í haust.
FRÉTTIR14.11.2025, 06:00
Kolbeinn Tumi Sveinsson hefur skrifað undir samning við Víking Ólafsvík og mun spila með liðinu næsta sumar.
Kolbeinn er tvítugur framherji og er uppaliinn á Akranesi. Hann gekk til liðs við Tindastól fyrir síðasta tímabil og fór hamförum í 3. deildinni og skoraði 16 mörk í 21 leik.
FRÉTTIR13.11.2025, 14:00
Patrick Bamford er genginn í raðir Sheffield United, hann skrifar undir samning sem gildir fram í janúar. Hann var án félags og getur því fengið leikheimild strax.
Bamford er 32 ára Englendingur sem yfirgaf Leeds eftir að félagið vann sér sæti í úrvalsdeildini í vor.
Hann hóf ferilinn hjá Nottingham Forest, fór næst til Chelsea og fór nokkrum sinnum þaðan á láni. Hann fór svo til Middlesbrough 2017 og svo til Leeds þar sem hann var 2018-25. Þar skoraði hann 60 mörk í 205 leikjum í öllum keppnum.
FRÉTTIR13.11.2025, 13:50
<p>Roberto Mancini hefur skrifað undir þriggja ára samnig við katarska liðið Al-Sadd. Liðið situr í 6. sæti í efstu deild í Katar með 14 stig eftir níu leiki.</p><p>Mancini stýrði síðast sádi-arabíska landsliðinu, en hætti störfum á síðasta ári eftir slakt gengi. </p>
FRÉTTIR12.11.2025, 20:17
Arna Sif Ásgrímsdóttir er komin aftur heim í Þór/KA en hún skrifaði undir tveggja ára samning við félagið í dag. Þetta kemur fram í tilkynningu á heimasíðu félagsins.
FRÉTTIR12.11.2025, 14:44
Wolves tilkynnti í dag að Rob Edwards væri mættur aftur til félagsins en hann er nú tekinn við sem stjóri liðsins.
Hann tekur við liðinu af Vitor Pereira sem var látinn fara í síðustu viku eftir erfiða byrjun á tímabilinu en Wolves er á botni ensku úrvalsdeildarinnar. Edwards kemur frá Middlesbrough en hann var þar á undan stjóri Luton, þar sem hann gerði frábæra hluti, og Forest Green Rovers sem hann kom einnig upp um deild. Hann hafði gert flotta hluti með Boro og margir setja spurningarmerki við að hann stökkvi frá því starfi.
Edwards skrifar undir þriggja og hálfs árs samning við Wolves. Hann er fyrrum leikmaður liðsins, spilaði á sínum tíma 111 leiki fyrir félagið og þekktastur fyrir að leika í hjarta varnarinnar undir stjórn Mick McCarthy. Hann var þjálfari U18 hjá Wolves árið 2014 og kom inn í þjálfarateymi aðalliðsins fljótlega eftir það. Þegar Walter Zenga var látinn fara árið 2016 stýrði hann tveimur leikjum til bráðabirgðar.
Fyrsti leikur Edwards sem stjóri Wolves verður gegn Crystal Palace um aðra helgi.
FRÉTTIR11.11.2025, 17:47
Eiður Aron Sigurbjörnsson er genginn til liðs við Njarðvík frá Vestra en hann skrifar undir eins árs samning.
Eiður Aron er 35 ára gamall varnarmaður. Hann gekk til liðs við Vestra frá uppeldisfélaginu sínu ÍBV í fyrra. Hann hefur einnig spilað með Val hér á landi. Hann spilaði með Örebro í Svíþjóð, Sandnes Ulf í Noregi og Holstein Kiel í Þýskalandi á atvinnumannaferlinum.
FRÉTTIR11.11.2025, 16:55
Óli Stefán Flóventsson hefur verið ráðinn þjálfari meistaraflokks karla hjá Selfossi en hann gerir tveggja ára samning við félagið.
Fótbolti.net greindi frá því fyrir tæpum mánuði síðan að Óli Stefán hefði rætt við félagið. Hann tekur við liðinu af Bjarna Jóhannssyni sem steig til hliðar í haust eftir að liðið féll úr Lengjudeildinni.
FRÉTTIR11.11.2025, 14:26
<p>Atalanta hefur ráðið Ítalann Raffaele Palladino sem nýjan stjóra félagsins. Króatinn Ivan Juric var í gærkvöld rekinn frá félaginu eftir einungis fimm mánuði í starfi. </p><p>Atalanta situr í 13. sæti í deildinni en síðasti sigurleikur liðsins í deild kom í lok septembermánaðar. Það sem af er tímabils hefur liðið unnið tvo leiki, tapað tveimur og gert sjö jafntefli.</p><p>Palladino stýrði síðast Fiorentina en þar á undan var hann þjálfari Monza. Palladino var við stjórnvölinn hjá Fiorentina þegar félagið sótti íslenska landsliðsmanninn Albert Guðmundsson.</p><p>Ítalinn sagði sjálfur upp störfum hjá Fiorentina eftir síðasta tímabil en hann var ekki í náðinni á meðal stuðningsmanna Fiorentina. Félagið reyndi þó að halda honum áfram, án árangurs. </p>
FRÉTTIR10.11.2025, 23:30
Króatíski þjálfarinn Ivan Juric var í kvöld rekinn frá ítalska félaginu Atalanta eftir aðeins fimm mánuði í starfi.
FRÉTTIR10.11.2025, 21:55
Miðjumaðurinn Eva Rut Ásþórsdóttir er gengin aftur í raðir Fylkis frá Þór/KA. Þetta kemur fram í tilkynningu Fylkis í kvöld.
FRÉTTIR10.11.2025, 12:30
Fanney Lísa Jóhannesdóttir hefur framlengt samning sinn við Stjörnuna. Fyrri samningur hefði runnið út í lok árs.
Hún er fædd árið 2009, er U19 landsliðskona sem kom við sögu í 21 deildarleik með Stjörnunni í sumar.
Hún var eftirsótt, var m.a. orðuð við Val hér á Fótbolti.net fyrr á þessu ári og sagt frá því að það félög erlendis væru með augastað á henni.
FRÉTTIR10.11.2025, 06:00
Nikulás Val Gunnarsson hefur skrifað undir nýjan tveggja ára samning við Fylki.
Nikulás er fæddur árið 2000 og er Fylkismaður í húð og hár. Hann lék sinn fyrsta leik fyrir meistaraflokk árið 2020 en KSÍ leikirnir eru orðnir 133 talsins og mörkin 18.
FRÉTTIR09.11.2025, 07:30
Norwich City hefur rekið Liam Manning úr starfi sínu sem þjálfari liðsins eftir sjöunda tapið á heimavelli í röð.
FRÉTTIR08.11.2025, 19:00
ÍR hefur tilkynnt Guðmund Guðjónsson sem nýjan aðalþjálfara meistaraflokks kvenna félagsins.
FRÉTTIR08.11.2025, 17:30
Björn Daníel Sverrisson hefur skrifað undir þriggja ára samning við Sindra um að taka við þjálfun meistaraflokks karla félagsins.
FRÉTTIR08.11.2025, 16:30
Vestramenn hafa tilkynnt Daniel Badu sem nýjan aðalþjálfara meistaraflokks karla. Vestri féll úr Bestu deildinni í sumar eftir hreinan úrslitaleik í lokaumferðinni gegn KR.
FRÉTTIR07.11.2025, 17:11
Brynjar Björn Gunnarsson hefur verið ráðinn þjálfari Leiknis í Breiðholti. Hann tekur við starfinu af Ágústi Gylfasyni sem lét af störfum eftir síðasta tímabil.
Ágúst tók við Leikni í júní á botni Lengjudeildarinnar en náði því markmiði að halda liðinu í deildinni. Leiknir hafnaði í níunda sæti.
