Viktor Unnar spáir í 17. umferð ensku úrvalsdeildarinnar

Nottingham Forest 0 - 3 Tottenham (20:00 í kvöld)
Ange búinn að rétta skútuna af eftir smá bakslag í titilbaráttunni. Munu loksins halda hreinu og Richarlison heldur áfram að skora.

Bournemouth 3 - 1 Luton (15:00 á morgun)
Bournemouth verið heitir og taka þennan leik nokkuð auðveldlega. Luton vilja taka sín stig á heimavelli.

Chelsea 1 - 2 Sheffield United (15:00 á morgun)
Andlausir Chelsea menn munu tapa þessum á heimavelli og menn fara að kalla eftir hausnum á Poch.

Man City 3 - 1 Crystal Palace (15:00 á morgun)
Haaland skorar og City vinnur þennan eftir að þeir lenda undir. Arsenal menn verða farnir að hlaupa með titilinn í hálfleik í þessum leik þegar Palace verður yfir.

Newcastle 1 - 3 Fulham (15:00 á morgun)
Fulham er heitasta liðið þessa stundina og klára þetta örugglega. Jimenez og Willian skora báðir.

Burnley 2 - 2 Everton (17:30 á morgun)
Sean Dyche slagurinn. Dyche kemur heim og spilar alvöru Dyche bolta og fólkið á Turf horfir öfundaraugum á þennan fátbolta. Þá minnir heilinn á sig og burnley skorar tvö eftir gott spil og Turf fer aftur að trúa.

Arsenal 2 - 0 Brighton (14:00 á sunnudag)
Því miður vinnur Arsenal þennan. Kæmi ekki á óvart ef VAR heldur áfram að hjálpa þeim að vinna leiki og gæti gefið þeim gott víti. Ödegard tekur yfir þennan leik og heldur áfram sinni vegferð að komast aftur til Real Madrid.

Brentford 2 - 1 Aston Villa (14:00 á sunnudag)
Hrikalega erfitt að heimsækja Brentford og ná í eitthvað þar. Kemur smá spennufall hjá Villa mönnum eftir frábæra síðustu daga og gott tímabil.

West Ham 2 - 1 Wolves (14:00 á sunnudag)
Tvö lið sem eru búin að vera nokkuð flott á þessu tímabili. Kóngurinn Moyes hefur betur í einum stærsta leik helgarinnar að þessu sinni.

Liverpool 3 - 0 Man Utd (16:30 á sunnudag)
Kæmi ekki á óvart ef þetta verður síðasti leikur Erik ten Hag. Liverpool looka rosalega og eru farnir að hóta því að taka deildina. Salah skorar og leggur upp.

Fyrri spámenn:
Aron Elís Þrándarson (7 réttir)
Gunnar Ormslev (6 réttir)
Katla Tryggvadóttir (6 réttir)
Jóhann Skúli Jónsson (6 réttir)
Arnar Laufdal (6 réttir)
Tómas Þór Þórðarson (6 réttir)
John Andrews (6 réttir)
Fanney Inga Birkisdóttir (4 réttir)
Ægir Þór Steinarsson (4 réttir)
Sigurður Heiðar Höskuldsson (4 réttir)
Stefán Árni Pálsson (4 réttir)
Jón Kári Eldon (4 réttir)
Gregg Ryder (3 réttir)
Tómas Steindórsson (3 réttir)
Emil Atlason (3 réttir)

Hér fyrir neðan má sjá stigatöfluna í deildinni en Liverpool leiðir deildina fyrir þessa helgi.