Tommi Steindórs spáir í 5. umferð ensku úrvalsdeildarinnar

Wolves 1 - 3 Liverpool (11:30)
Þægilegur útisigur hjá Liverpool í dag. Salah skorar tvö og Jota eitt. Craig gamli Dawson skorar skallamark eftir hornspyrnu en það er bara ekki nóg.

Fulham 1 - 1 Luton (14:00)
Luton sækir sín fyrstu stig í Premier League. Adebayo skorar eftir einhver glórulaus mistök hjá Issa Diop en Vinicius jafnar á 86. mínútu og skorar þar með eitt af sínum þremur mörkum á tímabilinu.

Tottenham 1 - 2 Sheffield Utd (14:00)
Tottenham verða jarðtengdir í dag eftir að hafa svifið um á bleiku skýi í upphafi móts. Son kemur þeim yfir en fara svo í aðeins of mikinn Ange bolta og Ollie Mcburnie jafnar eftir vel útfærða skyndisókn, eitt af hans tveimur mörkum á þessu tímabili. Gustavo litli Hamer skorar svo eitt af 25 metrunum snemma í seinni hálfleik og Sheffield setja í lás og Wesley Foderingham setur upp sýningu í markinu.

Aston Villa 1 - 2 Crystal Palace (14:00)
Villi í Steve Dagskrá og Siffi G munu hittast á Ölver og horfa á þennan saman. Svipuð lið á pappír en Palace með betri þjálfara og það mun ríða baggamuninn. Fáum eitt óvænt frá Jeffrey Schlupp og eitt minna óvænt frá Ebere Eze. Ollie klórar í bakkann fyrir Villa.

Man Utd 3 - 2 Brighton (14:00)
Man Utd munu grænda út einhvern ótrúlegan sigur í þessum leik. Verða frekar lélegir og Danny Welbeck skorar tvö. Fá ódýrt víti sem Bruno skorar úr og svo skorar Rashford tvennu, mörkin koma á 77. mín og 81. mín.

West Ham 1 - 0 Man City
Mikilvægur leikur fyrir bæði lið í toppbaráttunni. Guardiola vs Moyes. Einhverjir segja að þar hitti skrattinn ömmu sína. City verða 88% með boltann en þolinmóðir leikmenn West Ham eru voða rólegir yfir því með Zouma og Aguerd í hjarta varnarinnar. Lucas Paqueta skorar á 62. mínútu og sussar á Guardiola. Aðdáendur Mohammed Kudus þurfa aðeins að bíða eftir að hann byrji leik, Moyes þarf að drilla hann fyrir hin agaða Moyesy bolta. Hann kemur þó inná á 83. mín og mun ógna með hraða sínum og krafti.

Newcastle 1 - 1 Brentford (16:30)
Þetta verður frekar leiðinlegur leikur. Hef eiginlega ekkert um hann að segja. Einhver dani skorar fyrir Brentford en Anthony litli Gordon jafnar og þar við situr.

Bournemouth 2 - 1 Chelsea (sunnudag 13:00)
Chelsea tapar þessum. Halda áfram að vera bara með einhverja gaura í byrjunarliðinu eins og Gusto og Disasi og þá er erfitt að vinna leiki. Caceido gefur víti. Solanke og Cook skora fyrir Bournemouth. Jackson skorar fyrir Chelsea og hendir í dans.

Everton 0 - 3 Arsenal (sunnudag 15:30)
Everton að bjóða uppá ótrúlega óspennandi lið í ár. Ashley Young verður hlaupandi í hringi en fær svo sem betur fer sitt annað gula spjald í fyrri hálfleik og fer útaf. Arsenal taka þennan í öðrum gír og deila þeir Saka, Rice og Martinelli mörkunum bróðurlega á milli sín.

Nottingham Forest 3 - 3 Burnley (mánudag 18:45)
Talandi um rúsínu í pylsuendanum. Lokaleikur umferðarinnar verður flugeldaveisla. Verður endana á milli í 90 mín. Jói Berg skorar eitt, Lyle Foster tvö. Einhverjir myndu halda að það myndi duga en svo er ekki því Taiwo Awoniyi skorar þrennu fyrir Forest.

Fyrri spámenn:
Aron Elís Þrándarson (7 réttir)
Tómas Þór Þórðarson (6 réttir)
John Andrews (6 réttir)
Jón Kári Eldon (4 réttir)