West Ham blandar sér í baráttu um Soule - City hefur áhuga á Donnarumma - PSG vill leikmenn Man Utd
   fim 16. maí 2024 13:15
Guðmundur Aðalsteinn Ásgeirsson
Sterkust í 5. umferð - Svakalega mikill fótbolti í henni
Karen María Sigurgeirsdóttir (Þór/KA)
Karen María Sigurgeirsdóttir.
Karen María Sigurgeirsdóttir.
Mynd: Fótbolti.net - Hafliði Breiðfjörð
Þór/KA fagnar marki.
Þór/KA fagnar marki.
Mynd: Fótbolti.net - Hafliði Breiðfjörð
Karen María Sigurgeirsdóttir er sterkasti leikmaður fimmtu umferðar í Bestu deild kvenna en hún kom að öllum fjórum mörkum Þórs/KA í 4-0 sigri gegn Keflavík. Hún tók við keflinu af Söndru Maríu Jessen og var í aðalhlutverki í sóknarleik Akureyrarliðsins.

„Frábær leikur hjá henni í kvöld. Leggur upp annað markið, var nálægt þvi að skora þriðja markið og fullkomnar leik sinn með því að skora fjórða markið," skrifaði Jóhann Þór Hólmgrímsson í skýrslu sinni frá leiknum.

Karen María fór í viðtal eftir leikinn og var að vonum virkilega ánægð með sigurinn.

„Ég skoraði fyrsta markið mitt í deildinni svo ég get ekki sagt annað en bara geggjað. Mér fannst við eiga góðan leik, við leyfðum þeim aðeins að komast inn í leikinn á köflum en fínt heilt yfir," sagði hún og bætti við:

„Loksins einhver önnur en Sandra, hún getur ekki gert allt."

Sandra María hefur gert níu af 13 mörkum Þórs/KA í sumar en í þessum leik stigu aðrir leikmenn upp, þá helst Karen María, sem er fædd árið 2001.

Fyrir tímabilið spáði Sandra María því að Karen María, sem spilar oftast framarlega á vellinum, myndi springa út í sumar. „Hún er ótrúlega spennandi leikmaður sem hefur staðið sig frábærlega á undirbúningstímabilinu. Það er svo svakalega mikill fótbolti í henni og hugarfar sem getur komið henni allt sem hún ætlar sér," sagði Sandra María við opinberan reikning Bestu deildarinnar fyrir mót.

Þór/KA hefur farið vel af stað í sumar og er með 12 stig eftir fjóra leiki, þremur stigum frá toppnum.

Sterkastar í fyrri umferðum
4. umferð - Agla Marí Albertsdóttir (Breiðablik)
3. umferð - Amanda Andradóttir (Valur)
2. umferð - Sandra María Jessen (Þór/KA)
1. umferð - Amanda Andradóttir (Valur)
Karen María: Loksins einhver önnur en Sandra
Athugasemdir
banner
banner
banner