Sterkasta lið 5. umferðar - Er að mastera nýja stöðu

Karen María Sigurgeirsdóttir var allt í öllu þegar Þór/KA vann þægilegan sigur á Keflavík og voru Margrét Árnadóttir og Kimberley Dóra Hjálmarsdóttir einnig öflugar.

Agla María Albertsdóttir var best þegar Breiðablik vann 0-2 útisigur á Fylki í gær, en hún skoraði bæði og lagði upp. Þá var Ásta Eir Árnadóttir enn eina ferðina öflug í vörn Blika en hún er að standa sig virkilega vel í nýrri stöðu sem miðvörður. Breiðablik hefur aðeins fengið á sitt eitt mark í fyrstu fimm leikjunum og á Ásta stóran þátt í því.

Breiðablik er með fullt hús stiga eins og Valur sem vann 3-1 sigur gegn Tindastóli. Þar var Fanndís Friðriksdóttir best.

Þá voru Sigdís Eva Bárðardóttir og Erna Guðrún Magnúsdóttir öflugar í sigri Víkings gegn Þrótti. Sigdís hefur byrjað tímabilið frábærlega og hlýtur að gera tilkall í landsliðið þrátt fyrir að vera bara 17 ára.

Birta Guðlaugsdóttir hélt marki sínu hreinu í leik Víkings og Þróttar og er í liði umferðarinnar.

Átta af ellefu þessara leikmanna eru í úrvalsliði umferðarinnar í fyrsta sinn í sumar.

Fyrri lið umferðarinnar:
Sterkasta lið 4. umferðar
Sterkasta lið 3. umferðar
Sterkasta lið 2. umferðar
Sterkasta lið 1. umferðar