Kiernan-Dewsbury Hall, leikmaður Leicester City á Englandi, mun taka slaginn með liðinu í ensku úrvalsdeildinni á næstu leiktíð, en þetta staðfesti hann í viðtali við BBC.
Enski miðjumaðurinn hefur komið að 26 mörkum í ensku B-deildinni á tímabilinu.
Dewsbury-Hall, sem er 25 ára gamall, var potturinn og pannan á miðsvæði Leicester sem hefur nú formlega tryggt sér titilinn og það á fyrsta tímabili þessi undir stjórn Enzo Maresca.
Félög í úrvalsdeildinni hafa fylgst náið með honum á þessari leiktíð en leikmaðurinn segir það ekki koma til greina að fara annað.
„Ég hef verið hjá Leicester frá 8 ára aldri og hef engan áhuga á því að fara. Áform mín eru skýr,“ sagði Dewsbury-Hall.
Athugasemdir
