Framtíð Ian Maatsen verður rædd í lok tímabils. Hann er á láni hjá Dortmund frá Chelsea út tímabilið.
Dortmund er sagt vilja kaupa leikmanninn. Í slúðurfréttum í vetur var sagt að enginn kaupmöguleiki væri í lánssamningnum og því þyrfti að ræða um kaupin frá grunni.
Dortmund er sagt vilja kaupa leikmanninn. Í slúðurfréttum í vetur var sagt að enginn kaupmöguleiki væri í lánssamningnum og því þyrfti að ræða um kaupin frá grunni.
Maatsen framlengdi samning sinn við Chelsea um tvö ár áður en hann hélt til Dortmund. Í þeim samningi er riftunarákvæði sem gerir félögum kleift að kaupa bakvörðinn á 35 milljónir punda í sumar.
Maatsen er ánægður hjá Dortmund og vill skoða alla þá kosti sem eru í boði í sumar.
Hollenski vinstri bakvörðurinn, sem er 22 ára, fór á láni til Dortmund í jnaúar og hefur skorað tvö mörk í nítján leikjum með þýska liðinu. Á síðasta tímabili lék hann með Burnley í Championship deildinni.
Hann fékk átta í einkunn frá 90min fyrir frammistöðuna gegn PSG í undanúrslitum Meistaradeildarinnar í vikunni. Dortmund leiðir einvígið 1-0 eftir heimaleikinn.
Athugasemdir