Óvíst er hvort Tottenham ætli sér að kaupa Timo Werner frá RB Leipzig í sumar en þetta sagði Ange Postecoglou, stjóri félagsins, á blaðamannafundi í gær.
Tottenham fékk Werner á láni frá RB Leipzig í janúar glugganum en enska félagið er með kaupákvæði í samningnum.
Werner kom að fimm mörkum í þrettán leikjum með Tottenham á tímabilinu áður en hann meiddist en hann verður ekki meira með á tímabilinu.
Postecouglou er ekki viss hvort hann verði keyptur til félagsins.
„Þetta snýst ekki um það sem er að gerast á þessari stundu, heldur um heildaráætlun. Ég er að tala um hvar ég vil að við séum á næstu sex mánuðum og að það sé betri staður en við erum á í dag. Timo gerði lánssamning út tímabilið og hann er hluti af áætlun þar sem við munum sjá hvað við þurfum að gera í sumar og hvort við getum gert það.“
„Verða einhver önnur göt í hópnum og hvar passar Timo inn í þá áætlun? Við erum með plan, sem var alveg óháð þessum skiptum. Hann hefur verið mjög góður og kom inn á mikilvægum tíma í janúar þegar Sonny [Heung-Min Son] var frá og Richy [Richarlison] meiddist. Okkur vantaði menn á köntunum, þannig það var mikil hjálp í því að fá hann inn. Hann hefur verið áhrifamikill en fyrst þarf ég meiri skýrleika á það sem við höfum fyrir hjá félaginu,“ sagði Postecoglou.
Athugasemdir