Lestu um leikinn: Grindavík 1 -  3 KR

Guðrún Karitas Sigurðardóttir kom KR yfir strax í byrjun leiks en Carolina Mendes jafnaði metin stuttu síðar. KR bætti síðan við tveimur mörkum í síðari hálfleik og náði í öll stigin.

„Það er lítið jákvætt sem við getum tekið úr þessu því miður. Við vorum eftir á í öllu í dag. Ég veit ekki hvað klikkaði, vorum skrefinu á eftir þeim og þær voru tilbúnar í þetta. Byrjum á að fá aulalegt mark á okkur og svörum strax en vorum ekki tilbúnar í þetta," sagði Sara við Fótbolta.net.

„Ég veit ekki hvað gerðist. Það þýðir ekkert annað en að stíga upp og hysja upp um sig buxurnar. Við vorum komnar á fínt run en það þýðir ekkert að ofmetnast með það. Við getum barist en við sýndum það ekki í dag og það er sorglegt."

Grindavík er í 7. sæti með 13 stig en Sara segir liðið ekki vera úr fallbaráttu og það sé mikil barátta framundan.

„Þetta voru gjafir. Þetta var einbeitingaleysi. Þurfum að sýna karakter og stíga upp," sagði hún ennfremur.

Hægt er að sjá viðtalið í heild sinni hér fyrir ofan.