Alfreð Finnbogason í baráttunni í dag.
Alfreð Finnbogason kom inn í byrjunarlið Íslands í leiknum gegn Lettlandi í undankeppni EM 2016, en leiknum lauk með 2-2 jafntefli á Laugardalsvelli í dag.
Alfreð var líkt og liðsfélagar hans öflugur í fyrri hálfleiknum þar sem Ísland skoraði tvö mörk og hefði hann með smá heppni sjálfur getað komist á blað. Seinni hálfleikurinn var hins vegar ekki jafn góður og Lettar jöfnuðu metin í 2-2 og urðu það lokatölur.
Alfreð segir erfitt að greina nákvæmlega hvað fór úrskeiðis eftir leikhlé.
Alfreð var líkt og liðsfélagar hans öflugur í fyrri hálfleiknum þar sem Ísland skoraði tvö mörk og hefði hann með smá heppni sjálfur getað komist á blað. Seinni hálfleikurinn var hins vegar ekki jafn góður og Lettar jöfnuðu metin í 2-2 og urðu það lokatölur.
Alfreð segir erfitt að greina nákvæmlega hvað fór úrskeiðis eftir leikhlé.
„Það er erfitt að segja. Við urðum svolítið passífari og hættum að fara upp í gegnum miðjuna, sem var að ganga vel í fyrri hálfleik. Ég veit ekki hvað er hægt að segja," sagði Alfreð eftir leikinn.
„Þetta var mjög góður fyrri hálfleikur, við vorum með góðar skiptingar og vorum að skipta vel um stöður og vorum með 3-4 möguleika þegar við vorum að sækja á þá."
Alfreð var að vonum ánægður með að hafa fengið tækifæri í byrjunarliðinu í dag, örfáum dögum eftir að hann tryggði Olympiakos sigur gegn Arsenal á Emirates leikvangnum.
„Ég er bara mjög ánægður með að hafa fengið tækifærið, ég er búinn að bíða lengi og ég gerði bara mitt besta. Ég er alltaf ánægður þegar ég fæ að spila þannig ég er sáttur, en menn vilja alltaf meira," sagði Alfreð, sem segist ekki vita hvort hann byrjar næsta leik gegn Tyrklandi.
„Það kemur bara í ljós, það eru enn þrír dagar í þann leik og við vitum ekkert hvernig hlutirnir þróast. Ferðalag framundan og tvær æfingar, við bara svekkjum okkur á tveimur töpuðum stigum í dag og sjáum hvað gerist."
Athugasemdir
